ኢሳያሳ ቲንቢቴ 30:18 - Geeshsha Maxaafa

¹⁸ Gido attiin GODAY inttes kiya ooththanaas naagees; inttena ba qadheteththa bessanaas dendees; GODAY tumu pirdiza Xoossa gidida gishshas ammanettidi iza naagizayti anjjettidayta.

ጋሞ ማጻፋ

¹⁸ ጊዶ ኣቲን ጎዳይ ኢንቴስ ኪያ ኦናስ ናጌስ፤ ኢንቴና ባ ቃቴ ቤሳናስ ዴንዴስ፤ ጎዳይ ቱሙ ፒርዲዛ ጾሳ ጊዲዳ ጊሻስ ኣማኔቲዲ ኢዛ ናጊዛይቲ ኣንጄቲዳይታ።

ኢሳያሳ ቲንቢቴ 30:18 Referans Kwoze

2ጴጽሮሳ ኪታ 3:9

Issi issi asatas misatiza mala Goday ba yootida hidota qaalaa polanaas gam7ennakoshin asi wurikka maarettana malanne ay asikka dhayontta mala koyidi izi intte gishshas takkees.

ሌሚሶ ማጻፋ 16:20

Zore ekkiza asi duretees; GODAAN ammanettiza asi anjjettidaade.

ኢሳያሳ ቲንቢቴ 8:17

Tani ba sinth Yaaqoobe zaretappe genththida GODAA naagana; izakka hidota ooththana.

ኢሳያሳ ቲንቢቴ 25:9

He gallas isttas, «Be7ite nu Xoossay hayssa; nuni izan ammanettidos; izikka nuna ashshides; Hayssi GODAA; nuni izan ammanettidos; izi ashshidayssan ufayettoos; ufayssan hombocoos» gaana.

ዬ ማጻፋ 34:8

GODAY kiya gididayssa yuushshi qopite; izakko shiiqiday anjjettidaade.

2ጴጽሮሳ ኪታ 3:15

Nu Godaa dandayay inttena ashshanaas gididayssa intte erite; nu siiqo ishaa Phawuloosi baas imettida erateththa mala izi inttes xaafidayssi hayssa.

ሉቃሳ ሚሺራቾ 15:20

Hessa gishshas dendidi ba aawaakko bides; gido attiin buro izi haahora yishin aaway beyi mishettidinne izakko woxxi biidi idimmi oykkidi yeerides.

ኢሳያሳ ቲንቢቴ 55:8

GODAY, «Ta qofay intte qofa mala, intte ogeykka ta oge mala gidenna.

ዬ ማጻፋ 27:14

GODAAN ammanetta; minna, hidota qanxxofa, GODAAN ammanetta.

ኢሳያሳ ቲንቢቴ 33:5

GODAY bolla salon de7iza gishshas, dhoqqu dhoqqu gides; izi Xiyoono suure pirdaninne xilloteththan kunththana.

ኦሮሜ ኣሳስ 9:22

Xoossika ba hanqo bessanaassinne ba wolqqa erisanaas koyidi iza hanqo qonccisizayta, dhayanaas giigettidayta dhayssontta aggikochchi!

ኤርማሳ ቲንቢቴ 17:7

Gido attiin GODAAN ammanettiza asi, izi ammanettizay GODAA gididaadey anjjettidaade.

ያቆቤ ኪታ 5:11

Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.

ኢሳያሳ ቲንቢቴ 5:16

Gido attiin Ubbaafe Wolqqama GODAY, suure pirdan dhoqqu dhoqqu gaana; geeshsha Xoossay ba geeshshateththaa ba xilloteththan bessana.

1ሳሜላ ማጻፋ 2:3

«Hayssa mala otoron haasayopite; hayssa mala ceeqeteththa qaalay intte doonappe kezoppo; gaasoykka GODAY izi era; ooso ubbaa izi geeddarees.

ኤፌሶኔ ኣሳስ 1:8

Izi ba kiyateththaa, hiillateththaninne erateth ubbaan nu bolla keehi darssides.

ኦሮሜ ኣሳስ 5:20

Wogay yiin mooroy darides; gido attiin nagaray daroyssafe bollara Xoossa kiyateththi keehi darides.

ሃዋሬታ ኦሶ 5:31

Izikka Isra7eele naytas nagarappe simmidi maarettana mala Xoossi iza ubbaafe bollanne ashshizaade histtidi ba ushachchan dhoqqu dhoqqu histtides.

ሉቃሳ ሚሺራቾ 2:25

He wode Yerusalaame kataman xillonne Xoossa babbiza issi Simoona geetettiza asi dees; izikka Isra7eele nayta atoteththaa naagiza asanne Xillo Ayanay iza bolla shempida asa.

ሚልካሳ ቲንቢቴ 2:17

Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ዬ ማጻፋ 2:12

GODAY hanqettiin ogen intte dhayontta mala izas suure wozinan goynnite; ays giikko iza hanqoy eeson eexxi kezana. Iza banttas zemppo ooththizayti anjjettidayta.

ኬሳ ማጻፋ 34:6

GODAY Muse sinththara, «Tani GODAY qadhetaynne maarotay kumida Xoossa, hanqettanaas gam7iza, mernaas siiqizanne ammaneteththay darida Xoossa.

ኤፌሶኔ ኣሳስ 1:6

Hessika ba dosizaade baggara coo mela nuus imettida bonchcho kiyateththi galatettana malassa.

ሆሴኤ ቲንቢቴ 5:15

Istti ba bala eridi taakko simmana gakkanaas tani isttafe haakkana. Istta bolla metoy dariza wode istti tana minththi koyana» gees.

ኢሳያሳ ቲንቢቴ 18:4

GODAY taas, «Ta co7u ga uttana; seeta gallas awa seelan xolqettiza misha mala bone hombe mala, shaarappe bukkiza ira mala gidada ta xeellana» gides.

ዬ ማጻፋ 99:4

Tuma pirda dosiza wolqqama kawo! neni suureteththas yoch yeggadasa; neni Yaaqoobes tumu pirdanne xilloteth essadasa.

ዬ ማጻፋ 84:12

Abeet Ubbaafe Wolqqama GODAWU! Nenan ammanettizayti anjjettidayta.

ኢዮቤ ማጻፋ 35:14

Iyoobee! Neni ta Xoossa aykkoka be7ikke giikkoka, ne metoy iza sinththan de7iza gishshas, neni dandayan naagana koshshees.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

ሆሴኤ ቲንቢቴ 2:14

«Hessa gishshas ta izo maqqada bazzo efana; heen ta izira siiqo qaalan haasayssana.

ኢሳያሳ ቲንቢቴ 42:14

GODAY, «Tani adussa wodeesofe co7u gadis; sirphi gadis; tana qum7a oykkadis; ha7i gidikko miixa oykettida maccassa mala waassays; sheenottayssinne bannakays.

ኢሳያሳ ቲንቢቴ 40:31

Gido attiin GODAA hidota ooththizayti bantta wolqqa ooraxisseettes; istti golle mala piradhdhana; istti daaburontta woxxana; istti baana; argacettenna.

ኢሳያሳ ቲንቢቴ 2:11

Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.

ኢሳያሳ ቲንቢቴ 2:17

Moodhettizaadey kawuyana; otoranchchay kundana; he gallas GODAY xalla dhoqqu dhoqqu gaana;

ኢሳያሳ ቲንቢቴ 28:17

Tani suure pirda wadha wodoro, xilloteththika tumbe mala ooththana; intte wordo zempposo ooththidayssa shachcha iray meeccana; intte qotetti attizasozakka haaththi mittana» gees.

ኢሳያሳ ቲንቢቴ 33:2

Abeet GODAWU! Nuna maara; nuni nena hidota ooththidos; maalado maalado nuus wolqqa gida; meto wodekka nuna ashshizaade gida.

ኢሳያሳ ቲንቢቴ 42:16

Tani qooqeta istti erontta oge kaaleththana; istti meezetontta ogerakka ta istta efana; dhumaza ta istta sinththan poo7isana; kundukurcco sohota ta giigsana; haytantta ubbaa ta ooththontta aggike.

ኢሳያሳ ቲንቢቴ 48:9

«Ta sunththaa gishshas gaada tani ta hanqo gam7isana; ta galata gishshas gaada ta neeppe teqqana; ta nena qanxxontta aggana malassa.

ኢሳያሳ ቲንቢቴ 61:8

Tani GODAY suure pirda dosays; bonqqanne qoho ixxays. Ta ammaneteththan isttas bessizayssa immana; isttara mernaa caaqo qaala gelana.

ኢሳያሳ ቲንቢቴ 64:4

Beniisofe doommidi hidota ooththi naagizaytas gakkiza malaata ooththiday neeppe attiin hara Xoos be7ida ayfeynne siyida hayththi mulekka deenna.

ኤርማሳ ቲንቢቴ 42:7

Tammu gallassafe guye GODAA qaalay Ermaasakko yides.

ዳኔላ ቲንቢቴ 12:12

Genccidi 1,335 gallassati aadhdhana gakkanaas ba ammano naagizay anjjettida asa.

ሆሴኤ ቲንቢቴ 1:7

Yuhuda asaas gidikko tani ta siiqo bessana. Tani GODAY istta Xoossay ashshana; ta istta ashshanayssi ola wolqqan gidenna; mashshan, tooran woykko paraninne paran olizaytan gidenna» gides.

ኢሳያሳ ቲንቢቴ 57:16

Asa ayanay ta sinththan daaburontta mala ta medhdhida asaas peenoy eqqontta mala ta mernaas walassike; ta ubbato hanqettike.