ኢሳያሳ ቲንቢቴ 30:12 - Geeshsha Maxaafa

¹² Hessa gishshas Isra7eele Geeshshay, «Intte ha qaala kadhida gishshas, genen intte ammanettida gishshassinne baleththon zemppida gishshas,

ጋሞ ማጻፋ

¹² ሄሳ ጊሻስ ኢስራኤሌ ጌሻይ፥ «ኢንቴ ሃ ቃላ ካዳ ጊሻስ፥ ጌኔን ኢንቴ ኣማኔቲዳ ጊሻሲኔ ባሌን ዜምፒዳ ጊሻስ፥

ኢሳያሳ ቲንቢቴ 30:12 Referans Kwoze

ኢሳያሳ ቲንቢቴ 5:24

Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

1ታሶሎንቄ ኣሳስ 4:8

Hessa gishshas hayssa ha zoreza kadhidi ekkonttaadey Xillo Ayana izas immida Xoossaa kadhees attiin as kadhizaade gidenna.

ኣሞጼ ቲንቢቴ 2:4

GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ኢሳያሳ ቲንቢቴ 47:10

Neni ne iitateththan ammanettada, ‹Tana ooninne be7enna› gadasa. Qasse, ‹Tana; taappe attiin haray deenna ne gida wode ne aadho erateththaynne cinccateththi nena baleththida› gadasa.

ሉቃሳ ሚሺራቾ 10:16

«Intte gizayssa siyiza asi tana siyees; inttena ekkontta asi tanakka ekkenna; tana ekkonttaykka tana kiittidayssa ekkenna» gides.

ኤርማሳ ቲንቢቴ 13:25

Intte tana dogida gishshassinne wordo xoossatan ammanettida gishshas intte saamaynne intte qaaday hayssa.

ኢሳያሳ ቲንቢቴ 30:7

izi maados mulekka go7ay baynda dere istti Gibxe baana; hessa gishshas tani izi sunththaa «Aykkoka go7onttaaro Era7aabe» ga xeygana.

ኢሳያሳ ቲንቢቴ 30:1

GODAY, «Makkallanchcha gidida naytas aayye ana! taappe gidontta qofa kaalleettes; ta Ayanappe gidontta caaqo caaqqeettes; nagara bolla nagara gujjeettes.

ኢሳያሳ ቲንቢቴ 28:15

Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ኢሳያሳ ቲንቢቴ 5:7

Ubbaafe Wolqqama GODAA woyne tokkiza gadey Isra7eele asaa. Yuhuda asay izi ufayettiza atakilte. Istti suure pirda pirdana giidi naagides; gido attiin suuth gussishin be7ides. Izi xilloteth koyides; gido attiin meto waaso siyides.

ዬ ማጻፋ 62:10

Bonqqan ammanettofte; kaysi shiishshida dureteththan hidota ooththofte. Inttes dureteththi darikkoka intte wozina iza bolla woththofte.

ዬ ማጻፋ 52:7

«Xoossa baas zemppo ooththonttaade, ba dureteththa daron ammanettizaade ba iita ooson minnizaade hayssa be7ite!» gaana.

ሌሚሶ ማጻፋ 24:2

Istti ubbato makkalla miish maqetteettes; bantta inxarsankka gene haasayeettes.

ኢሳያሳ ቲንቢቴ 3:14

GODAY dere cimatanne kaaleththizayta pirdanaas issi bolla shiishshidi, «Tani woyne tokkizasohoza iissideta; manqotappe intte bonqqidayssi intte qol7an dees.

ኢሳያሳ ቲንቢቴ 3:15

Ta deraa ays meton liiqisidetii? Manqota ays yeesseetii? Hayssa yootiday tana Goda, Ubbaafe Wolqqama GODAA Xoossaa» gees.

ኢሳያሳ ቲንቢቴ 7:9

Qasse Samaariyay Efreeme biittaas hu7e; Eromeliyo nay Samaariyas hu7e; intte intte ammanon minnidi eqqontta ixxiko mulekka eqqanaas dandayekketa» gees.

ኢሳያሳ ቲንቢቴ 8:6

«Ha derey co7u gi goggiza Selihoome haaththata aggidi Eraasooneninne Eromeliyo naazan ufayettides.

ኢሳያሳ ቲንቢቴ 26:21

Biittaa bollan diza asaa istta nagaraa gishshas qaxxayanaas, GODAY ba de7izasoppe kezidi yees. Biittayka ba bollan gukkida suuththaa qonccisana; hayqqidaytakka hayssafe guye qottuku.

ኢሳያሳ ቲንቢቴ 59:4

Xilloteththan mootizay baawa; tumateththan pirdizay oonikka deenna. Hada yo7on ammanetteettes; wordo haasayeettes; shiro qanththatidi iitateth yelida.

ኢሳያሳ ቲንቢቴ 59:13

Nuni GODAA bolla makkallidi wordo haasaydos; nu Xoossaa kaalo aggidi sher7i gidos; makkallateththinne gene yo7o haasaydos. Nu wozinay shaari uttida wordo haasaydos.