ኢሳያሳ ቲንቢቴ 29:22 - Geeshsha Maxaafa

²² Hessa gishshas Abrahaame wozzida GODAY Yaaqoobesos, «Yaaqoobey hayssafe guye yeellatenna; iza sinththika laamettenna.

ጋሞ ማጻፋ

²² ሄሳ ጊሻስ ኣብራሃሜ ዎዚዳ ጎዳይ ያቆቤሶስ፥ «ያቆቤይ ሃይሳፌ ጉዬ ዬላቴና፤ ኢዛ ሲንካ ላሜቴና።

ኢሳያሳ ቲንቢቴ 29:22 Referans Kwoze

ኤርማሳ ቲንቢቴ 30:10

«Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ኢሳያሳ ቲንቢቴ 51:2

Intte aawa Abrahaamekko, inttena yelida Saarakko xeellite. Izi barkka dishin tani iza xeygadis; tani iza anjjadissinne darssadis.

ኢሳያሳ ቲንቢቴ 45:17

Isra7eeley gidikko GODAAN mernaa atoteth attana; intteka mernaas yeellatekketanne kawuyekketa.

ኢዩኤሌ ቲንቢቴ 2:27

Isra7eele asatoo tani intte giddon dizayssanne GODAA intte Xoossi tana xalla gididayssanne taappe haray bayndayssa intte erana; hessafe guye ta dereza yeellay gakkenna» gides.

ኢሳያሳ ቲንቢቴ 54:4

«Aykkoy baa babbofa; ne yeellatakka; hirgofa; ne kawuyaka; ne yelagateththa yeellaa neni dogana; ne am7eteththaa borokka hayssafe sinththan hassa7akka.

ሉቃሳ ሚሺራቾ 1:68

«Yiidi ba asaa ashshida gishshas Isra7eele Xoossi galatetto.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.

ሂዚቄላ ቲንቢቴ 39:25

«Hessa gishshas Ubbaa Haariza GODAY, ‹Ha7i Yaaqoobey goodettidasoppe tani iza zaarada ishalsana; Isra7eele asaa ubbaas ta qadhettana; ta geeshsha sunththaa gishshas tani mishettana.

ሂዚቄላ ቲንቢቴ 37:28

Ta Keeththay mernaas istta giddon diza wode Isra7eeleta geeshshizay tana GODAA gididayssa kawoteththati erana› gees» gides.

ሂዚቄላ ቲንቢቴ 37:24

« ‹Ta aylle Dawiti istta bolla kawotana; ubbaasikka issi heenththanchchay daana; istti ta wogaa kaallana; ta maaraakka minththi naagana.

ኢሳያሳ ቲንቢቴ 63:16

Abrahaamey nuna erontta aggiko, Isra7eeleykka nuna akeekontta aggikokka neni nuus aawa. Abeet GODAWU, neni nuus aawa; Beniisofekka doommidi ne sunththay nuna wozzizayssa.

ኢሳያሳ ቲንቢቴ 51:11

GODAY wozzidayti simmana; yexxishekka Xiyoone gelana; mernaa ufayssa kallachcha hu7en goxxana; istti injjenne ufayssa duus demmana; ceeceynne yeehoy isttafe baqatana.

ኢሳያሳ ቲንቢቴ 45:25

Gido attiin Isra7eele zereth ubbay GODAAN xillana; bonchchoka demmana.

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ሜቴ ማጻፋ 48:16

iita miishsha ubbaafe tana ashshida kiitanchchay, ha nayta anjjo. Ta sunththaynne ta aawata Abrahaamenne Yisaaqa sunththay isttan xeygetto. Istti biitta bollan corattetto» gi anjjides.

ኢሳያሳ ቲንቢቴ 50:7

Ubbaa Haarizaa GODAY tana maaddiza gishshas tani kawuykke; hessa gishshas ta ayfeso daldacha shuchcha mala ooththadis; tani yeellatonttayssa erays.