ኢሳያሳ ቲንቢቴ 28:15 - Geeshsha Maxaafa

¹⁵ Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ጋሞ ማጻፋ

¹⁵ ኢንቴ፥ «ኑኒ ሃይቆራ ጫቄቲዶስ፤ ዱፎራካ ሲጌቲዶስ፤ ዎርዶ ኑስ ዜምፖሶኔ ቆቴቲዛሶ ኦዶስ፤ ዎልቃማ ቦሻይ ፒቲ ኤኪ ቢሼ ኑና ቦቻናስ ዳንዳዬና» ጊ ኦቶሬቲዴታ።

ኢሳያሳ ቲንቢቴ 28:15 Referans Kwoze

ኣሞጼ ቲንቢቴ 2:4

GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ሆሴኤ ቲንቢቴ 2:18

He wode do7atara, kafotaranne biitta bolla gooshettiza medheteth ubbatara ta intte gishshas caaqettana. Ubbayka saron daana mala ola, tooranne, Mashsha biitta bollafe ta diggana.

ዳኔላ ቲንቢቴ 11:22

Hessafe guye izara eqettiza daro olanchchati iza sinththafe pitetti dhayana; caaqeththiza halaqazikka hayqqana.

ሂዚቄላ ቲንቢቴ 13:22

Tani qohontta xilloza intte wordora ceecissida gishshas, nagaranchchay ba iita ogeppe simmidi ba shemppo ashshontta mala intte iza iza nagaran minththeththideta.

ኢሳያሳ ቲንቢቴ 28:18

Intte hayqora caaqettida caaqoy attana; intte duufora sigettida sigay laalettana; wolqqama boshay pitti ekki bishe inttenakka pitti ekki baana.

ሶፎናሳ ቲንቢቴ 1:12

He wode ta Yerusalaame giddoza xomppera koyana; aykko hirgay baynda badhdhi gi uttidayta, woyne ushshu gacci ekkichchiin orcco bolla attida woyne ushsha mala gididayta, ‹Iita gidiin woykko lo7o gidiin GODAY aykkoka ooththenna› gizayta ta qaxxayana.

ዮናሳ ቲንቢቴ 2:8

Hada eeqata kaallizayti wuri nenan GODAAN ammanettanayssa aggida.

ሂዚቄላ ቲንቢቴ 13:16

Yerusalaames tinbite yootidaytinne saroy baynda dishin saroteththa ajjuuta izis be7ida Isra7eele nabeti dhayda› gays.

ሂዚቄላ ቲንቢቴ 8:12

Qasse Xoossi tana, «Haysso asa nawu! Isra7eele keeththaa cimati issoy issoy qol7a giddon dhumason bantta eeqa misle keeththan istti ooththizayssa beyay? Gaasoykka istta, ‹GODAY nuna beyenna; GODAY biittaa aggides› geettes» gides.

ኤርማሳ ቲንቢቴ 44:17

Nuni ooththana gida miish ubbaa ooththoos; Nuni, nu aawati, nu kawotinne nu halaqati Yuhuda katamataninne Yerusalaame ogetan kase ooththida mala, nunikka salo kawoyo geetettiza eeqa xoossays exaane cuwasoos; ushsha yarshoka izis yarshoos; nuni kase hessa ooththiza wode nuus tirpa kaththi dees; nuni lo7o duus de7idos attiin aykko iitakka be7ibeekko.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 14:13

Histtiin tani, «Abeet Ubbaafe wolqqama GODAWU! Aayye ana! Nabeti isttas, ‹Intte ola be7ekketa woykko koshay inttena demmenna; tani inttes wurseth gakkanaas saroteth immana› geettes» gadis.

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ኢሳያሳ ቲንቢቴ 30:28

Iza peenoykka qoodhe gakkidi meecci efiza kixa haaththa mala; kawoteththatakka dhayso zayzaren zayzarees; asaa doonan oge baleththiza bixala barssees.

ኢሳያሳ ቲንቢቴ 30:10

Ajjuuta be7izayta, «Hayssafe guye ajjuuta be7opite» gaana; nabeta, «Hayssafe guye nuus tuma tinbite yootopite; nuna ufayssizaazinne miichchizaaz yootite.

ኢሳያሳ ቲንቢቴ 29:15

Bantta halchcho GODAAPPE genththanaas duge ciimma ollan wodhdhizaytas bantta ooso dhuman ooththizaytas «Nuna ooni be7anee? Nuna ooni eranee?» gizaytas aayye ana!

ኢሳያሳ ቲንቢቴ 28:2

Be7ite, Godaas wolqqamanne mino gidida issoy dees; hessika shachcha uusho mala, dhayssiza gote carko mala, wolqqama dambala malanne wolqqama ira mala wolqqan izi izo duge biittan yeggana.

ኢሳያሳ ቲንቢቴ 9:15

Cimatinne bonchchettidayti hu7e; wordo tamaarsiza nabeti goyna.

ኤራንቻታ ማጻፋ 8:8

Asi ba shemppo naagi ashshanaas dandayenna; woykko ba hayqqana gallassa bolla maatay diza asi deenna; ola gallas oonikka ola yeggidi guye simmonttayssa mala iita oosoykka banara meezetidayta yeddenna.

ኢዮቤ ማጻፋ 5:23

Ne goyiza gaden nena shuchchi waayisenna; do7atarakka ne saron daana.

ኢሳያሳ ቲንቢቴ 3:12

Yelagati ta deraa un7eththeettes; maccassatikka istta haareettes; Ta derezoo! Inttena kaaleththizayti inttena baleththida; intte biza ogeppeka inttena kare kessida.

ኢሳያሳ ቲንቢቴ 30:9

Hayti GODAA azazo siyana koyonttayti, makkallanchcha derenne baleththiza nayta.

ኢሳያሳ ቲንቢቴ 44:20

Eeya wozinay iza baleththiin izi bidinth qam7ees; bana ashshana dandayenna; «Hayssi taas ushachcha kushen dizay wordo gidennee? gaanaas dandaybeenna.»

ኢሳያሳ ቲንቢቴ 59:3

Intte kushey suuththan, intte biradhdheyka qohon muulettides; intte doonay wordo haasaydes; inxarsati iita yo7o sissida.

ኢሳያሳ ቲንቢቴ 59:4

Xilloteththan mootizay baawa; tumateththan pirdizay oonikka deenna. Hada yo7on ammanetteettes; wordo haasayeettes; shiro qanththatidi iitateth yelida.

ኣሞጼ ቲንቢቴ 6:13

Intte Lodibaare katama xoonida gishshas ufayettideta; «Qarnayme katamayo nuni nu wolqqan oykkidos» gidi ceeqetteeta.

ሜቴ ማጻፋ 37:20

Haa yiite! Iza wodhidi ha ollatappe issaa giddo yeggoos. Hessafe guye, ‹Iita do7ay iza mides› gaana; histtidi iza agumoy polettiin ane be7ana» gida.

ኢሳያሳ ቲንቢቴ 30:12

Hessa gishshas Isra7eele Geeshshay, «Intte ha qaala kadhida gishshas, genen intte ammanettida gishshassinne baleththon zemppida gishshas,

ኤርማሳ ቲንቢቴ 5:12

Istti GODAA bolla wordo haasayda; «Izi nuna aykkoka ooththenna; iita miishshika nu bolla gakkenna; olanne kosha nuni mulekka be7okko.

ኤርማሳ ቲንቢቴ 13:25

Intte tana dogida gishshassinne wordo xoossatan ammanettida gishshas intte saamaynne intte qaaday hayssa.

ሂዚቄላ ቲንቢቴ 22:28

Izi nabeti goda aannon tiyiza mala wordo ajjuutaninne muurennon isttas buuri shiishsheettes; isttas GODAY yootontta dishin, ‹Ubbaa Haariza GODAY hayssa mala gees› geettes.

ዳኔላ ቲንቢቴ 9:27

Halaqazi daro asaara issi saaminttas caaqettana; saaminttaas bagga bolla yarshozanne kaththa imota diggana; isttasohon bash ehiza tunateth Xoossa Keeth gelththana; hessika hananay he bashsha kaaleththizayssa bolla awajjettida qixaatey polettana gakkanaassa» gides.