ኢሳያሳ ቲንቢቴ 24:15 - Geeshsha Maxaafa

¹⁵ Hessa gishshas arshey mokkiza baggara dizaytoo, abban diza haruroti GODAA Isra7eele Xoossaa, sunththaa dhoqqu dhoqqu histtite.

ጋሞ ማጻፋ

¹⁵ ሄሳ ጊሻስ ኣርሼይ ሞኪዛ ባጋራ ዲዛይቶ፥ ኣባን ዲዛ ሃሩሮቲ ጎዳ ኢስራኤሌ ጾሳ፥ ሱን ቁ ቁ ሂስቲቴ።

ኢሳያሳ ቲንቢቴ 24:15 Referans Kwoze

ሚልካሳ ቲንቢቴ 1:11

Awa arshey kezizasoppe doommidi arshey wullizaso gakkanaas ta sunththay dere ubbaa giddon bonchchettana; beettooson ubbaan ta sunththas exaaneynne geeshsha yarsho asay shiishshana; ta sunththi asa ubbaa achchan bonchchettana.

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

ኢሳያሳ ቲንቢቴ 51:5

Ta xilloteththay eesoti yeeththa bolla, ta atoteththay matishe dees; ta qesey kawoteththatas tuma pirda ehana; haruroti taakko xeellana; ta qesekka hidota ooththana.

ኢሳያሳ ቲንቢቴ 49:1

Intteno harurotoo, ta gizayssa siyite. Intteno haahon diza kawoteththatoo, hayssa ezgite. Tani ta aayi ulon dishin GODAY tana xeygides; ta yelettontta dishin tana ta sunththan xeygides.

ኢሳያሳ ቲንቢቴ 42:10

Intteno duge abban wodhdhizaytoo, heen diza ubbatoo! Intteno harurotoo! Heenkka diza ubbatoo! GODAASSI ooraththa mazamure yexxite; biittaa gaxaappe doommidi izas galata mazamure shiishshite.

ኢሳያሳ ቲንቢቴ 42:4

Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

1ጴጽሮሳ ኪታ 3:15

Godaa Kirstoosa intte wozinan bonchchitenne iza intte de7os Godaa histtite; inttes diza hidota gishshas inttena oychchizaytas ubbaas zaaro immanaas ubba wode giigetti uttite.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.

ሃዋሬታ ኦሶ 16:25

Giddi giddoth gidishin Phawuloosinne Sillaasi woosaninne mazamuren Xoossaa galatishin qasho asay istta yeththaanne galataa ezgi siyides.

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ኢሳያሳ ቲንቢቴ 66:19

Tani istta giddon malata ooththana; isttafe attida issi issineta gede kawoteththatakko, Tarseese, Puuxe, wondafen olettiza erettida Luudetakko, Tubaalenne Yaawaane hessaththoka ta goobateththaa siyonttaytakkonne ta bonchcho beyonttaytakko haakon diza abba giddon diza harurotakko ta yeddana; ta bonchcho kawoteththata giddon yootana.

ኢሳያሳ ቲንቢቴ 41:5

Haruroti be7idi yayyida; sa7a gaxatikka kokkorida; issi bolla shiiqidi sinth yida.

ኢሳያሳ ቲንቢቴ 25:3

Hessa gishshas mino dereti nena bonchchana; menxe iita kawoteththati nees yayyana.

2ታሶሎንቄ ኣሳስ 1:12

Qasseka nu Godaa Xoossaanne nu Godaa Yesus Kirstoosa kiyateththaa mala Yesus Kirstoosa sunththi intte achchan bonchchettana malanne intteka izan bonchchettana mala nu inttes woossoos.

ኣስቴሪ ማጻፋ 10:1

Kawo Arxekisisi ba haariza dere ubbaa bolla biidi abba lanqe gakkanaas dizayta bolla giira yeggides.

ኢሳያሳ ቲንቢቴ 12:4

He wode intte GODAA galatite! Iza sunththaaka xeygite. Izi ooththidayssa kawoteththata giddon erisite. Iza sunththay dhoqqu dhoqqu gidayssa awajjite.

ኢሳያሳ ቲንቢቴ 26:8

Abeet GODAWU! Ne woga ogera hemettishe nuni nena hidota ooththidos; ne sunththinne ne gitateththi nu wozinas amo.

ኢሳያሳ ቲንቢቴ 42:12

Istti bonchcho GODAAS immetto; iza galataykka harurotan awajjetto.