ኢሳያሳ ቲንቢቴ 23:9 - Geeshsha Maxaafa

⁹ Otorettizayta ubbaa bonchcho kawushshanaas qasse biittaa bolla dhoqqu dhoqqu gidayta ziqqi histtanaas GODAY Ubbaafe Wolqqama Xoossay halchchides.

ጋሞ ማጻፋ

⁹ ኦቶሬቲዛይታ ኡባ ቦንቾ ካዉሻናስ ቃሴ ቢታ ቦላ ቁ ቁ ጊዳይታ ዚቂ ሂስታናስ ጎዳይ ኡባፌ ዎልቃማ ጾሳይ ሃልቺዴስ።

ኢሳያሳ ቲንቢቴ 23:9 Referans Kwoze

ያቆቤ ኪታ 4:6

Gido attiin izi ba kiyateth nuus gujji immees; Maxaafaykka, «Xoossi otoranchchatara eqettees; ashketas gidikko ba kiyateth immees» giday hessassa.

ኢሳያሳ ቲንቢቴ 13:11

GODAY, «Tani alame izi iitateththaa gishshas qaxxayana; iitatakka istta nagara gishshas qaxxayana. Tani otoranchchata otoreteth shaarana; menxe iitata otoreteth ta kawushshana.

ኢሳያሳ ቲንቢቴ 2:11

Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.

ዳኔላ ቲንቢቴ 4:37

«Hekko be7ite! Tani Nabukadanaxoorey salo kawos galata, bonchchonne saba shiishshays; iza ooso ubbay likke; iza ogeykka suure; otoranchchata izi kawushshanaas dandayees» gides.

ኤፌሶኔ ኣሳስ 3:11

Xoossi nu Godaa Yesus Kirstoosa baggara hayssa poliday ba mernaa qofaa mala.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.

ሃዋሬታ ኦሶ 4:28

Hayssanka ne wolqqaninne ne shenen kase ne qoppidayssa istti polida.

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ኤርማሳ ቲንቢቴ 51:62

Neni, ‹Abeet GODAWU! Neni hanno ha sohoyin as gidiin mehey mulera dhayana gakkanaas mernaas bula kessana gadasa› ga.

ኢሳያሳ ቲንቢቴ 14:27

Ubbaafe Wolqqama GODAY hayssa qoppides; hessa iza oonee digganay? Izi ba kushe denththides; hessa zaaranay oonee?

ኢሳያሳ ቲንቢቴ 14:24

Ubbaafe Wolqqama GODAY, «Tani halchchida mala polettana; ta qoppida malakka hanana.

ኢሳያሳ ቲንቢቴ 10:33

Be7ite GODAY, Ubbaafe Wolqqama GODAY ba gita wolqqan haggata qanxxereththana; adussa miththatikka shiretti wodhdhana; dhoqqu dhoqqu gidaytikka kundana.

ኢሳያሳ ቲንቢቴ 9:15

Cimatinne bonchchettidayti hu7e; wordo tamaarsiza nabeti goyna.

ኢሳያሳ ቲንቢቴ 5:13

Histtiin ta Derey akeeka dhayda gishshas di7etti baana; istta shuumeti koshan hayqqana; istta dere asaykka haaththa saamon xuugetti hayqqana.

ኢሳያሳ ቲንቢቴ 2:17

Moodhettizaadey kawuyana; otoranchchay kundana; he gallas GODAY xalla dhoqqu dhoqqu gaana;

ዬ ማጻፋ 107:40

GODAY halaqata kawushshides; ogey baynda bazzon toylattana mala istta ooththees.

ኢዮቤ ማጻፋ 12:21

Gita asata yeellachchana; wolqqamata wolqqa diggana.

ኢሳያሳ ቲንቢቴ 14:26

Sa7a ubbaas qofettida qofay hayssa; kawoteththata ubbaa bollan micettida kushey hayssa.

ኢሳያሳ ቲንቢቴ 23:10

Intteno Tarseese biitta asatoo! Inttena teqqizay baynda gishshas Abbaye shaafa mala intte biitta bollan kumidi goggite.

ኢሳያሳ ቲንቢቴ 32:13

Ta deraa biittaa gishshas, agunththinne kindichchoy mokkida biittaa gishshas, homboceththan isttan guppiza keeththata ubbaa gishshas, homboceththan izin guppiza katamays yeekkite.

ኤርማሳ ቲንቢቴ 13:9

«GODAY tani Yuhuda asaa otoreteththinne Yerusalaame asaa ceeqeteth hessa mala dhayssana.

ኣብዲዩ ቲንቢቴ 1:2

GODAY Eedoomes, «Ta nena dere asaappe laafisana; neni as ubbaan leqettidaaz gidana.

ኬሳ ማጻፋ 8:4

Ooqqarsati ne bolla, ne asaa bollanne daannata ubbaa bolla kezana› gaada yoota» gides.

ኢሳያሳ ቲንቢቴ 2:12

Ubbaafe wolqqama GODAY Otoranchchata, moodhettizaytanne ceeqettizayta kawushshanaas gallas bari woththides.