ኢሳያሳ ቲንቢቴ 16:11 - Geeshsha Maxaafa

¹¹ Hessa gishshas ta wozinay Mo7aabe gishshas qadheta milas sissawus; Qiire-Hereeseta gishshas ta maraceya yeekkawus.

ጋሞ ማጻፋ

¹¹ ሄሳ ጊሻስ ታ ዎዚናይ ሞኣቤ ጊሻስ ቃታ ሚላስ ሲሳዉስ፤ ቂሬ-ሄሬሴታ ጊሻስ ታ ማራጬያ ዬካዉስ።

ኢሳያሳ ቲንቢቴ 16:11 Referans Kwoze

ኢሳያሳ ቲንቢቴ 15:5

Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ፒሊጲሲዮሴ ኣሳስ 2:1

Inttes Kirstoosa baggara beettida issifeteththaa gaason issoy issaa minththeththizaaz siiqo gidiinkka woykko Ayana issifeteth woykko maaroynne asas misheteththi intte garsan diikko intte as siiqon issi Ayananinne issi qofan gididi ta ufays polite.

ሆሴኤ ቲንቢቴ 11:8

«Efreemee! Ta nena wostta aggaaganee? Isra7eele ta nena wostta aaththa immanee? Ta kase Adaamaninne Xaboymen ooththidayssaththo wostta ne bolla ooththoo? Ta wozinay giddon qaaxxides; ta maaroteththay nena ashshana dendides.

ኤርማሳ ቲንቢቴ 48:36

«Ta wozinay Mo7aabessinne Qiire-Hereese asaas zayen yeekkiza asa mala yeekkees; gaasoykka istta dureteththi dhaydes.

ኢሳያሳ ቲንቢቴ 63:15

Abeet GODAWU, dummatida, bonchchettidanne dhoqqu gida ne araataappe saloppe duge xeella; ne wolqqaynne ne mishettiza mishoy awanee? ne ashketeththaynne ne qadheteththi nuuppe haakkides.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ኤርማሳ ቲንቢቴ 4:19

Waanoo tanii! Tani hayssa wostta dandayanee! Tana metides! Ta wozinay hirgees; tani co7u gaanaas dandaykke. Ays giikko tani zaye cenggurssinne ola cenggurs siyadis.

ኢሳያሳ ቲንቢቴ 21:3

Hessa gishshas ta xeessay sako xalala gidides; miixay oykkida maccassa mala tana leessoy oykkides; tani siyida yo7oy tana gadigadissides; ta be7ida yo7on shirotadis.

ኤርማሳ ቲንቢቴ 48:31

Hessa gishshas tani Mo7aabes yeekkays; Mo7aabe dere ubbaas, ‹Wuu! Wuy› gays; Qiire-Hereese asaasikka yeeho cenggurs sissays.

ኤርማሳ ዚላስ 1:20

«Abeet GODAWU! Ta waayeza be7a! ta giddo asateththay metotides; ta keeha makkalladis; ta wozinaykka meqqides; Karen gidiin soon deraa hayqoy wursees.