ኢሳያሳ ቲንቢቴ 16:10 - Geeshsha Maxaafa

¹⁰ Ufayssaynne ililisay ne atakiltey dizasoppe kichchides; woyne tokkizasohon yexxiza yeththay deenna; ilisikka attides. Woyne teera gum7izasohoy deenna; gum7izayta hombocaakka ta dhayssadis.

ጋሞ ማጻፋ

¹⁰ ኡፋይሳይኔ ኢሊሊሳይ ኔ ኣታኪልቴይ ዲዛሶፔ ኪቺዴስ፤ ዎይኔ ቶኪዛሶሆን ዬጺዛ ዬይ ዴና፤ ኢሊሲካ ኣቲዴስ። ዎይኔ ቴራ ጉምኢዛሶሆይ ዴና፤ ጉምኢዛይታ ሆምቦጫካ ታ ይሳዲስ።

ኢሳያሳ ቲንቢቴ 16:10 Referans Kwoze

ኤርማሳ ቲንቢቴ 48:33

Mo7aaben atakiltesoppenne goshsha gadeppe hashshu histtizaazinne ufayssi dhaydes; woyne ushshi gum7iin wodhdhontta mala melissadis; oonikka iza ililishe gum7enna; heen asa qaalay siyettikokka ililisa cenggurssa gidenna.

ኣሞጼ ቲንቢቴ 5:17

Woyne miththi tokettizason ubbaan yeeho xalla gidana; hessika wuri hananay ta intte giddora aadhdhiza gishshassa» gees.

ኣሞጼ ቲንቢቴ 5:11

Manqota un7eththeeta; istta wolqqara kath giiriseeta; inttes masettida shuchchafe keeth keexxideta shin he keeththan deekketa. Aradda biittan woyne miththa tokkideta shin izappe agettida woyne ushshu uyekketa.

ዳናታ ማጻፋ 9:27

Ubbayka ba gade gade biidi woyne teera maxida; woyne ushshaa aggidi gita ba7aale bonchchida; bantta eeqa keeththaa gelidi heen mishenne uyishe Abimelekke cayida.

ሶፎናሳ ቲንቢቴ 1:13

Istti haarida haaroy bonqqettana; istta keeththay laalettana; istti keeth keexxanashin ba keexxida keeththan deettenna; woyne mith tokkanashin ba tokkida woynezappe oosettida ushshaa uyettenna» gees.

ኢሳያሳ ቲንቢቴ 32:10

Layththay buro aadhdhida mala, intte badhdhi gi uttidayti kokkorana; woyne turay ayfe immenna dumma dumma ayfe intte shiishshiza wodey yeenna.

ኢዮቤ ማጻፋ 24:11

Iita asata gaden wogara ayfeppe zayte kesseettes; woyne miththa ayfeppe cajje ageettesseshin istti gidikko saametteettes.

ኢሳያሳ ቲንቢቴ 24:11

Woyne ushsha gishshas dubbushan waasseettes; ufayssi ubbay ceecen laamettana; homboca kaassi biitta bollafe dhaydes.

ኢዩኤሌ ቲንቢቴ 1:12

Woyne miththatinne balase miththati shullida; oroomaanenne temire miththati, laadeynne hara ayfe ayfiza miththati wurikka melida; hessa gaason addafe ufayssi asappe haakkides.

ኣሞጼ ቲንቢቴ 9:13

«Kath maxizayti maxi wursontta dishin goshsha wodey gakkees; woyne ayfe gum7izaadey gum7i giigontta dishin woyne puute tokkiza wodey gakkees; he wode mal7iza lo7o woyne ushshi zumaappe pulttana; zumbullatappeka goggana.

ሂዚቄላ ቲንቢቴ 7:7

Intteno hanno biittay bolla dizaytoo! Inttena dhayssana pirday intte bolla gakkides; wodezi gakkides; zumbullata bolla ufayssa ilis gidontta shiroy gakkides.