ኢሳያሳ ቲንቢቴ 13:6 - Geeshsha Maxaafa

⁶ GODAA gallassi matida gishshas yeekkite! He gallas Ubbaa Dandayza Xoossaa matappe bashshi yaana.

ጋሞ ማጻፋ

⁶ ጎዳ ጋላሲ ማቲዳ ጊሻስ ዬኪቴ! ሄ ጋላስ ኡባ ዳንዳይዛ ጾሳ ማታፔ ባሺ ያና።

ኢሳያሳ ቲንቢቴ 13:6 Referans Kwoze

ኢዩኤሌ ቲንቢቴ 1:15

Aye ana! GODAA gallassi matides. Ubbaa dandayza Xoossay dhayssizaaz ehiza gallassi gakkides. He gallassays aayye ana!

ሶፎናሳ ቲንቢቴ 1:7

GODAA gallassay matida gishshas Ubbaa haariza GODAA sinththan co7u giite; GODAY yarsho giigsides; ba xeygidayta baas dummasides.

ኣሞጼ ቲንቢቴ 5:18

Intteno GODAA gallas naagizaytoo! Inttes aayye ana! He gallassay dhumappe attiin poo7o gallas gidontta gishshas intte ays he gallassa koyeetii?

ኢሳያሳ ቲንቢቴ 13:9

Be7ite GODAA gallassay menxe iita; biitta mela ashshanaas izin diza nagaranchchata dhayssanaas bashsharanne gita hanqora yaana.

ዮሃኒሳ ኣጁታ 18:10

Izi waayezas babbida gishshas haahon eqqidi, «Hanne gita katamayee! Hanne mino katamaye Baabiloonee! Ne pirday mexi issi saate giddon yida gishshas nees Aayye ana! Aayye ana!» gaana.

ኢዩኤሌ ቲንቢቴ 2:11

GODAY ba olanchchata sinththan dada mala guummana; iza olanchchati ay mala daroo! Iza azazo ooththizayti ay mala wolqqamaa! tumappeka GODAA gallassay keehi wolqqama; keehi babisiza he gallassaa danday eqqanay oonee?

ኤርማሳ ቲንቢቴ 51:8

Baabilooney qoppontta dashe kunda meqqana; hessa gishshas izis waassite! Oonee erizay iza paxanaakko izi madunththaska dhale koyite.

ኢሳያሳ ቲንቢቴ 34:8

Hessika GODAY halo kessiza gallassinne Xiyoone gishshas morkketa oliza layth gidana.

ኢሳያሳ ቲንቢቴ 2:12

Ubbaafe wolqqama GODAY Otoranchchata, moodhettizaytanne ceeqettizayta kawushshanaas gallas bari woththides.

ያቆቤ ኪታ 5:1

Histtiko intteno dure asatoo! Ane siyite. Buro intte bolla gakkana metoza gishshas yeekkite; «Wu! Wuy» gi waassite.

ሚልካሳ ቲንቢቴ 4:5

«Hekko keehi gitanne yashissiza Ubbaafe Wolqqama GODAA gallassay gakkanaappe kase ta inttes nabe Eelaasa yeddana» gees Ubbaafe Wolqqama GODAY.

ሶፎናሳ ቲንቢቴ 1:14

«GODAAPPE yaana gita gallassay matides; hessika eeson yaana; GODAA gallassan siyettana yeehoy camo; heen olanchchati camo waaso waassana.

ኢዩኤሌ ቲንቢቴ 2:31

Gita babisiza Godaa gallassay yaanaappe kasetidi arshey dhumana; aginaykka suuth aaththana.

ኢዩኤሌ ቲንቢቴ 1:13

Intte intte Xoossa yarsho shiishshiza kath gidiin woykko woyne ushshi baynda gishshas intteno ta Godaa oosanchchata gidida qeesetoo! Ane haa yiidi maaqa may7idi kumeththa omars yeekkite. Intteno yarsho yarshizason ooththizaytoo! Intte, «Wuu! Wuy!» gi waassite.

ኢዩኤሌ ቲንቢቴ 1:5

Hessafe guye woyne ushshu intte demmontta gishshas yeekkite; intteno maththottizaytoo! Intte dhiskizasoppe beeggidi waassite; intteno wonttan wonttan woyne ushshu uyizaytoo! Camo yeeho yeekkite.

ኢሳያሳ ቲንቢቴ 14:31

«Nenoo pengezoo! Wuu! Wuy ga; Nenoo katamazoo! Waassa; Intteno Filisxeeme asatoo! Intte ubbayka hirgan seerite! Gaasoykka pudeha baggafe cuway intte bolla yides; he cifraappe duuxxi attanay deenna.

ኢዮቤ ማጻፋ 31:23

Tani Xoossa hanqos yayyiza gishshassinne iza teemateththaas yayyiza gishshas Hayssa mala yo7ota ooththanawu ta dandaykke.

ኢዩኤሌ ቲንቢቴ 1:11

Gistteynne banggay haraykka bone kaththi wurikka dhayda gishshas intteno goshshanchchatoo ceecite; intteno, woyne miththata godatikka yeekkite.

ሂዚቄላ ቲንቢቴ 21:12

Haysso asa nawu! Hayssi ta dere bolla Isra7eele daannata ubbaa bolla yides; hessa gishshas yeehonne waaso sissa; istti ta derezara issife mashshas imettida; hessas ne gishshas ne tira icca.

ኤርማሳ ቲንቢቴ 49:3

Hanne Haseboone! Aye katamay dhayda gishshas yeekka; Eraaba macca naytoo waassite; maaqa may7idi yeekkite; gaasoykka Milkkoomey ba qeesetaranne ba shuumetara di7ettidi baana; dirsa giddon yaanne haa woxerettite.

ኢሳያሳ ቲንቢቴ 65:14

Ta ashkarati wozinappe ufayssan yexxana; intte gidikko wozinay meqqiin intte waassana; intte ayanay meqqida gishshas intte woo woo giidi waassana.

ኢሳያሳ ቲንቢቴ 52:5

‹Histtiin ta derey gaasoykka baynda di7etti biichchiin taas haan aazi dizee?› Istta haaridayti istta bolla qilccida; gallas kumeth ta sunththaa pacey baynda cayeettes.

ኢሳያሳ ቲንቢቴ 23:1

Xiroose bolla yootettida mino yo7o; Xiroosey dippi gi dhayda gishshas Tarseese markabetoo waassite; keeththinne wodebey bayndaso gidadus. Qophiroose biittafe worey kezides.

ኤርማሳ ቲንቢቴ 25:34

Intteno heenththanchchatoo! Yeekkitenne waassite. Intteno wudaa heemmizaytoo! bidinththan genderettite. Intte shukettana wodey gakkida gishshas lo7i medhettida mana miishshi tinchchettiza mala intte kundi tinchchettana.

ኢሳያሳ ቲንቢቴ 10:3

Inttena xomosiza wode intte awa gelandetii? Haakoppe bashshi yiza wode ay hanandetii? Maado demmanaas oonakko baqatandetii? Intte aqota awan qottandetii?

ኢሳያሳ ቲንቢቴ 10:25

Ta ne bolla ehida qixaateza guuththa wode garsan ta essana; ta istta bollaka bosha ehana» gees.

ኢሳያሳ ቲንቢቴ 14:23

Tani Baabiloone quxarsa aqosonne care kessana; bashsha peyxan tani izo pitta dhayssana» gees.

ኢሳያሳ ቲንቢቴ 34:2

GODAY kawoteth ubbaa hanqettides; iza hanqoyka iza olanchchata ubbaa bollana. Izi istta mulera dhayssana; shukaska aaththi immana.

ኢሳያሳ ቲንቢቴ 47:11

Bashshi ne bolla yaana; neni wostta muurenna zaaranaakko erakka; ne qanxxo immada ne dandayontta qohoy ne bolla gakkana. Ne qoppontta metoy ne bolla dingate yaana.

ኢሳያሳ ቲንቢቴ 61:2

Dosettida GODAA layth, nu Xoossay halo kessiza gallassa awajjana malanne yeekkizayta ubbaa minththeththana mala tana kiittides.

ሂዚቄላ ቲንቢቴ 13:5

GODAA gallassan yiza olan dirsay minni eqqanaas dandayana mala phalqettida Isra7eele gimbeza minththi gimbanaas intte hee kezibeekketa.

ዳኔላ ቲንቢቴ 5:9

Kawo Belishaxoorey kaseppe keehi babbida gishshas iza ayfesoy laametti laametti bides; iza shuumetas hanizaazi dhayiin dagammida.

ዳኔላ ቲንቢቴ 5:26

Hessa birsheththi hayssafe kaallizayssa; Manee! Guussi, ‹Xoossi ne kawoteththa layththaa qoodides; wurseththika gaththides› guussa.

ዛካራሳ ቲንቢቴ 14:1

Hekko GODAY pirdiza gallassi gakkides; neeppe bonqqida miishsha ne ayfey be7ishin istti gishetti ekkana.

ኢሳያሳ ቲንቢቴ 63:4

Tani halo kessana gallassay ta wozinan dees; ta wozzana gallassayka gakkides.

ኢዩኤሌ ቲንቢቴ 2:1

Xiyoonen zaye zayite; geeshsha zuma bolla waassite! GODAA yuussa gallassi gakkida gishshas biitta bolla dizay wurikka kokkoro.