ኢሳያሳ ቲንቢቴ 13:20 - Geeshsha Maxaafa

²⁰ He biittan mulekka asi de7enna; izin uttiza asikka deenna; Arabe asikka heen ba dunkaane tokkenna; mehe heemmizaytikka bantta wude heen shempisettenna.

ጋሞ ማጻፋ

²⁰ ሄ ቢታን ሙሌካ ኣሲ ዴኤና፤ ኢዚን ኡቲዛ ኣሲካ ዴና፤ ኣራቤ ኣሲካ ሄን ባ ዱንካኔ ቶኬና፤ ሜሄ ሄሚዛይቲካ ባንታ ዉዴ ሄን ሼምፒሴቴና።

ኢሳያሳ ቲንቢቴ 13:20 Referans Kwoze

ኤርማሳ ቲንቢቴ 51:43

Izi katamati asi bayndaso, asi mokki xeellonttaso, melanne bazzo biitta, aykkoy baynda bula biitta gidana.

ኢሳያሳ ቲንቢቴ 14:23

Tani Baabiloone quxarsa aqosonne care kessana; bashsha peyxan tani izo pitta dhayssana» gees.

ኤርማሳ ቲንቢቴ 51:29

Baabiloone oonikka dontta bazzo biitta histtanaas GODAY qoppida qofay polettana wodey gakkida gishshas biittay kokkorees; metonkka poporqqu gees.

ኤርማሳ ቲንቢቴ 51:25

GODAY, «Hanne dhayssiza zumayee! biitta ubbaa dhayssizaaree! ta ne hu7e bolla days; tani ta kushe ne bolla denththana; ta nena aafo hu7eppe duge bululana; ta nena xuugettida zuma histtana.

ኤርማሳ ቲንቢቴ 50:45

Hessa gishshas GODAY Baabiloone bolla halchchida halchcho, Baabiloone biitta bolla qoppida qofaa siyite! guuththa wudey gooshetti baana; istta gaason heemmizasohoza mulera dhayssana.

ኤርማሳ ቲንቢቴ 50:39

«Hessa gishshas bazzo do7atassinne godares duussaso gidana; guttos aqoso gidana; hayssafe guye oonikka izin deenna; yeletappe yeleta gakkanaas izin uttanay beettenna.

ኤርማሳ ቲንቢቴ 50:21

«Mirataymeninne Paqooden diza asaa gooddite; wodhitenne mulera dhayssite; tani inttena azazidayssa ubbaa ooththite.

ኤርማሳ ቲንቢቴ 50:13

GODAA hanqo gaason iza bazzo gidana attiin asi izin deenna; izi bolla gakkida bashsha gaason Baabiloonera aadhdhi biza ubbay malalettishe iza qidhana.

ኤርማሳ ቲንቢቴ 50:3

Pudeha baggafe issi kawoteththay yiidi Baabiloone biitta olana; hessafe dendidayssan asinne mehey baqatana; biittayokka bula kessana; oonikka izin deenna.»

2ታሪኬ ማጻፋ 17:11

Filisxeeme asatappe guuththati imotanne giira bira Iyoosaafixes ehida; qasse Arabetikka izas 7,700 dharshonne 7,700 orgeta ehida.

ኤርማሳ ቲንቢቴ 51:37

Baabilooney laaleththi doorettizaso gidana; worakanati kaa7izaso gidana; dagamassinne qidhes malata gidana; oonikka izin deenna.

Siiqo Saba 1:7

Ta siiqozoo! Ane taas yoota; ne dorsa wude heemmizay awanee? Gallas awappe ne istta guurissizay awanee? Nena demmanaas ne laggeta wude kaallashe ays coo toylattiza maccassa mala gidoo?» gadus.

ኢሳያሳ ቲንቢቴ 21:1

Abba lanqen diza bazzo biittas yootettida GODAA qaalay hayssafe kaallizayssa. Dugeha baggafe gote carkoy pitti ekki yiza mala worajjizay shiro denththeththiza bazzo biittafe yees.

ኤርማሳ ቲንቢቴ 49:33

«Haxoorey worakanata duussaso gidana; mernaas bula gidana; oonikka heen de7enna; ay asikka izin uttenna» gees.

ኢዮቤ ማጻፋ 3:7

He gallassa omarsay aykkoy bayndaaz gido; ufayssa qaalaykka izan seetettofo.

ኢሳያሳ ቲንቢቴ 25:2

Neni katamayo shuchcha doore ooththadasa; gimbettida katamayokka laalladasa; hayssafe sinththan gimbettida allagata katamati deettenna; Simmidi mulekka oosetettenna.

ኢሳያሳ ቲንቢቴ 34:17

Istta gisha gisha isttas woththana; iza kushey meezaanen meezaanen gishana; iza mernaas isttas gidana; yeletappe yeleta gakkanaas istti izin de7ana.