ኢሳያሳ ቲንቢቴ 10:6 - Geeshsha Maxaafa

⁶ Istta aqota bonqqana mala, banttas di7o buuri shiishshana mala, istti oge urqqaththo yedhettana mala, Xoos erontta kawoteththa bolla kiittana. Tana hanqeththida asaa bolla tani Asooreta yeddana.

ጋሞ ማጻፋ

⁶ ኢስታ ኣቆታ ቦንቃና ማላ፥ ባንታስ ዲኦ ቡሪ ሺሻና ማላ፥ ኢስቲ ኦጌ ኡርቃ ዬታና ማላ፥ ጾስ ኤሮንታ ካዎቴ ቦላ ኪታና። ታና ሃንቄዳ ኣሳ ቦላ ታኒ ኣሶሬታ ዬዳና።

ኢሳያሳ ቲንቢቴ 10:6 Referans Kwoze

ኢሳያሳ ቲንቢቴ 9:17

Hessa gishshas GODAY naateththa naytan ufayettenna; yi7otassinne am7etas qadhettenna; ubbayka iita ooththizaytanne Xoossa yashshateth bayndayta; ubbaa asaa doonappe harassiza qaalay kezees; hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ዛካራሳ ቲንቢቴ 10:5

Istti ubbayka issi bolla ogen diza urqqa yedhdhiza mino olanchchata mala gidana; GODAY isttara diza gishshas paran olettizayta istti xoonana.

ኤርማሳ ቲንቢቴ 34:22

Tani istta azazana; istti ha katamayo olana mala tani zaara ehana; isttika katamayo oli oykkananne taman xuuggana; tani Yuhuda katamata asi bayndaso bula kessana» gees.

ኤርማሳ ቲንቢቴ 25:9

tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana.

ኢሳያሳ ቲንቢቴ 19:17

Yuhuda asay Gibxe asaa bolla shiro denththeththana; Ubbaafe Wolqqama GODAY istta bollan ooththana halchchida halchchofe dendidayssan Yuhuda gishshas siyida ubbay shirotana.

Maatosa 15:7

Intteno qoodheppe qommon hanizaytoo! Isayaasi intte gishshas yootishe, « ‹Hayssi derey tana doonan xalla bonchchees; wozinay gidikko taappe haakkides; mela hada tana goynnees; istta timirteyka asi woththida woga› gididi sinththafe hananayssa yootidayssi tuma» gides.

ሚኪያሳ ቲንቢቴ 7:10

Ta morkkezakka hessa beyandus; iza yeellatana. Tana, «GODAA ne Xoossay awan dizee?» gidaari kundeth ta ayfeti beyana; oge urqqa mala iza yedhettana.

ኤርማሳ ቲንቢቴ 4:14

Nenoo Yerusalaamee! Ne attana koykko ne wozina iitateththaa meecetta; Iita qofay ne wozinan ayde gakkanaas gam7anee?

ኤርማሳ ቲንቢቴ 3:10

Hessan ubbaankka izi michchiya, ammanettontta Yuhuday coo simmidaa misatawusife attiin kumeththa wozinappe taakko simmabeekku» gides.

ኢሳያሳ ቲንቢቴ 63:6

Ta hanqon kawoteththata yedhdhadis; ta bashshan istta maththosadis; istta suuththaaka biittan gussadis» gaana.

ኢሳያሳ ቲንቢቴ 63:3

«Gum7izasohozan woyne tani tarkka yedhdhadis; kawoteththatappe oonikka tanara deenna; tani istta ta hanqon yedhdhadis; ta bashshankka istta dirxxereththadis; istta suuththi ta seelo may7o bolla dhacettides; ta may7oy ubbay moorettides.

ኢሳያሳ ቲንቢቴ 41:25

«Tani pudeha baggafe issaa denththadis; izikka yees. Arshey mokkiza baggara yizayssi ta sunththaa xeygizayssa; manay urqqa yedhdhiza mala izi kaaleththizaytakka yedhdhees.

ኢሳያሳ ቲንቢቴ 33:14

Xiyoonen diza nagaranchchati dagammida; Xoossi isttas bayndayti babbidi, «Nu garsafe xuuggiza tamara daana dandayzay oonee? Mernaa tamara daana dandayzay oonee?» gida.

ኢሳያሳ ቲንቢቴ 29:13

GODAY, «Hayssi derey doonan xalla taakko shiiqees; ba metershan xalla tana bonchchees; gido attiin iza wozinay taappe haakon dees. Istti asi tamaarsidanne asi woththida wogan taas goynneettes.

ኢሳያሳ ቲንቢቴ 22:5

GODAY Ubbaafe Wolqqama Xoossay Ajjuuta Zullen wocama, dirbbanne shiro, dirsata laaleththinne zumatakko waaso gallassi dees.

ኢሳያሳ ቲንቢቴ 9:19

Ubbaafe Wolqqama GODAA hanqon biittay xuugettana; dereykka taman geliza miththa mala gidana; ishay ishas qadhettenna.

ኢሳያሳ ቲንቢቴ 5:29

Istta xaagoykka gaammo xaago mala; wodalla gaammota mala xaaggeettes; banttas miza miish shankkati oykkidi xaaggeettes; istti oykkidayssa tookki ekki beettes; isttafe woththi ekkanay oonikka deenna.

2ሳሜላ ማጻፋ 22:43

Gudulla mala istta liiqisa gaaccadis; ogen diza urqqa mala istta gindadissinne yedhettadis.

ኢሳያሳ ቲንቢቴ 5:5

Ha7i tani ta woyne tokkiza gadeza bolla ooththanaaz inttes yootays. Dirsaa shoddana; izikka dhayana mala ooththana; Tani gimbeza laallana; he sohoykka durettana.

ኢሳያሳ ቲንቢቴ 5:25

GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኢሳያሳ ቲንቢቴ 7:17

«Efreeme biittay Yuhuda biittafe shaakettoosofe doommiin hayssafe sinththan hani erontta wode GODAY ne bolla, ne deraa bollanne ne aawaa keeththa bolla ehana; izi ne bolla ehanayssika Asoore kawo» gides.

ኢሳያሳ ቲንቢቴ 8:8

Buuri ekkidi duge Yuhuda wodhdhana; biittaa kumidi aadhdhana; qoodhe gakkanaas mittana» gides. Gido attiin Amanu7eelee! Micettida iza qefey ne biittaa gaxappe gaxa gakkanaas kammi oykkides.

ኢሳያሳ ቲንቢቴ 24:5

Biittay ba asaan tunadus; istti woga menththida; maaraa moorida; mernaa caaqo qaala menththida.

ኢሳያሳ ቲንቢቴ 32:6

Eeyay eeyateth haasayees; iza wozinay iitateth yuushshi qoppees; Xoossas yashshateththi baynda miish ooththees; GODAA bolla bala qaala haasayees; gafidayssas kath immenna; saamettidayssas haath immenna.

ኢሳያሳ ቲንቢቴ 33:1

Nees dhayontta dashe hara dhayssizayssoo! Nees aayye ana! Nena aaththi immontta dishin hara aaththa immizayssoo! Nees aayye ana! Neni dhayso aggida wode ne dhayana; neni aaththa imo aggida wode nena aaththi immana.

ኢሳያሳ ቲንቢቴ 49:17

«Ne attuma naytikka eeson simmana; nena laallidayti neeppe baqatana.

ኢሳያሳ ቲንቢቴ 49:25

Gido attiin GODAY, «Tumukka olanchchati di7i efida miish kessi ekkanaas, menxe iitata kusheppe di7ettidayta ashshanaas dandayettees; nenara olettizaytara ta olettana; ne naytakka tani ashshana.

ሂዚቄላ ቲንቢቴ 29:20

Izinne iza olanchchati taas daaburda gishshas izas daabura gate gidana mala Gibxe ta izas immadis› gees.

ሂዚቄላ ቲንቢቴ 38:12

Tani isttafe bonqqananne dafa ekkana; hessaththoka kawoteththata giddofe shiiqidi biittaas giddo addan daana; istti meheninne shaqacetan duretida, he biittayn diza deraa bolla ta kushe denththana› gaana.

ሂዚቄላ ቲንቢቴ 38:13

Saaba asay, Dadaane asay, Tarseese dere zal7anchchatinne izi gutati ubbay nena, ‹Nuna bonqqanaas yadii? Neni ne olanchchata shiishshiday dafa ekkanaas, worqqanne bira shiishsha efanaas, mehaanne shaqacaa buura efanaas, daro miish di7a ekkada simmanaassee?› gaana.

ኢምባቆ ቲንቢቴ 1:12

Abeet GODAWU! Ne mernaasofe daasa gidikkii? Ta Geeshshawu, ta Xoossawu, neni naagiza gishshas nuni hayqqoko; GODAWU istta pirdana mala ne istta shuumadasa. Zaallazoo! Istti nuna qaxxayana mala ne isttas maata immadasa.

2ካዎታ ማጻፋ 18:25

Hessafe bollara tani meto ne bolla gaththada hanno sohoyo dhayssanaas GODAA sheney baynda yidaa misatizee? Tani hanno dereyo worajja dhayssana mala taas yootiday GODAA» gides.

ኢሳያሳ ቲንቢቴ 8:4

Naazi, ‹Aabboo! Aayee!› gi xeys eranaappe kase Asoore biitta kawoy Samaariyanne Damasqo aqota di7i efana» gides.