ኢሳያሳ ቲንቢቴ 10:26 - Geeshsha Maxaafa

²⁶ Ubbaafe Wolqqama GODAY, «Midiyaame asaa Hereebe zaalla achchan shocoyssaththo izi istta xurqafera wadhdhana; izi Gibxeta bolla ooththidayssaththo ba guufeza abba bolla denththana.

ጋሞ ማጻፋ

²⁶ ኡባፌ ዎልቃማ ጎዳይ፥ «ሚዲያሜ ኣሳ ሄሬቤ ዛላ ኣቻን ሾጮይሳ ኢዚ ኢስታ ጹርቃፌራ ዋና፤ ኢዚ ጊብጼታ ቦላ ኦዳይሳ ባ ጉፌዛ ኣባ ቦላ ዴንና።

ኢሳያሳ ቲንቢቴ 10:26 Referans Kwoze

ኢሳያሳ ቲንቢቴ 9:4

Kase neni Midiyaame biitta xoonida mala istta deexxiza qambara, istta hashe bolla wodhida durqqanne istta waayisi haarida guufe menththadasa.

ዳናታ ማጻፋ 7:25

Oreebenne Za7eebe geetettiza Midiyaame ola asaa kaaleththiza nam7u ola qarata oykkida; Oreebe, «Oreebe Zaalla» geetettizason wodhida; Za7eebe qasse, «Za7eebe woyne gum7izasoho» geetettizason wodhida. Hessafe guyekka attida Midiyaameti yedeththidi Oreebe hu7enne Za7eebe hu7e qoodheppe qanxxi qanxxi ekkidi Geedoonekko ehida. He wode Geedooni Yordaanoose shaafappe he pinththan arshey mokkizaso baggara dees.

2ካዎታ ማጻፋ 19:35

He gallassa omars GODAA kiitanchchay kezidi Asoore asay dunkaani uttidasohon 185,000 as wodhides; wonteththa gallas asay dendishin heera ubbaan ahay kumides.

ኬሳ ማጻፋ 14:16

Isra7eele asay mela biitta bollara abbaa pinni baana mala ne guufe denththadanne ne kushe abbaa bolla piddisada haaththaa nam7u kessa shaakka.

ዮሃኒሳ ኣጁታ 19:15

Ayzaabeta izara qanxxiza qara mashshay iza doonappe kezees; izi istta birata guufera haarana; izi wursika dandayza Xoossaa mino hanqo qonccisiza woyne cajje yedhdhizason istta yedhdhana.

ዮሃኒሳ ኣጁታ 11:18

Ayzaabey hanqettides; kase hayqqidayti pirda demmiza wodey gakkides; kase ne oosanchchata nabetassinne geeshshatas ne sunththaaka bonchchizaytas, guuththatassinne gitatas, neni isttas istta waaga immiza wodey ha7i gakkides. Biittaa dhayssidayta ne dhayssanaas wodey gakkides» gida.

ኢሳያሳ ቲንቢቴ 11:16

Kase Isra7eeley Gibxeppe kezishin hanidayssaththo Asooren attida asay kezana oge isttas giigsana.

ኢሳያሳ ቲንቢቴ 10:24

Hessa gishshas GODAY, Ubbaafe Wolqqama GODAY, «Xiyoonen diza ta derezoo! Gibxeti ne bolla ooththidayssaththo guufe ne bolla denththidayta durqqan nena qoxxida Asoore asaas babbofa.

ዬ ማጻፋ 83:11

Oreebe bollanne Za7eebe bolla ooththida mala istta halaqata bolla ooththa; Zebahanne Xalmuna dhayssida mala istta haarizaytakka neni dhayssa.

ዬ ማጻፋ 35:23

Abeet Godawu, ta Xoossawu! Ta gishshas oletta; denda; beegga; ta doona gidada mootetta.

ኢሳያሳ ቲንቢቴ 30:31

GODAA cenggurssi Asoore daganththana; iza guufeykka istta shocana.

ኢሳያሳ ቲንቢቴ 9:3

Neni kawoteththaa darsadasa; isttas ufayssaa bolla ufays gujjadasa; asay kath shiishshishenne di7i ekkida miish gishettishe ufayettiza mala isttika ne sinththan ufayettana.

ኢሳያሳ ቲንቢቴ 30:30

GODAY eexxiza hanqoninne miza taman, gote carkoninne dadan, shachcha shuchchan, teemay kumida ba cenggurssaa asaa sissana; wodhdhishe ba qesaa izi bessana.

ኢሳያሳ ቲንቢቴ 30:32

GODAY istta bolla yeddiza qixaate guufe ubbay karabe giirissaninne diiththa giirissan azhabettidayssa; izi ba wolqqa olan bessidi istta shocides.