ኢሳያሳ ቲንቢቴ 1:28 - Geeshsha Maxaafa

²⁸ Gido attiin makkallanchchatinne nagaranchchati issi bolla liiqana; Xoossa aggizayti wurikka dhayana.

ጋሞ ማጻፋ

²⁸ ጊዶ ኣቲን ማካላንቻቲኔ ናጋራንቻቲ ኢሲ ቦላ ሊቃና፤ ጾሳ ኣጊዛይቲ ዉሪካ ያና።

ኢሳያሳ ቲንቢቴ 1:28 Referans Kwoze

ዬ ማጻፋ 1:6

Ays giikko GODAY xillota oge erees; gido attiin iitata ogey istta dhayon gaththees.

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

ኢሳያሳ ቲንቢቴ 30:13

hayssi ha nagarazi phalqetti kundananne qoppontta dishin kundiza gita gimbe mala isttas gidana.

ኢዮቤ ማጻፋ 31:3

Iita asa bolla qohoy, nagaranchcha asa bollaka dhayoy gakkanayssi erettidaaz gidennee?

2ጴጽሮሳ ኪታ 3:7

Hessaththoka ha7i diza saloynne biittay nagaranchchati dhayana diza pirda gallas gakkanaas tamas giigi uttida.

1ታሶሎንቄ ኣሳስ 5:3

Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.

ኢሳያሳ ቲንቢቴ 66:24

Istti kezidi ta bolla makkallida asata aha be7ana. Istta miza guxuneykka hayqqenna; istta miza tamaykka to7enna. Istti asa zereth ubbaas harassizaaz gidana» gees.

ኢሳያሳ ቲንቢቴ 65:11

Gido attiin GODAA aggida inttes, ta geeshsha zumaa dogida inttes, ‹Ta baso› geetettiza eeqa xoossas soho giigsida inttes, ‹Gaade› geetettiza eeqa xoossas walakettida woyne ushshu wancan kunththida inttes,

ኢሳያሳ ቲንቢቴ 50:11

Ha7i gidikko intte tama eeththidi, laciza intte xomppe xomppe oykkida ubbati intte poo7on biite; intte oyththida xomppe poo7on simerettite; Intte ta kusheppe ekkanayssi hayssa; intte iita meton kundana.

ሌሚሶ ማጻፋ 29:1

Daro wode seeriin ixxidi ba morge zoodisida asi hassa7ontta meqqana; hessaades paxeteththika deenna.

ዬ ማጻፋ 125:5

Gido attiin kase ba geella oge simmizayta neni iita ooththizaytara issife gaththa qaxxaya; Isra7eeles saroy gido!

ዬ ማጻፋ 104:35

Nagaranchchati biittafe dhayetto; hayssafe sinththas iitati dooppetto. Ta shemppoyee! GODAA galata! GODAA galata!

ዬ ማጻፋ 92:9

Abeet GODAWU! Ne morkketi dhayana; iita ooththiza ubbati piski gaanayssa nu eroos.

ዬ ማጻፋ 73:27

Neeppe haakkizayti dhayana; nees ammanettonttayta ubbaa neni dhayssana.

ዬ ማጻፋ 37:38

Gido attiin nagaranchchati mulera dhayana; istti wurseththan dhoommana.

ዬ ማጻፋ 9:5

Neni kawoteththata seeradasa; iitatakka dhayssadasa; neni istta sunththaa meri mernaaskka qucca diggadasa.

ዬ ማጻፋ 5:6

Wordo haasayzayta neni dhayssaasa. Suuth gussizaytanne cimmiza asata neni harasettaasa.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

1ሳሜላ ማጻፋ 12:25

Intte nagara ooson minni eqqizaa gidikko intteka, intte kawoykka dhayana» gides.

ኢሳያሳ ቲንቢቴ 1:4

Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ኢሳያሳ ቲንቢቴ 24:20

Biittay maththottida asa mala yiicotides; carkoy sugida gaabba mala gidadus. Biitta makkallateththay deexo gidida gishshas kundana; nam7anththoka simmi dendenna.

ኢሳያሳ ቲንቢቴ 33:14

Xiyoonen diza nagaranchchati dagammida; Xoossi isttas bayndayti babbidi, «Nu garsafe xuuggiza tamara daana dandayzay oonee? Mernaa tamara daana dandayzay oonee?» gida.

ኢሳያሳ ቲንቢቴ 50:1

GODAY, «Tani intte aayo anjja yeddida waraqatay awan dizee? woykko ta inttena ay tal7a ekkidaades bayzadinaa? Be7ite intte intte nagara gishshas bayzettideta; intte mooro gishshas intte aaya anjjetta badus.

ኢሳያሳ ቲንቢቴ 58:2

Istti tana hach hach koyeettes; ta ogeza eranaas laamotiza misateettes. Suure miish ooththida kawoteththa malanne ba Xoossaa azazo yeggi aggontta dere mala, istti tana suure pirda oychcheettes; Xoossi isttako shiiqanayssa istti dosiza misatees» gees.

ኢሳያሳ ቲንቢቴ 66:17

GODAY, «Atakiltey dizasoho biidi isttafe issaas goynnanaas bana geeshshizaytinne dummasizayti, guddunththa ashonne ecere asho, tunida miishshata miza ubbati ba pirda wurseththan issife ekkana» gees.

ኤርማሳ ቲንቢቴ 17:13

Isra7eeles hidota gidida GODAWU! nena aggi bida ubbay yeellatana; nena de7o haaththa pultto gidida GODAA aggida gishshas ba ayfeso neeppe haraso zaarizayti gudulla bolla xaafettidayssa mala gidana.

ኤርማሳ ቲንቢቴ 44:12

Yuhudan casha attidayti Gibxe biidi heen daana qachchida ubbata tani denththa dhayssana; istti ubbay dhayana; Gibxe biittan mashshaninne koshan wurana; gitappe gashe gakkanaas diza ubbay mashshaninne koshan hayqqana; palqqes, dagamas, qanggeththassinne qidhes kezana.

ሆሴኤ ቲንቢቴ 14:9

Aadho eranchchay ha yo7ota akeekana. Akeekizaadey ha yo7ota erana; GODAA ogey suure; xilloti izan hemetteettes. Nagaranchchati gidikko izan dhuphetteettes.

2ታሪኬ ማጻፋ 21:10

He wodeppe doommidi hach gakkanaas Eedoome asay Yuhuda asaas haarettibeenna. Iyoraamey ba aawata GODAA aggida gishshas Libina asay qasse he wode Yuhuda kawo bolla makkallides.

2ታሪኬ ማጻፋ 28:6

Yuhuda asay GODAA bantta aawata Xoossa aggida gishshas Eromeliyo naa Faaquhey Yuhuda olanchchatappe 120,000 olanchchata issi gallas wodhides.

2ታሪኬ ማጻፋ 28:23

Izikka, «Aaraame kawota xoossati istta maaddida gishshas tanakka istta maaddana mala tani isttas yarshana» giidi bana xoonida Damasqo xoossatas yarshides; gido attiin he xoossati izassinne Isra7eele asaa ubbaas bash ehida.

ኢዮቤ ማጻፋ 34:26

Istti ooththida makkallateththa gaason ubbaa asa sinththan makkallanchchata qaxxayees.

ኢዮቤ ማጻፋ 34:27

Izi istta qaxxayizayssi istti iza kaallizayssa aggida gishshassa; iza azazotakka istti kadhida gishshassa.

ኢሳያሳ ቲንቢቴ 64:6

Nuni ubbayka tuna asa mala gididos; nu xilloteththa ooso ubbay tunida carqqa mala. Nuni ubbayka boncco mala qokkidos; nu nagaray nuna carko mala pitti efides.