ኢሳያሳ ቲንቢቴ 1:26 - Geeshsha Maxaafa

²⁶ Kase nena ayssizayta mala hara nena ayssanaytanne zoranayta tani nees denththana; hessafe guye neni, ‹Xilloteththi diza ammanettida katamayo› geetettana.

ጋሞ ማጻፋ

²⁶ ካሴ ኔና ኣይሲዛይታ ማላ ሃራ ኔና ኣይሳናይታኔ ዞራናይታ ታኒ ኔስ ዴንና፤ ሄሳፌ ጉዬ ኔኒ፥ ‹ጺሎቴ ዲዛ ኣማኔቲዳ ካታማዮ› ጌቴታና።

ኢሳያሳ ቲንቢቴ 1:26 Referans Kwoze

ዛካራሳ ቲንቢቴ 8:3

GODAY, «Ta gede Xiyoonikko simmana; Yerusalaamenkka de7ana. Yerusalaameykka tumu katama geetettawus; izakka Ubbaafe Wolqqama GODAAS geeshsha zuma geetettana» gees.

ኤርማሳ ቲንቢቴ 33:7

Tani Yuhuda asaanne Isra7eele asaa di7etti istti bidasoppe zaarana; istti kase diza mala ta istta lo7eththa woththana.

ዮሃኒሳ ኣጁታ 21:27

Harassiza miishshi mulekka gede izin gelenna; tunateth ooththizaytinne wordo haasayzayti mulekka hee izikko gelettenna; hee izin gelanayta sunththi kase he dorsaza de7o maxaafan xaafettidayta xalla.

ዛካራሳ ቲንቢቴ 8:8

Istti Yerusalaamen de7ana mala ta istta zaara haa ehana; isttika ta dereta gidana; tanikka xilloteththaninne ammaneteththan istta Xoossa gidana» gees.

ሶፎናሳ ቲንቢቴ 3:13

Isra7eeleppe casha attidayti nagara oosettenna. Wordo haasayettenna; Istta doonankka gene haasayay deenna. Hessa gishshas istti miidi saron de7ana; istta babisana miishshika deenna.

ሂዚቄላ ቲንቢቴ 45:8

He gishay Isra7eele biitta halaqas laata gade gido. Hayssafe sinththan ta halaqati ta asa waayisoppetto; istti Isra7eele asay ubbay ba zaren zaren gade ekkana mala ooththetto.

ኤርማሳ ቲንቢቴ 33:11

Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay, « ‹GODAY kiya; iza maaroteththayka mernaassa; GODAA Ubbaafe Wolqqama Xoossaa galatite› giza galata yarsho ekkidi Xoossa Keeth yiza asata cenggurssi seetettana; he biittayfe di7ettida miish kase dizasota zaarana» gees.

ኤርማሳ ቲንቢቴ 31:23

Ubbaafe Wolqqama GODAA Isra7eele Xoossay, «Tani isttafe di7ettida miishshaa ta isttas zaariza wode istti Yuhuda biittaninne izi katamatan, ‹Nenoo xilloteththi aqiza geeshsha zumazoo! GODAY nena anjjo!› giza qaala zaari go7ettana.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 60:14

Nena un7eththidayta attuma nayti ziggishe neekko yaana; nena kadhida ubbati ne toho bolla kundana; ‹Hanne GODAA katamayee! Isra7eeles Geeshsha miish gidida Xiyoone› gi xeygana.

ኢሳያሳ ቲንቢቴ 33:5

GODAY bolla salon de7iza gishshas, dhoqqu dhoqqu gides; izi Xiyoono suure pirdaninne xilloteththan kunththana.

ኢሳያሳ ቲንቢቴ 1:21

Kase ammanettida katamaya waanada layma gidadee? Kase izin suure pirday kumidaaranne xilloteththi izin kumidaara ha7i gidikko shemppo wodhizaytas duussaso gidadus.

ታይቦ ማጻፋ 12:3

Musey gidikko biitta bolla diza asaa ubbaafe aadhdhida ashke asa.

ሶፎናሳ ቲንቢቴ 3:9

He wode asay ubbay GODAA sunth xeygana malanne sigan izas haggazana mala ta istta doona geeshshana.

ታይቦ ማጻፋ 16:15

Museykka daro hanqettidi GODAAS, «Hayti asati nees shiishshiza yarshoza ne ekkofa; tani gidikko isttafe issaadeka qohabeekke; haray attoshin issi harekka isttafe ekkabeekke» gides.

ኢሳያሳ ቲንቢቴ 54:14

Neni xilloteththan minna eqqana; gene ogera aysoy neeppe haakkana. Nena babisiza miishshi deenna; shiroteththi neeppe haakkana; ne matakka shiiqenna.

ሚኪያሳ ቲንቢቴ 4:8

Haysso nenan uttidi mehe heemmiza dhoqqa zumazoo! Xiyoone macca nayta naagana giiga uttida zumazoo! Beni ne haariza derey nees simmana; ne kawoteththay Yerusalaame macca nays gidana.

ኢሳያሳ ቲንቢቴ 2:3

Daro asay yiidi, «Wogay Xiyooneppe, GODAA qaalay Yerusalaameppe keziza gishshas haa yiite! GODAA zumaa, Yaaqoobe Xoossaa Keeth ane pude kezoos. Izi koyzayssaththo nuni baana mala izi nuna ba oge tamaarsana» gaana.