ኢሳያሳ ቲንቢቴ 1:16 - Geeshsha Maxaafa

¹⁶ Meecettite; inttena geeshshite; intte iita oosoza ta sinththafe diggite; iita oosokka aggite.

ጋሞ ማጻፋ

¹⁶ ሜጬቲቴ፤ ኢንቴና ጌሺቴ፤ ኢንቴ ኢታ ኦሶዛ ታ ሲንፌ ዲጊቴ፤ ኢታ ኦሶካ ኣጊቴ።

ኢሳያሳ ቲንቢቴ 1:16 Referans Kwoze

1ጴጽሮሳ ኪታ 3:11

Iita yo7oppe haakko, lo7o ooththo; saroteth koyonne kaallo.

1ጴጽሮሳ ኪታ 2:1

Hessa gishshas iitateth wursi, baleththo wursi, qoodheppe qommon hano, qanaateteth aykko qommo zigirs inttefe diggite.

2ቆሮንቶሴ ኣሳስ 7:1

Hessa gishshas ta siiqotoo! Hayssi hidotay nuus imettida gishshas ashonne ayana tunisiza ay miishshafekka ane nuna geeshshoos; Xoossas yashshan nu geeshshateththaa ane kumeth histtoos.

ያቆቤ ኪታ 4:8

Xoossako shiiqite; izikka intteko shiiqana; intteno nagaranchchatoo! Intte intte kushe geeshshite; intteno nam7u qofan qaaxxizaytoo! Intte intte wozina geeshshite.

ዮሃኒሳ ኣጁታ 7:14

Tanikka, «Godawu! Ne eraasa» gadis. Izikka taas, «Hayti wolqqama waayeza kanththidi yidayta; istti ba may7oka dorsaa suuththan meecci geeshshida.

ኤርማሳ ቲንቢቴ 4:14

Nenoo Yerusalaamee! Ne attana koykko ne wozina iitateththaa meecetta; Iita qofay ne wozinan ayde gakkanaas gam7anee?

Maatosa 3:8

Intte intte nagaraappe simmidayssa bessiza ooso ooththite.

ኢሳያሳ ቲንቢቴ 52:11

Intteno GODAA keeththa miishshata tookkizaytoo! Shaakettite, shaakettite; heeppe kezite. Tuna miish bochchofte; heeppe kezite; intte hu7esikka geeyte.

ዬ ማጻፋ 26:6

Abeet GODAWU! Tanan qohoy bayndayssa bessanaas ta kusheza meeccays; histtada yarsho yarshizasoza yuuyays.

ኦሮሜ ኣሳስ 12:9

Intte siiqoteththi qoodheppe qommon gidoppo; iita gididayssa wursika ixxite. Lo7o gididayssara issife oykettite.

ሃዋሬታ ኦሶ 22:16

Histtiin ha7i aazas gam7ay? Dendada iza sunth xeygada xammaqetta; ne nagarappeka meecetta› gides.

ኣሞጼ ቲንቢቴ 5:15

Iita miish ixxite; lo7o gididaaz dosite; pirda pirdizason tumu pirda geellasopite. GODAY Salo Xoossay attida Isra7eele asaa maaranaakko oonee erizay?

ኤርማሳ ቲንቢቴ 25:5

Istti, «Intte ubbayka intte iita ogeppenne intte iita oosoppe ha7i simmite. Histtiko GODAY inttessinne intte aawatas meri mernaas immida biittan intte daana.

ዬ ማጻፋ 37:27

Iitappe haakka; lo7o miish ooththa. Histtiko ne adussa layth de7ana.

ዬ ማጻፋ 34:14

Iitappe shaaketta; lo7o miish ooththa; saroteth koyada kaalla.

ዬ ማጻፋ 51:2

Ta iitateththa ubbaa taappe meecca; ta nagarappeka tana geeshsha.

ሌሚሶ ማጻፋ 4:27

Ushach hadirsi gooppa; ne toho iitappe naaga.

ሌሚሶ ማጻፋ 21:3

Yarshofe bollara xillonne suure pirda GODAY dosees.

ኤርማሳ ቲንቢቴ 18:11

GODAY, «Hessa gishshas, Ermaasa ha7i Yuhuda asatassinne Yerusalaamen dizaytas baada, ‹Hekko tani intte bolla bash giigso bolla days; intte bolla iita miish medhdhashe days; hessa gishshas intte ubbayka intte biza iita ogeppe simmite; intte ogenne intte ooso suurisite› ga yoota.

ኤርማሳ ቲንቢቴ 26:3

Istti siyidi ba biza iita ogeppe simmanaakko oonee erizay? Tanikka istti ooththida iitateththaa gishshas istta bolla ehana gida qixaateza aggana.

ኤርማሳ ቲንቢቴ 35:15

Taas oosanchcha gidida nabeta zaara zaara intteko kiittadis; histtada, ‹Intte ubbayka intte iita ogeppe ha7i simmite; intte oosokka lo7eththite; eeqa xoossatas goynnoftenne ooththofte. Histtiko, tani GODAY inttessinne intte aawatas immida biittan intte daana› gadis. Intte gidikko intte hayth taakko yeggidi siyibeekketa.

ዮናሳ ቲንቢቴ 3:8

Asaykka meheykka wuri maaqa may7o; asi wuri minththidi Xoossako waasso; ba iita ogeppenne qoho oosoppeka simmo.

ዛካራሳ ቲንቢቴ 7:7

Yerusalaameynne izi achchan yuuyi aadhdhi diza katamati saroteththaninne dureteththan diza wode dugeha bagga zumata garsaninne arshey geliza baggan diza zumata garsan kase asi heen diza wode GODAY ba nabeta baggara yootida qaalay hayssa gidennee?› ga oychcha.»

ዛካራሳ ቲንቢቴ 13:1

Ubbaafe Wolqqama GODAY, «He gallas Dawite keeththa asanne Yerusalaamen diza asaa nagarappenne tunateththafe geeshshanaas pulttoy pulttana.

2ካዎታ ማጻፋ 17:13

Gidikkoka GODAY isttas, «Intte biza iita ogeppe simmite! Kase intte aawati ooththanaas tani azazida wogaa malanne ta oosanchcha nabeta baggara ta inttes yootida wogaa mala ta azazotanne ta maarata naagite» giidi nabeta baggaranne ajjuuta be7iza asata baggara Isra7eelesinne Yuhudas minththi yooti woththides.