ኢሳያሳ ቲንቢቴ 1:15 - Geeshsha Maxaafa

¹⁵ Intte intte kushe woosas taakko micciko tani ta ayfe inttefe haraso zaarana; intte kushen suuththi kumida gishshas intte keehi woossikokka ta intte woosa siyikke.

ጋሞ ማጻፋ

¹⁵ ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

ኢሳያሳ ቲንቢቴ 1:15 Referans Kwoze

ሚኪያሳ ቲንቢቴ 3:4

Isttika pude Xoossako waassana shin Xoossi istta waaso siyenna; iitateththaa gishshas he wode Xoossay ba ayfeso isttafe haraso zaarana.

ሌሚሶ ማጻፋ 1:28

«He wode istti tana xeygana; ta gidikko isttas koykke; istti tana minththi koyana; gido attiin tana demmettenna.

ዛካራሳ ቲንቢቴ 7:13

‹Ta istta xeygishin istta siyibeettenna; hessa gishshas istti tana xeygishin tanikka siyikke› gees Ubbaafe Wolqqama GODAY.

ኤርማሳ ቲንቢቴ 14:12

Istti xoomi woossikokka tani istta waaso siyikke; xuugettiza yarshonne kaththa yarshoza istti yarshikokka tani istta yarshoza ekkike. Tani istta mashshan, koshaninne iita hargen dhayssana» gides.

ዬ ማጻፋ 66:18

Tani ta wozinan nagara genththidaakko, Goday ta woosa siyenna.

1ካዎታ ማጻፋ 8:22

Hessafe guye Solomooney GODAAS yarsho yarshizaso sinththan kumeththa Isra7eele deraa duulatay dizason eqqidi ba kushe pude salo denththides;

ኢሳያሳ ቲንቢቴ 58:7

Qasseka ne qumaappe gafidaades shaakkanaas, toylattida manqoza neso gelththanaas, kallottida be7ada mayzanaas, nees asho dabbozas ne sinththi ne tukkontta mala gidennee?

ዬ ማጻፋ 55:1

Abeet Xoossawu! Ta woosa siya; ta shoobbishin qelli gooppa.

ኢዮቤ ማጻፋ 27:20

Dagamay iza bolla di7o mala qoppontta dishin gakkana; giddoththika gote carkoy iza denththi efana.

1ካዎታ ማጻፋ 8:54

Solomooney woosaanne shoobeththaa GODAAKKO shiishshidaappe guye ba kushe pude salo denththidi yarsho yarshizaso sinththan gulbatidasoppe dendi eqqides.

Maatosa 23:13

«Intteno qoodheppe qommon hanizaytoo, Muse wogaa tamaarsizaytoo! Intteno Farsaawetoo! Asay Xoossa kawoteth gelontta mala asa bolla intte penge gordiza gishshas inttena aayye ana! Intte inttes gelekketanne gelanaas koyzaytakka gelththeketa.

Maatosa 6:7

«Ammanontta asay issi qaala zaari zaari woossiko isttas siyettiza misatiin istti zaari zaari gizayssaththo intteka woossishe issi qaala zaari zaari goopite.

1ጺምቶሳስ 2:8

Hessa gishshas attuma asay ubbason hanqoy bayndanne palamay baynda ba geeshsha kusheta pude dhoqqu histtidi woossana mala ta koyays.

ኢሳያሳ ቲንቢቴ 8:17

Tani ba sinth Yaaqoobe zaretappe genththida GODAA naagana; izakka hidota ooththana.

ዬ ማጻፋ 134:2

Xoossa Keeththan intte kushe denththidi GODAA galatite.

ኢዝራ ማጻፋ 9:5

Hessafe guye omarsa wode yarshoy shiiqiza wode daakettida ta may7oza may7ida mala muuzottashe gulbatada GODAA ta Xoossako ta kushe pude denththada hizga woossadis;

ዮሃኒሳ ሚሺራቾ 9:31

Xoossi baas yayyizaadessinne iza shene ooththizaades attiin nagaranchcha as siyonttayssa nu eroos.

ኬሳ ማጻፋ 9:29

Museykka izas, «Tani ha katamaappe keza baada woossanaas ta kushe GODAAKKO miccana; histtiko daday aggana; qasse shachchayka bukkenna; hessankka biittay GODAAS gididayssa neni erana.

ኢዮቤ ማጻፋ 35:13

Xoossi tuma wozinappe gidontta waaso siyenna; Ubbaa Dandayza Xoossay hessa mala ezgenna.

ኢሳያሳ ቲንቢቴ 4:4

GODAY Xiyoone maccassata qitaa meeccana; maadhetti uttida suuththaafe Yerusalaame pirda ayananinne xuuggiza ayanan geeshshana.

ኢሳያሳ ቲንቢቴ 45:15

Ashshiza Isra7eele Xoossawu, tumappe neni nena genththiza Xoossa.

ኢሳያሳ ቲንቢቴ 58:4

Intte xoomay ooshshaninne palaman, gene oosoninne wadhetan polettees; hayssafe sinththan intte xoomizayssa mala hachchife guye intte woosay salon siyettana giidi hidota ooththofte.

ኢሳያሳ ቲንቢቴ 64:7

Oonikka woosan ne sunth xeygenna; nena oykkana paaccizaykka deenna; neni ne ayfeso nuuppe genththadasa; nu nagaray nuna dhayssana mala aggadasa.

ኤርማሳ ቲንቢቴ 4:31

Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኤርማሳ ቲንቢቴ 11:11

Hessa gishshas GODAY isttas, ‹Istti baqatidi attanaas dandayontta meto ta istta bolla ehana. Istti taakko waassikokka ta siyikke.

ሂዚቄላ ቲንቢቴ 11:6

Ha katamayn intte daro asa wodhidi oge ubbaan aha kunththideta.

ሂዚቄላ ቲንቢቴ 14:3

«Haysso asa nawu! Hayti asati eeqa xoossata bantta wozinan woththida; bantta iitateththaa dhuphiza shuchcha mala bantta sinththan woththida; histtiin istti taappe issi miish oychchana mala qaala immooyee?

ሂዚቄላ ቲንቢቴ 39:23

Isra7eele asay taas ammanettontta ixxidi nagara ooththida gaason istti goodettidayssa kawoteththati erana. Hessa gishshas tani ta ayfeso isttafe genththadis; tani istta istta morkketas aaththa immadis; istti ubbay mashshan wurida.

ሆሴኤ ቲንቢቴ 5:6

Istti GODAA koyanaas bantta wude mehetanne miizatakka laaggi efana; gido attiin izi isttafe shaakettida gishshas istti iza demmettenna.

ሌሚሶ ማጻፋ 6:17

Otoreteththan xeelliza ayfe, wordotiza inxars, xillo asata wodhiza kushe,