ኢሳያሳ ቲንቢቴ 1:14 - Geeshsha Maxaafa

¹⁴ Agina xeeron intte bonchchiza gallassatanne kase intte woththida ba7aale gallassata ta shemppoya harasettadus; heyti taas daro deexo tooho gidida gishshas ta istta tookkanaas dandaykke.

ጋሞ ማጻፋ

¹⁴ ኣጊና ጼሮን ኢንቴ ቦንቺዛ ጋላሳታኔ ካሴ ኢንቴ ዎዳ ባኣሌ ጋላሳታ ታ ሼምፖያ ሃራሴታዱስ፤ ሄይቲ ታስ ዳሮ ዴጾ ቶሆ ጊዲዳ ጊሻስ ታ ኢስታ ቶካናስ ዳንዳይኬ።

ኢሳያሳ ቲንቢቴ 1:14 Referans Kwoze

ኣሞጼ ቲንቢቴ 5:21

«Tani intte layththan layththan bonchchiza ba7aaleza kadhayssinne ixxays; intte goynos shiiqiza shiiqoykka tana ufayssenna.

ኢሳያሳ ቲንቢቴ 43:24

Neni taas lo7o sawiza exaane shammabeekka; modhdho yarshon tana kalssabeekka. Gido attiin ne nagara tooho tana toossadasa; qohon tana daaburissadasa.

ኣሞጼ ቲንቢቴ 2:13

Be7ite daro kath deexetti caanettida gaarey garsara diza miish liiqisiza mala tanikka inttena liiqisana.

ኢሳያሳ ቲንቢቴ 61:8

Tani GODAY suure pirda dosays; bonqqanne qoho ixxays. Ta ammaneteththan isttas bessizayssa immana; isttara mernaa caaqo qaala gelana.

ኢሳያሳ ቲንቢቴ 7:13

Isayaasi, «Intteno Dawite zaretoo, siyite! Intte asaa saleththizayssi guuxxiin Xoos saleththanaas dendidetii?

ሚልካሳ ቲንቢቴ 2:17

Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ዛካራሳ ቲንቢቴ 11:8

Issi agina giddon mehe heemmiza heedzdzata diggadis; isttika tana ixxida gishshas tanikka istta salettadis.

ኢሳያሳ ቲንቢቴ 29:1

Hanne Dawiti nenan de7ida Ar7eele katamayee! Nena aayye ana! Layththa bolla layth gujja; ba7aaletakka zaara zaarada bonchcha.

1ታሪኬ ማጻፋ 23:31

sambata gallas, aginay doommiza koyro gallassatan, ba7aale gallassatan wogaa qooda mala Godaa Xoossa sinththan ubba wode xuugetti shiiqiza yarsho shiishshanaas,

ኢሳያሳ ቲንቢቴ 29:2

Gido attiin tani Ar7eele katamayo giddoththana; iza yeekkananne waassana; iza taas yarsho yarshizaso gidana.

ኢሳያሳ ቲንቢቴ 66:23

Agina xeeroppe biidi hara aginay xeerana gakkanaas, issi Sambatappe biidi hara Sambata gakkanaas, as gidida ubbay taas goynnana yaana.

ሆሴኤ ቲንቢቴ 2:11

Iza ba ufayssa ba7aaleta ubbaa, layththan layththan bonchchiza ba7aaleta, agina xeeron xeeron bonchchiza ba7aaleta, Sambatatanne hara iza dumma dumma doora bonchchiza ba7aaleta nam7anththo ooththontta mala ta diggana.

ሆሴኤ ቲንቢቴ 5:7

Istti eeqa xoossatas goynniza gishshas GODAAS ammanettibeettenna; istti layman nayta yelida. Hessa gishshas istti agina xeeron bonchchiza ba7aaley isttanne istta nayta issife dhayssana.