Ibirawe 7:26 - Geeshsha Maxaafa

²⁶ Hessa gishshas nuus koshshiza qeeseta halaqay hessa mala geeshshinne wosoy iza bolla baynda xillonne nagaranchchatappe shaakettidi salotappe bollara bonchchettida qeeseta halaqa.

ጋሞ ማጻፋ

²⁶ ሄሳ ጊሻስ ኑስ ኮሺዛ ቄሴታ ሃላቃይ ሄሳ ማላ ጌሺኔ ዎሶይ ኢዛ ቦላ ባይንዳ ጺሎኔ ናጋራንቻታፔ ሻኬቲዲ ሳሎታፔ ቦላራ ቦንቼቲዳ ቄሴታ ሃላቃ።

Gamo Geesha Maxxafa New Testamen

²⁶ Hessa gishshi nuusi koshshsiza qeessista halaqay hessa mala geeshine wothoy iza bolla baynda xiillone nagaranchatape shaaketidi salotape bollara bonchetida qessata halaqako.

Ibirawe 7:26 Referans Kwoze

2ቆሮንቶሴ ኣሳስ 5:21

Nuni Kirstoosa baggara Xoossa xilloteth gishetti ekkizayta gidana mala Xoossi iza bolla nagaray baynda Kirstoosa izi nu nagara tookkana mala ooththides.

1ዮሃኒሳ ኪታ 2:2

Izi nu nagaray atto geetettana mala oge giigsizaade; hessika nuna xalla gidontta kumeththa alame asassara attiin nuus xalla gidenna.

Ibirawe 8:1

Hessa gishshas nu ha7i ooththana waanna yo7oy hayssa; hayssa mala salo bolla Xoossa bonchcho alga ushachchan uttida qeeseta halaqay nuus dees.

1ጴጽሮሳ ኪታ 2:22

Izi aykko nagarakka ooththibeenna; iza doonan geney beettibeenna.

1ዮሃኒሳ ኪታ 3:5

Izi nagara dhayssanaas qonccidayssa intte ereeta; izan nagaray baawa.

Ibirawe 12:2

Nu ammaniza ammanozas koyronne polo gidida Yesusa ane xeelloos; izi ba sinththan diza ufayssaa gishshas masqale bolla hayqo dandaydi masqale bolla bana gakkana kawushshateththaa leqqidi Xoossa algaas ushachchan uttides.

Ibirawe 9:14

mernaa Ayanan bana wosoy baynda yarsho ooththi Xoossas shiishshida Kirstoosa suuththi nuni de7o Xoossaas goynnanaas hayqeththa oosoppe nuna ay mala aaththi geeshshandee?

Ibirawe 1:3

Izikka Xoossa bonchcho bessizaadenne Xoossa Xoossateththaas lo7o leemiso gididi ba wolqqama qaalan wursika shiishshi oykkides; izi asaa nagarappe geeshshidaappe guye salon bonchcho Xoossaa ushachchan uttides.

ሉቃሳ ሚሺራቾ 23:47

Mato halaqay hessa be7idi, «Hayssi addezi tumappe xillo asakkoshin» giidi Xoossaa galatides.

ሉቃሳ ሚሺራቾ 23:41

Nuni nu ooththida iita oosos bessizayssa ekkoos; hayssi addezi gidikko issi iitakka ooththibeenna» gides.

1ጴጽሮሳ ኪታ 3:22

Izi pude salo biidi ha7i Xoossa achchan dees; kiitanchchatinne godateththi isttas diza wolqqamatikka izas haarettida.

1ጴጽሮሳ ኪታ 1:19

Gido attiin intte wozzettiday iitaynne wosoy iza bolla baynda geeshsha dorsa mala gidida Kirstoosa bonchcho suuththankko.

Ibirawe 7:11

Pacey baynda poloy beettidaynne wogay derezas imettiday Lewe qeeseteththaa mala gididaakko Aaroone mala gidontta Malkexeedeqe shuumeteththaa malay hara qeesey yaanaas aazas koshshidee?

Ibirawe 2:10

Hanizay wurikka izappe izas medhettida Xoossi daro nayta bonchchos efanaas istta maaroteththas hu7e gidida Yesusi waayen polanaas koshshizaaz gidides.

ሃዋሬታ ኦሶ 4:27

«Tumappe Herdoosinne Phanxoosa Philaxoosi Isra7eeletaranne hara dere asaara hanno katamayn ne doora tiyda geeshsha naaza Yesusa bolla yo7o qachchanaas shiiqettida.

ሃዋሬታ ኦሶ 3:14

Geeshshanne xilloza intte kaddidi shempo wodhizayssi birshettana mala woossideta.

ዮሃኒሳ ሚሺራቾ 14:30

Hayssa alameza haariza Xala7ey yiza wodey gakkida gishshas ha7i ta inttenara daro haasaykke; izi ta bolla aykkoka ooththanaas izas wolqqay deenna.

ዮሃኒሳ ሚሺራቾ 8:29

Tana kiittidayssi izi tanara dees. Ay wodekka ta ufayssizaaz ooththiza gishshas izi tana xalala yeggi aggibeenna» gides.

ሉቃሳ ሚሺራቾ 24:46

Isttaskka, «Kirstoosi waaye beyana; heedzdzanththo gallas hayqoppe dendana geetetti xaafettides.

ሉቃሳ ሚሺራቾ 24:26

Xoossafe kiitettidayssi ha metoza ekkanaassinne gede ba bonchchoso gelanaas bessennee?» gides.

ሉቃሳ ሚሺራቾ 23:22

Philaxoosi heedzdzanththoka, «Aazas kaqqoo? Hayssi addezi ay iita ooththidee? Iza hayqos gaththiza iita ooso tani iza bolla beyabeekke; hessa gishshas qaxxayada ta iza birsha yeddana» gides.

ሉቃሳ ሚሺራቾ 1:35

Kiitanchchayka Maaramis, «Xillo Ayanay ne bolla wodhdhana; ubbaafe bolla Xoossa wolqqay ne bolla kuwasana; hessa gishshas yelettana naazi Geeshsha Xoossa naa geetettana.

ማርቆሳ ሚሺራቾ 16:19

Godaa Yesusi hessa yootidaappe guye pude salo dendi biidi Xoossa ushachchan uttides.

Maatosa 27:18

Philaxoosi istta coo qanaates aaththi immidayssa erishe oychchides.

ኢሳያሳ ቲንቢቴ 53:9

Izi aykko gene haasayontta, ay moorokka ooththontta, iza hayqoy iitatara issife qoodettides; gido attiin izi dureta duufon moogettides.

ዬ ማጻፋ 68:18

GODAWU! Di7o ekkada pude ne duussas kezadasa; asa ubbaafe imota ekkadasa; haray attoshin makkallanchchatappeka ekkadasa;

ኬሳ ማጻፋ 28:36

Walakay baynda worqqafe issi alleqo giigsada maatame wooci kessiza mala iza bolla woocada, ‹GODAAS geesh gidi dummatides› gaada xaafa.

ዮሃኒሳ ኣጁታ 3:7

«Filadelfiya Woosa Keeththa kiitanchchaas, Hayssi geeshshinne tumanchcha gididayssafe Dawite keeththaa qulpe oykkidayssafe yootettidayssa; izi doydayssa oonikka gordenna; izi gordidayssa oonikka doyenna.

ታይቦ ማጻፋ 29:26

« ‹Ichchashanththo gallas istta bolla wosoy baynda uddufun mirgota, nam7u dharshotanne layththi kumida tammanne oyddu dharsho laaqqata shiishshite.

Ibirawe 2:17

Hessa gishshas ubba baggara izi ba ishata misatanaas bessizaade gidides; izi hessa ooththiday maarizaadenne ammanettida waanna qeese halaqa gididi Xoossas ooththanaassinne dereza nagarappe maaranaassa.

Ibirawe 3:1

Hessa gishshas saloppe xeyssi inttena gakkiin ammaniza nu ishatoo! Nu ammanos Hawaarenne qeeseta halaqa gidida Yesusa qopite.

ሂዚቄላ ቲንቢቴ 44:27

Hessafe simmidi Geeshshasohon ooththanaas giddo dabaaba biza gallas, ba nagaras yarsho shiishsho. Tani Ubbaa Haariza GODAY hayssa yootays.