Ibirawe 4:15 - Geeshsha Maxaafa

¹⁵ Nu daaburshin nuus qadhettana dandayza qeeseta halaqay nuus dees; izi nu mala ubba miishshan paacettides; gidikkoka izi aykko nagarakka ooththibeenna.

ጋሞ ማጻፋ

¹⁵ ኑ ዳቡርሺን ኑስ ቃታና ዳንዳይዛ ቄሴታ ሃላቃይ ኑስ ዴስ፤ ኢዚ ኑ ማላ ኡባ ሚሻን ፓጬቲዴስ፤ ጊዲኮካ ኢዚ ኣይኮ ናጋራካ ኦቤና።

Gamo Geesha Maxxafa New Testamen

¹⁵ Nu daburishin nuus qadhetana danda7iza qessista halaqay nuusu dees. Izi nu mala wuriso mishshan paaacetides. Gidikoka izi ayko nagaraka oothibena.

Ibirawe 4:15 Referans Kwoze

2ቆሮንቶሴ ኣሳስ 5:21

Nuni Kirstoosa baggara Xoossa xilloteth gishetti ekkizayta gidana mala Xoossi iza bolla nagaray baynda Kirstoosa izi nu nagara tookkana mala ooththides.

1ዮሃኒሳ ኪታ 3:5

Izi nagara dhayssanaas qonccidayssa intte ereeta; izan nagaray baawa.

1ጴጽሮሳ ኪታ 2:22

Izi aykko nagarakka ooththibeenna; iza doonan geney beettibeenna.

Ibirawe 7:26

Hessa gishshas nuus koshshiza qeeseta halaqay hessa mala geeshshinne wosoy iza bolla baynda xillonne nagaranchchatappe shaakettidi salotappe bollara bonchchettida qeeseta halaqa.

Ibirawe 4:14

Hessa gishshas pude salo bida qeeseta halaqa Xoossa Naa Yesusi nuus diza gishshas ane nuni nu ammano ane minththi oykkoos.

Ibirawe 5:2

Izikka ba baggara daaburanchcha gidida gishshas erontta asatassinne oge balidaytas qadhettana dandayees.

ዮሃኒሳ ሚሺራቾ 8:46

Intte giddofe tana, ‹Ne hanno nagara ooththadasa› giidi markkara laththanaas mootana dandayzaadey dizee? Ta tumu haasayzaade gidikko histtiin aazas tana ammanekketii?

ኢሳያሳ ቲንቢቴ 53:9

Izi aykko gene haasayontta, ay moorokka ooththontta, iza hayqoy iitatara issife qoodettides; gido attiin izi dureta duufon moogettides.

ሉቃሳ ሚሺራቾ 22:28

«Intte gidikko taappe shaakettontta ta waayishin ta matan eqqidayta.

ሉቃሳ ሚሺራቾ 4:2

Heenkka Xala7en oyddu tammu gallas paacettides. He paacettiza gallassatan aykkoka montta gishshas wurseththan gafides.

ሆሴኤ ቲንቢቴ 11:8

«Efreemee! Ta nena wostta aggaaganee? Isra7eele ta nena wostta aaththa immanee? Ta kase Adaamaninne Xaboymen ooththidayssaththo wostta ne bolla ooththoo? Ta wozinay giddon qaaxxides; ta maaroteththay nena ashshana dendides.

ኬሳ ማጻፋ 23:9

«Hara dereppe yida bete as qohoppite; bete as gideththi ay mala deexxizaakko intte ereeta; ays giikko intte intte hu7en bete gididi Gibxe biittan de7ideta.

Maatosa 4:1

Hessafe guye Xillo Ayanay Xala7en paacettana mala Yesusa duge bazzo biitta efides.

ኦሮሜ ኣሳስ 8:3

Nagaranchcha ashoppe dendidayssan wogay polanaas dandayonttayssa Xoossi ba naaza nagaranchcha asa leemison nagaras yarshettana mala yeddidi polides; histtidi nagara iza ashon pirdides.

Ibirawe 9:28

Kirstoosi daro asa nagara digganaas issito yarshettides; nam7anththoka izi qonccana; hessi iza naagizaytas atoteth ekki yaanaas attiin nam7anththo zaari nagara tookkanaas gidenna.