ሆሴኤ ቲንቢቴ 9:2 - Geeshsha Maxaafa

² Hessa gishshas hayssafe guye intte kaththa baleppe kath, woyne gum7izasohoppe woyne ushshu demmeketa. Ooraththa woyne ushshika inttes paccana.

ጋሞ ማጻፋ

² ሄሳ ጊሻስ ሃይሳፌ ጉዬ ኢንቴ ካ ባሌፔ ካ፥ ዎይኔ ጉምኢዛሶሆፔ ዎይኔ ኡሹ ዴሜኬታ። ኦራ ዎይኔ ኡሺካ ኢንቴስ ፓጫና።

ሆሴኤ ቲንቢቴ 9:2 Referans Kwoze

ሆሴኤ ቲንቢቴ 2:9

Hessa gishshas kaththi kaxxiza wode ha kaxxiza kaththaa, woyne ayfey teeriza wode woyne ushshaa, tani izippe woththa ekkana. Hessaththoka iza ba kalloteththa kammontta mala suufeppenne lee7e haareppe dadettida may7oza ta izippe qaara ekkana.

ሃጌ ቲንቢቴ 2:16

Intte nam7u konttaale kath ekkana giidi kaththa doorekko bideta shin issi konttaale xalla demmideta. Issi xeetu litiro gidiza woyne ushshu ekkanaas giidi woyne ushshu gum7izasoho bideta shin pexi oyddu tammu litiro xalla demmideta.

ሃጌ ቲንቢቴ 1:9

GODAY Ubbaafe Wolqqama Xoossay, «Intte daro demmana gidetashin guuth demmideta; hinnoka intteso gelththida wode ta punna dhayssadis. Hessa ta ooththiday inttes ay misatizee? Ta keeththay laaletti uttiin intte wurikka intte keeth keexxanaas woxxiza gishshassa.

ሆሴኤ ቲንቢቴ 2:12

Iza ba laggeththotappe baas waaga gaada ekkida woyne miththatanne balase miththata ta dhoqallana. Isttaka wora do7ati maana.

ሜቴ ማጻፋ 50:10

Istti Yordaanoose shaafaa achchan diza Axaade geetettiza bale gakkidi ba qaalaa dhoqqu histtidi izas zilalidanne yeekkida; heen Yooseefey ba aawa yeehon laappun gallas uttides.

ሆሴኤ ቲንቢቴ 2:11

Iza ba ufayssa ba7aaleta ubbaa, layththan layththan bonchchiza ba7aaleta, agina xeeron xeeron bonchchiza ba7aaleta, Sambatatanne hara iza dumma dumma doora bonchchiza ba7aaleta nam7anththo ooththontta mala ta diggana.

ኣሞጼ ቲንቢቴ 5:11

Manqota un7eththeeta; istta wolqqara kath giiriseeta; inttes masettida shuchchafe keeth keexxideta shin he keeththan deekketa. Aradda biittan woyne miththa tokkideta shin izappe agettida woyne ushshu uyekketa.