ሆሴኤ ቲንቢቴ 8:7 - Geeshsha Maxaafa

⁷ Istti carko zeridi gote shiishshana; buuxa bolla ayfey deenna; dhiilleyka beettenna; ayfikkoka allagati maana.

ጋሞ ማጻፋ

⁷ ኢስቲ ጫርኮ ዜሪዲ ጎቴ ሺሻና፤ ቡጻ ቦላ ኣይፌይ ዴና፤ ሌይካ ቤቴና፤ ኣይፊኮካ ኣላጋቲ ማና።

ሆሴኤ ቲንቢቴ 8:7 Referans Kwoze

ሌሚሶ ማጻፋ 22:8

Iitateth zeriza asi waaye cakkees; iza hanqo guufey dhayana.

ኢዮቤ ማጻፋ 4:8

Tani akeekida mala, iitateth goyidi meto zerizayti heytantti ba ooththooro shiishshana.

ጋላቲያ ኣሳስ 6:7

Balettofte; Xoossi qilcca erenna; asi ba zeridaaro izo zaari maxana.

ናሆሜ ቲንቢቴ 1:3

GODAY hanqettanaas eesotenna; iza wolqqayka gita. GODAY mooranchcha qaxxayontta aggenna; gote carkoynne abba dambalay izas oge; shaaray iza toho gudulla.

ሆሴኤ ቲንቢቴ 7:9

Allagati istta wolqqa mida; gido attiin istti hessa eribeettenna. Iza hu7ey puulunth caddides; gido attiin izi hessa eribeenna.

ሆሴኤ ቲንቢቴ 2:9

Hessa gishshas kaththi kaxxiza wode ha kaxxiza kaththaa, woyne ayfey teeriza wode woyne ushshaa, tani izippe woththa ekkana. Hessaththoka iza ba kalloteththa kammontta mala suufeppenne lee7e haareppe dadettida may7oza ta izippe qaara ekkana.

ኤርማሳ ቲንቢቴ 12:13

Istti gistte zeridi agunth cakkana; istti daro daaburanaashin aykkoka demmettenna; daro zeridi GODAA hanqo gaason intte guuth demmidi yeellatana» gides.

ኢሳያሳ ቲንቢቴ 66:15

Hekko GODAY tama lacon yaana; iza para-gaareti gote carko mala; izi ba yiillo hanqon, ba seera tama lacon qonccisana.

ኢሳያሳ ቲንቢቴ 17:11

ne tokkida gallas izi mokkana mala ne ooththikokka, ne zerida wonteththa gallas izi ciiyana mala ne ooththikokka he kaththay hargeninne paxontta sakon mulera dhayana.

ኤራንቻታ ማጻፋ 5:16

Hessika keehippe iita; asi ba yida mala simmi bees; iza daabura ubbay carko oykkiza mala hada gidizaa gidikko izas ay go7ay dizee?

2ካዎታ ማጻፋ 15:29

Isra7eele kawo Faaquhey kawoti diza layththatan Asoore kawo Teligelitelifelisoorey yiidi Iyoone, Aabeeli-Beeti-Ma7ika, Yaanooke, Qaadeese, Haxoore, Gala7aade, Galilanne Niftaaleme deraakka issife gaththi oykkides. Asaakka di7i ekkidi Asoore dere efides.

2ካዎታ ማጻፋ 15:19

Hessafe guye Asoore kawo Teligelitelifelisoorey biittayo oli oykkides; Minaheemikka baas maado demmanaasinne ba kawoteththan diza ba zawa minththanaas giidi 1,000 saqile bira izas immides.

ዛሬ ማጻፋ 28:33

Ne biittaa kaththa ayfenne ne daabura kessida ubbaa hara dere asi maana; neni ne de7o ubbaan un7ettidaadenne qohettidaade gidana.

ጋላቲያ ኣሳስ 6:8

Ba asho amo kunththanaas zerizaadey ashoppe dhayo maxana; Ayana ufayssanaas zeridaadey gidikko ayanappe mernaa de7o maxana.

ኢሳያሳ ቲንቢቴ 55:2

Go7ontta kaththas ays intte miish dhaysseetii? inttena kalssontta miishshas ay ekkanaas intte wolqqa wurseetii? Siyite; ta gidaaz siyite; lo7o gididaaz miite; lo7o quman inttena ufayssite.

ኤርማሳ ዚላስ 5:2

Nu biitta allagati laattida; nu keeththaaka baas duussaso ooththida.

ሆሴኤ ቲንቢቴ 9:16

Efreemey shocettides; isttas xaphoykka melides; Istti ishalon dichchida nayta ta wodhana» gees.

ሃጌ ቲንቢቴ 1:6

Daro zerideta shin guuth maxi shiishshideta. Mideta shin kallibeekketa; uyideta shin alibeekketa; may7ideta shin may7oy inttena ho7ibeenna; damoza ekkideta shin intte ekkida damozay daakeththa karaxiiten woththidayssa mala» gees.

ሜቴ ማጻፋ 41:23

Qasseka isttafe hara ayfe laafanne carkon shullida laappun tiyati kezida.