ሆሴኤ ቲንቢቴ 7:16 - Geeshsha Maxaafa

¹⁶ Taappe haakkidi hada miishshako simmida; Istti caddana xongiin wora biza toora mala. Istta kaaleththizaytikka bantti haasayza iita qaala gaason mashshan wurana; hessafe dendoyssan istti Gibxe biittan qidhes attana.

ጋሞ ማጻፋ

¹⁶ ታፔ ሃኪዲ ሃዳ ሚሻኮ ሲሚዳ፤ ኢስቲ ጫዳና ጾንጊን ዎራ ቢዛ ቶራ ማላ። ኢስታ ካሌዛይቲካ ባንቲ ሃሳይዛ ኢታ ቃላ ጋሶን ማሻን ዉራና፤ ሄሳፌ ዴንዶይሳን ኢስቲ ጊብጼ ቢታን ቂስ ኣታና።

ሆሴኤ ቲንቢቴ 7:16 Referans Kwoze

ሆሴኤ ቲንቢቴ 9:3

Isra7eele derey GODAY isttas immida biittan uttenna. Efreemey duge Gibxe simmana; Asoorekka biidi tunida kath maana.

ዬ ማጻፋ 78:57

Istti beni bantta aawata mala makkallanchchatanne kaddizayta gidida; ammanththontta bokka tooman eqqida toora mala gidida.

ሂዚቄላ ቲንቢቴ 23:32

«Ubbaa Haariza GODAY, « ‹Aakonne ciimma gidida xuu7a, ne michchey xuu7a ne uyana; xuu7azi daro oykkiza gishshas cashshenne naach ne kallana.

ዬ ማጻፋ 73:9

Istti salon diza Xoossaa bantta doonan cayeettes; Sa7an de7iza asaa bantta inxarsan dukkeettes.

ሆሴኤ ቲንቢቴ 9:6

Istti bashshafe attanaas betikkoka Gibxey istta shiishshana; Memppisa geetettizason istta moogana; istti haarida biray wurikka sharafa may7i attana; istta duussaso ubbaa agunththi laattana.

ዬ ማጻፋ 12:4

Istti, «Nuni nu inxarsan xoonana; nu doonay nuussa; nuus goday oonee?» geettes.

ዮሃኒሳ ኣጁታ 13:5

Izas otoreteththinne cashsha qaala haasayza doonay imettides; izi oyddu tammanne nam7u agina gakkanaas godateththan ooththana mala izas imettides.

2ጴጽሮሳ ኪታ 2:8

He xillo addezi istta giddon dishin gallas gallas izi be7izayssaninne siyizayssan he wogay baynda asata oosozan iza shemppoya waayettadus.

ያቆቤ ኪታ 3:5

Hessaththoka asateththa garsan inxarsi guuth gida uttada gita wolqqama otoro otorettawus; qeeri tamay gita wora wostti xuuggi dhayssizaakko ane yuushshi qopite.

ሉቃሳ ሚሺራቾ 8:13

Shuchcha bolla wodhdhidaytikka qaala siyidi ufayssara ekkizayta; isttika ha7is ammaneettes attiin metoy istta bolla gakkiza wode xapho yeddontta gishshas ellera ammano kaddizayta.

Maatosa 12:36

Gido attiin ta inttes gizay asay ba haasayda hada qaala ubbaa gishshas pirda gallas wurikka oyshettana.

ሆሴኤ ቲንቢቴ 11:7

Ta derey taappe haakkanaas koyides; gidikkoka istti taakko Ubbaafe Wolqqama Xoossako waassiko ta istta ashshike.

ሆሴኤ ቲንቢቴ 7:13

Istti taappe haakki bida gishshas isttas aayye ana! Ta bolla istti makkallida gishshas istta bolla dhayssizaazi yo; Tani istta wozzana koyadis; istti gidikko ta bolla wordo haasayeettes.

ሆሴኤ ቲንቢቴ 6:4

GODAY, «Efreeme asatoo! Yuhuda asatoo! Ta inttena wosttiko lo7oo? Intte tana siiqiza siiqoy maalado shaara malanne maalado xaaza mala coo tim7i gi eeson dhayees.

ሂዚቄላ ቲንቢቴ 36:20

Istti ba bida kawoteththata ubbaa giddon ta geeshsha sunththaa tunisida; istta gishshas, ‹Hayti GODAA dereta; gido attiin istti iza deraa yeggi bida› geetettides.

ኤርማሳ ቲንቢቴ 18:18

Isttika, «Ane haa yiite; Ermaasa bolla maqettoos; wogay qeeseta achchan, zorey aadho eranchchata achchan, qaalaykka nabeta achchan dhayenna; ane haa yiite; nu inxarsan iza toochchoos; izi gizayssaka ubbaa siyokko» gida.

ኤርማሳ ቲንቢቴ 3:10

Hessan ubbaankka izi michchiya, ammanettontta Yuhuday coo simmidaa misatawusife attiin kumeththa wozinappe taakko simmabeekku» gides.

ኢሳያሳ ቲንቢቴ 3:8

Yerusalaamey gandigarawus; Yuhudaykka kundana matadus; gaasoykka istti bantta haasayaninne ooson GODAARA eqettishe iza bonchchoza toochcheettes.

ዬ ማጻፋ 78:37

Istta wozinay Xoossan minni eqqibeenna; izi isttara caaqettida caaqon ammanettibeettenna.

ዬ ማጻፋ 57:4

Tani ta morkketa giddon, as puuzidi miza gaammo misatizayta giddon days. Istta achchay tooranne wondafe yiishshaa mala; istta inxarsayka qara mashsha mala.

ዬ ማጻፋ 52:2

Nenoo baleththon kumida genanchchawu! harata dhayssana qaxxaasa! Ne inxarsayka qara magalla mala.

ዬ ማጻፋ 12:3

Abeet GODAWU! baleththiza doona gorda; otoron haasayza inxarsata qanxxa;

ዬ ማጻፋ 17:10

Isttas qadhettiza wozinay baawa; otoro haasaya haasayeettes.

ዳኔላ ቲንቢቴ 7:25

Izi Ubbaafe Dhoqqa Xoossaa bolla makkalla qaala haasayana; iza geeshshata izi waayisana; iza bonchcho ba7aaletanne iza woga laammanaas izi dafettana; geeshshati heedzdzu layththinne bagga gakkanaas iza godateththa garsan de7ana.

ሆሴኤ ቲንቢቴ 11:5

«Histtiin istti maaroteththan gelontta gishshas duge Gibxe simmettennee? Asoorey istta haarennee?

ሚልካሳ ቲንቢቴ 3:13

«Intte ta bolla xalateththa qaala haasaydeta» gees Ubbaafe Wolqqama GODAA Xoossay. «Intte gidikko, ‹Ne bolla nu ay haasaydonii?› geeta.

ሚልካሳ ቲንቢቴ 3:14

Qasseka intte, ‹Xoossas oosoy hada; iza azazota naagoynne medheteththa Goda sinththan muuzottiza asa mala de7oy nuna ay maaddidee?

ዬ ማጻፋ 12:5

GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

ኤርማሳ ቲንቢቴ 42:18

«Ubbaafe Wolqqama GODAA Isra7eele Xoossay, ‹Ta hanqoynne boshay Yerusalaamen dizayta bolla gukkida mala intte Gibxe geliza wode intte bollaka gukkana; intte dagamas, qidhes, qanggeththassinne palqqes malata gidandeta; ha biittaa zaari be7ekketa› gees.

ሆሴኤ ቲንቢቴ 9:4

Heen GODAAS woyne ushshu yarshanaas dandayettenna; istta yarshoyka GODAA ufayssenna. Hessa gishshas isttas yarshozi shochcha kath gidana; iza miza ubbay tunana. He kaththazi coo gafas miza kath gidana attiin GODAA keeth yarshos shiiqenna.