ሆሴኤ ቲንቢቴ 7:11 - Geeshsha Maxaafa

¹¹ «Isra7eele asay elle balettizanne qofay baynda haraphphe kafo mala. Issito Gibxe xeygees; hara wode qasse Asoorekko simmees;

ጋሞ ማጻፋ

¹¹ «ኢስራኤሌ ኣሳይ ኤሌ ባሌቲዛኔ ቆፋይ ባይንዳ ሃራጴ ካፎ ማላ። ኢሲቶ ጊብጼ ጼይጌስ፤ ሃራ ዎዴ ቃሴ ኣሶሬኮ ሲሜስ፤

ሆሴኤ ቲንቢቴ 7:11 Referans Kwoze

ሆሴኤ ቲንቢቴ 12:1

Efreemey carko heenththanchcha; gallas kumeth arshey mokkiza bagga carko kaallees; wordonne makkalla darsees. Asoore deraara caaqo qaala gelees; wogara zayte Gibxe biitta yeddees.

ሆሴኤ ቲንቢቴ 5:13

Isra7eeley ba sakoza; Yuhudaykka ba madunththa be7idi Isra7eeley Asoorekko ba ayfso zaaradus; Isra7eeley maado demmanaas gita Asoore kawookko qasttanne kiittadus. Gido attiin izi inttena ashshanaas woykko intte madunththa paththanaas dandaybeenna.

ሆሴኤ ቲንቢቴ 11:11

Gibxeppe kafo mala Asooreppe haraphphe mala piradhdhi yaana. Tani istta isttasohon woththana» gees.

ሆሴኤ ቲንቢቴ 4:11

«Laymateththas, Caalida woyne ushshas, mal7o woyne ushsha suukes banttana aaththi immida; hessantti ta dereza wozina ekkida.

ሆሴኤ ቲንቢቴ 9:3

Isra7eele derey GODAY isttas immida biittan uttenna. Efreemey duge Gibxe simmana; Asoorekka biidi tunida kath maana.

ሆሴኤ ቲንቢቴ 14:3

Asoorey nuna ashshenna; nuni ola paratankka ammanettoko; hayssafe guye nuni nu kushen medhdhida eeqa xoossata, ‹Hayti nu xoossata› gookko. Manqoti neeppe qadheteth demmeettes» giite.

ኤርማሳ ቲንቢቴ 2:36

Histtiin ne oge laamma laamma ays woxxay? Kase nena Asoore biittay kawushshida mala Gibxe biittay nena kawushshana.

ኤርማሳ ቲንቢቴ 2:18

Shihoore shaafappe haath uyanaas, ay ekkanaas duge Gibxe wodhdhadii? Woykko Efiraaxise shaafappe haath uyanaas duge Asoore beeth ays koshshidee?

ሌሚሶ ማጻፋ 17:16

Aadho erateththi demmanaas izi koyontta gishshas eeya kushen gelida miish iza ay go7anee?

ሌሚሶ ማጻፋ 15:32

Seera ixxiza asi bana kadhees; seera ekkiza asi gidikko akeeka demmees.

ሌሚሶ ማጻፋ 6:32

Layma laymatiza asas wozinay pace; hessaadey barkka ba shemppo dhayssees.

2ካዎታ ማጻፋ 15:19

Hessafe guye Asoore kawo Teligelitelifelisoorey biittayo oli oykkides; Minaheemikka baas maado demmanaasinne ba kawoteththan diza ba zawa minththanaas giidi 1,000 saqile bira izas immides.

Maatosa 10:16

«Ta inttena dorsa mala kana suyteta giddora kiittays. Hessa gishshas shooshsha mala cinccatanne haraphphe mala ashketa gidite.

ሆሴኤ ቲንቢቴ 4:6

Ta derezas erateththi paccida gishshas dhaydes. Intte tana eranaas koyontta gishshas tanikka intte taas qeeseta gidi ooththana mala koykke. Intte ta woga balettida gishshas tanikka intte nayta balana.

ሆሴኤ ቲንቢቴ 5:4

Isra7eele asay ooththida mooroy istti ba Xoossaako simmontta mala diggides. Laymateththa ayanay istta wozina kumides. Hessa gishshas istti GODAA erettenna.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ሆሴኤ ቲንቢቴ 9:6

Istti bashshafe attanaas betikkoka Gibxey istta shiishshana; Memppisa geetettizason istta moogana; istti haarida biray wurikka sharafa may7i attana; istta duussaso ubbaa agunththi laattana.

2ካዎታ ማጻፋ 16:7

Hessa gaason Akaazey Asoore kawo Teligelitelifelisoores, «Tani nees haggazizaadenne ne naa; hessa gishshas neni haa yaada tana oliza Aaraame kawoppenne Isra7eele kawo kusheppe ashsha» giidi qasttanne kiittides.

ሆሴኤ ቲንቢቴ 12:2

GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ኣብዲዩ ቲንቢቴ 1:7

Nenara caaqettida laggeti nena baleththida; nena dosiza laggeti ne bolla morkketeththan dendida; ne kath midayti nees yarde woththidi nena ne dereppe gooddida; gido attiin istti hessa ne bolla ooththishin neni erabeekka.