ሆሴኤ ቲንቢቴ 7:1 - Geeshsha Maxaafa

¹ «Tani ta dere Isra7eele asa paththanaassinne zaarada duresanaas koyza wode; Efreeme nagaraynne Samaariya asa iitateththi keehi dari beettides. Istti issoy issaas wordoteettes, kaysoti keeththe bookki gelidi kaysoteettes, pangati oge bolla aadhdhooson aadhdhooson bonqqeettes.

ጋሞ ማጻፋ

¹ «ታኒ ታ ዴሬ ኢስራኤሌ ኣሳ ፓናሲኔ ዛራዳ ዱሬሳናስ ኮይዛ ዎዴ፤ ኤፍሬሜ ናጋራይኔ ሳማሪያ ኣሳ ኢታቴ ኬሂ ዳሪ ቤቲዴስ። ኢስቲ ኢሶይ ኢሳስ ዎርዶቴቴስ፥ ካይሶቲ ኬ ቦኪ ጌሊዲ ካይሶቴቴስ፥ ፓንጋቲ ኦጌ ቦላ ኣሶን ኣሶን ቦንቄቴስ።

ሆሴኤ ቲንቢቴ 7:1 Referans Kwoze

ሆሴኤ ቲንቢቴ 7:13

Istti taappe haakki bida gishshas isttas aayye ana! Ta bolla istti makkallida gishshas istta bolla dhayssizaazi yo; Tani istta wozzana koyadis; istti gidikko ta bolla wordo haasayeettes.

ሆሴኤ ቲንቢቴ 6:4

GODAY, «Efreeme asatoo! Yuhuda asatoo! Ta inttena wosttiko lo7oo? Intte tana siiqiza siiqoy maalado shaara malanne maalado xaaza mala coo tim7i gi eeson dhayees.

ሆሴኤ ቲንቢቴ 4:2

Haan dizay qanggeth, wordo, shemppo wodho, laymateththinne caaqqida qaala muusi xalla dees. Geneynne shemppo wodhoy dari dari bees.

ሉቃሳ ሚሺራቾ 13:34

«Hanne Yerusalaame nabeta wodhizaaree! Neekko kiitettidayta shuchchara caddizaaree! Kuttoy ba ciyeta ba qefe gars shiishshiza mala ne nayta shiishshanaas aappun wode koyadinaashin ne gidikko akkay gadasa.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

ሚኪያሳ ቲንቢቴ 6:16

Kawo Omire wogaanne kawo Akaabe keeththa wogaa ne ubbaa shiishsha oykkadasa; nekka istta haysi7e kaalladasa. Hessa gishshas nena dhayssas, ne derezakka tani qidhes aaththa immana; derey ne bolla qidhi kaa7ana.

ኣሞጼ ቲንቢቴ 8:14

Samaariya deren, ‹Ashamo› geetetta xeygettiza eeqa xoossayn caaqqizayti, ‹Daane xoossay beyiin› woykko, ‹Bersaabehe xoossay beyiin› gi caaqqizayti wurikka kundana; ba kundidasohoppe mulekka dendanaas dandayettenna» gees.

ሆሴኤ ቲንቢቴ 11:12

GODAY, «Efreeme wordon Isra7eeleykka genen tana giddoththides; Yuhuday Xoossas haarettonttaade; ammanettida Geeshshazara eqettizaade» gees.

ሆሴኤ ቲንቢቴ 10:5

Samaariya kataman diza derey Beeti-Awenen diza mara mislen oosettida eeqa xoossas yayyees. Izappe bonchchoy qaaretti kichchida gishshas asay yeekkees. He eeqa misleza qeesetikka waasseettes.

ሆሴኤ ቲንቢቴ 8:9

Barkka bazzo biittan toylattiza hardida mala gede Asoore dere bida. Bana maaddana mala kawotas miishshe immidi baas dabbo shammida.

ሆሴኤ ቲንቢቴ 8:5

Samaariya dere asatoo! mari misatissi intte medhdhida eeqa xoossati tana shaatteettes. Ta hanqoy intte bolla tama mala eexxees; intte mooro ooson ayde gakkanaas intte gam7anee?

ሆሴኤ ቲንቢቴ 5:1

Intteno qeeseto hayssa siyite! Isra7eele asatoo akeekite! Kawo keeththa asatoo hayssa ezgite! Hekko pirday intte bolla yides; Gaasoykka intte Mixiphphan narxa, Taaboore zuman gite gidideta.

ሆሴኤ ቲንቢቴ 4:17

Efreemey eeqa xoossata goynon oykettida gishshas istta gede aggaagite.

ሂዚቄላ ቲንቢቴ 23:4

Isttafe bayray sunththay Oholo; kaaloy sunththi Oholibo. Istta nam7aakka ta ekkiin taas macca naytanne attuma nayta yelida. Ohola Samaariya, Oholiba Yerusalaame qoncciseettes.

ሂዚቄላ ቲንቢቴ 16:46

Nees bayra michchiya neeppe pudeha baggara ba macca naytara diza Samaariya; nees kaalo michchiya neeppe dugeha baggara diza Sodoomo.

ኤርማሳ ቲንቢቴ 51:9

«Asay, ‹Nuni Baabiloone paththanaas baaxetidos; iza gidikko paxana dandayukku; izi pirday pude salo gakkida gishshas shaaran gakkanaaska dhoqqu gida gishshas izo aggaagidi ane nu dere dere simmoos.

ኢሳያሳ ቲንቢቴ 59:12

Gaasoykka nu qohoy ne sinththan darides; nu nagaraykka nu bolla markkattides. Nu mooroy nuuppe shaakettibeenna; nu makkallateththaaka nuni eroos.

ኢሳያሳ ቲንቢቴ 28:1

Efreemen diza maththottizaytas, otoreteththas, kallachcha gididaaris, cilila shoobba hu7en kippi ga uttida, izas bonchcho seelo gidida shulla ciishshays, woyne ushshay istta zereththas otoreteththas gidida katamays aayye ana!

ሂዚቄላ ቲንቢቴ 24:13

« ‹Ne tuniday ne baalage oosonna; ta hanqoy ne bolla polettanaashe gakkanaas hayssafe guye ne geesh gidakka; gaasoykka tani nena ne tunateththaafe geeshshana koyiinkka ne geeyana dosabeekka.

ሆሴኤ ቲንቢቴ 11:8

«Efreemee! Ta nena wostta aggaaganee? Isra7eele ta nena wostta aaththa immanee? Ta kase Adaamaninne Xaboymen ooththidayssaththo wostta ne bolla ooththoo? Ta wozinay giddon qaaxxides; ta maaroteththay nena ashshana dendides.

ኢሳያሳ ቲንቢቴ 59:13

Nuni GODAA bolla makkallidi wordo haasaydos; nu Xoossaa kaalo aggidi sher7i gidos; makkallateththinne gene yo7o haasaydos. Nu wozinay shaari uttida wordo haasaydos.

ኢሳያሳ ቲንቢቴ 59:14

Hessa gishshas suure pirday guye sugettides; xilloteththika nuuppe haakkides; tumateththi oge bolla dhuphettides; suureteththika gelanaas dandaybeenna.

ሆሴኤ ቲንቢቴ 12:1

Efreemey carko heenththanchcha; gallas kumeth arshey mokkiza bagga carko kaallees; wordonne makkalla darsees. Asoore deraara caaqo qaala gelees; wogara zayte Gibxe biitta yeddees.

ሆሴኤ ቲንቢቴ 12:2

GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ኣሞጼ ቲንቢቴ 3:9

Ashdoodeninne Gibxen diza miixatan diza ubbaas, «Samaariya zumata bolla shiiqite; heen isttan oosettiza gene oosonne bul7aketizayssa xeellite» gi awajjite.

ኣሞጼ ቲንቢቴ 3:10

GODAY, «Hayti dereti lo7o ooso erettenna. Makkallaninne genen ekkida miishshan ba miixa kunththeettes.