ሆሴኤ ቲንቢቴ 5:7 - Geeshsha Maxaafa

⁷ Istti eeqa xoossatas goynniza gishshas GODAAS ammanettibeettenna; istti layman nayta yelida. Hessa gishshas istti agina xeeron bonchchiza ba7aaley isttanne istta nayta issife dhayssana.

ጋሞ ማጻፋ

⁷ ኢስቲ ኤቃ ጾሳታስ ጎይኒዛ ጊሻስ ጎዳስ ኣማኔቲቤቴና፤ ኢስቲ ላይማን ናይታ ዬሊዳ። ሄሳ ጊሻስ ኢስቲ ኣጊና ጼሮን ቦንቺዛ ባኣሌይ ኢስታኔ ኢስታ ናይታ ኢሲፌ ይሳና።

ሆሴኤ ቲንቢቴ 5:7 Referans Kwoze

ሆሴኤ ቲንቢቴ 6:7

Istti qasse kase Addaame geetettizason tanara gelida caaqo qaala laallida; heenkka istti tanan ammanettibeettenna.

ኤርማሳ ቲንቢቴ 3:20

Gido attiin Isra7eele asawu! Intte ba azinaas ammanettontta maccassa mala taas ammanettibeekketa» gees.

ኢሳያሳ ቲንቢቴ 48:8

Neni siyabeekka woykko erabeekka; ne hayththi benippeka doyettibeenna. Gaasoykka neni kasekka cimmizaadenne naateththafe doommada ne makkallanchcha geetettidayssa ta eradis.

ዛካራሳ ቲንቢቴ 11:8

Issi agina giddon mehe heemmiza heedzdzata diggadis; isttika tana ixxida gishshas tanikka istta salettadis.

ሆሴኤ ቲንቢቴ 2:11

Iza ba ufayssa ba7aaleta ubbaa, layththan layththan bonchchiza ba7aaleta, agina xeeron xeeron bonchchiza ba7aaleta, Sambatatanne hara iza dumma dumma doora bonchchiza ba7aaleta nam7anththo ooththontta mala ta diggana.

ሆሴኤ ቲንቢቴ 2:4

Layma maccassafe yelettida gishshas izi naytas ta mishettike.

ሂዚቄላ ቲንቢቴ 12:28

Hessa gishshas neni isttas, ‹Ubbaa Haariza GODAY: tani yootida qaalaappe gam7anaazi deenna; ta gida ubbay polettana› gees» gides.

ኢሳያሳ ቲንቢቴ 59:13

Nuni GODAA bolla makkallidi wordo haasaydos; nu Xoossaa kaalo aggidi sher7i gidos; makkallateththinne gene yo7o haasaydos. Nu wozinay shaari uttida wordo haasaydos.

ዬ ማጻፋ 144:11

Wordo haasayzaytappenne ba ushachcha kushe denththidi wordo caaqqizaytappenne allagatappe tana ashshanne naaga.

ዬ ማጻፋ 144:7

Bollafe ne kushe yeddada, tana wolqqama haaththafe goochcha kessa; allaga asata kusheppe ne tana ashsha.

ኢሳያሳ ቲንቢቴ 1:14

Agina xeeron intte bonchchiza gallassatanne kase intte woththida ba7aale gallassata ta shemppoya harasettadus; heyti taas daro deexo tooho gidida gishshas ta istta tookkanaas dandaykke.

ሆሴኤ ቲንቢቴ 7:13

Istti taappe haakki bida gishshas isttas aayye ana! Ta bolla istti makkallida gishshas istta bolla dhayssizaazi yo; Tani istta wozzana koyadis; istti gidikko ta bolla wordo haasayeettes.