ሆሴኤ ቲንቢቴ 5:5 - Geeshsha Maxaafa

⁵ Isra7eele asaa otoroy istta bolla simmi markkattees. Istti bantta nagaran dhuphettana. Yuhudaykka isttara issife dhuphetti kundana.

ጋሞ ማጻፋ

⁵ ኢስራኤሌ ኣሳ ኦቶሮይ ኢስታ ቦላ ሲሚ ማርካቴስ። ኢስቲ ባንታ ናጋራን ጴታና። ዩሁዳይካ ኢስታራ ኢሲፌ ጴቲ ኩንዳና።

ሆሴኤ ቲንቢቴ 5:5 Referans Kwoze

ሆሴኤ ቲንቢቴ 7:10

Isra7eele asaa otoreteththi istta bolla markkattees; hessi wuri haniinkka istti GODAA bantta Xoossako simmibeettenna; izakka koyibeettenna.

ኣሞጼ ቲንቢቴ 5:2

«Geela7oya Isra7eeley kundadus; nam7anththo dendanaas dandayukku; izo maaddi denththanay baynda gishshas iza barkka ba deren kunda attana.»

ሉቃሳ ሚሺራቾ 19:22

«Iza godazi zaaridi izas, ‹Haysso iita oosanchchazoo! Ta ne qaalan nena zaara pirdays. Tani woththonttasoppe ekkizaadenne zeronttasoppe maxiza menxe iita as gididayssa eraasashin tani ta miishshaa yelora ekkana mala he miishshaan ooththana asatas aazas immabeekkii?› gides.

Maatosa 23:31

intte nabeta wodhida asata nayta gididayssa intte doonara intterkka intte intte bolla markkatteeta.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 8:14

«Isra7eele derey baas gita kawoteththa keeththata keexxides; gido attiin bana medhdhidayssa balides. Yuhuda dereykka daro mino katamata ooththides; gido attiin tani he katamata bolla tama yeddana; istta miixataka tamay maana» gides.

ሆሴኤ ቲንቢቴ 5:14

Hessafe dendidayssan tani Isra7eeles gaammo mala Yuhudaska wodalla gaammo mala gidana; ta istta nififi histta menththereththa yeggana; bonqqa ekkada baana; oonikka istta ta kusheppe ashshanaas dandayenna.

ሆሴኤ ቲንቢቴ 4:5

Intte omarsinne gallas dhuphetteeta; nabetikka inttenara dhuphetteettes. Hessa gishshas tani intte aayo Isra7eele dhayssana.

ኤርማሳ ቲንቢቴ 14:7

Asay, «Abeet GODAWU! ne sinththafe baqata darssidos; ne sunththaa gishshas nuus issi miish ooththa; nuni neeppe daroti guye simmidos; ne bollan nagara ooththidos.

ኢሳያሳ ቲንቢቴ 59:12

Gaasoykka nu qohoy ne sinththan darides; nu nagaraykka nu bolla markkattides. Nu mooroy nuuppe shaakettibeenna; nu makkallateththaaka nuni eroos.

ኢሳያሳ ቲንቢቴ 44:9

Eeqa misleta medhdhizayti ubbati hada; misleta isttafe ooththiza miishshatikka hada; isttas yootizaytikka qooqe; Isttas erateththi deenna; istti yeellatana.

ኢሳያሳ ቲንቢቴ 3:9

Istta ayfesoy istta bolla markkattees; istti Sodoome asaa mala bantta nagaraa qottontta qonccen haasayeettes; istti bantta bolla iita miish ehiza gishshas isttas aayye ana!

ሌሚሶ ማጻፋ 30:13

Otoron kumida asatinne as kadhidi xeelliza asati deettes.

ሌሚሶ ማጻፋ 24:16

Xillo asi laappunto kundikokka dendees; gido attiin iitati meton dhayeettes.

ሌሚሶ ማጻፋ 14:32

Iitati bantta iita ooson kundana; gido attiin xilloti hayqo wodekka baqati attizasoy dees.

ሌሚሶ ማጻፋ 11:21

Iita asi qaxxayettontta attenna; gido attiin xilloti qaxxayettettenna.

ሌሚሶ ማጻፋ 11:5

Borey baynda asata istta xilloteththi isttas oge suurisees; gido attiin iitati bantta iitateththan kundeettes.

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኢሳያሳ ቲንቢቴ 3:8

Yerusalaamey gandigarawus; Yuhudaykka kundana matadus; gaasoykka istti bantta haasayaninne ooson GODAARA eqettishe iza bonchchoza toochcheettes.

ሆሴኤ ቲንቢቴ 14:2

Paaxeththa qaala ekki GODAAKKO simmidi, «Nu nagara ubbaa atto ga; nuni nu doonappe galata shiishshana mala ne maaroteththan nuna ekka.