ሆሴኤ ቲንቢቴ 4:9 - Geeshsha Maxaafa

⁹ Intte qeesetikka deraappe dummatekketa; hessa gishshas ta ubbaaka izaade hano mala iza qaxxayana; iza ooso malakka izas immana.

ጋሞ ማጻፋ

⁹ ኢንቴ ቄሴቲካ ዴራፔ ዱማቴኬታ፤ ሄሳ ጊሻስ ታ ኡባካ ኢዛዴ ሃኖ ማላ ኢዛ ቃጻያና፤ ኢዛ ኦሶ ማላካ ኢዛስ ኢማና።

ሆሴኤ ቲንቢቴ 4:9 Referans Kwoze

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ኢሳያሳ ቲንቢቴ 24:2

Ubbaa miishshika issi mala gidana; dereza bolla hanzayssi qeeseza bolla hanana; aylle bolla hanzayssi godaa bolla hanana; ashkaray bolla hanzayssi godattey bolla hanana; shammizayssa bolla hanzayssi bayzizayssa bolla hanana; tal7e ekkizayssa bolla hanzayssi tal7e immizayssa bolla hanana; aco ciggizayssa bolla hanzayssi aco cigissizayssa bolla hanana.

Maatosa 15:14

Istta aggaagite; istti qooqeti kaaleththiza qooqeta gidida gishshas, qooqeti qooqe kaaleththiko nam7ay issoy issaara oykettidi aafon wullana» gides.

ዛካራሳ ቲንቢቴ 1:6

Gido attiin tani ta nabeta baggara yootida qaalatinne wogati intte aawata bolla gakkibeettennee? ‹Isttika maaroteththan gelththishe Ubbaafe Wolqqama GODAY ba koyida mala nu ooso malanne nu oge mala nuus bessizaaz nu bolla ooththides› » gida.

ሆሴኤ ቲንቢቴ 9:9

Isra7eele asay kase Gibi7a wode diza asa mala keehi tunides; Xoossi istta qohoza qoppidi istta nagara gishshas istta qaxxayana.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ሆሴኤ ቲንቢቴ 1:4

Hessafe guye GODAY Hose7es, «Iyunne iza zereththati Izra7eelen wodhida asata geedon Iyu zereththata ta qaxxayana wodey haaho gidenna; Isra7eele kawoteththi hayssafe guye kundana mala ta ooththana.

ኢሳያሳ ቲንቢቴ 3:10

Xillotas, «Xilloti ba lo7o ooso ayfe maana; hessa gishshas isttas lo7o gidana» ga yoota.

ሌሚሶ ማጻፋ 5:22

Nagaranchcha izi ooththida nagaray zaari oykkees. Iza nagara gitey iza qachchees.

ሌሚሶ ማጻፋ 12:14

Asi ba doonappe ke7iza qaalan lo7o miish kallees; ba ooththida ooso waagakka demmees.

ሆሴኤ ቲንቢቴ 7:2

Gido attiin tani hayssa istta iitateththaa wursa erizayssa istti akeekibeettenna. Hessa gishshas istta istta nagaray giddoththi woththides; istta iita oosoy taappe geemmibeenna» gees.

ሆሴኤ ቲንቢቴ 9:15

«Istti Gelgelan ooththida iitateththaa gaason ta istta ixxadis; istti ooththida iita ooso gishshas ta keeththafe ta istta gooddana; hayssafe guyekka ta istta dosikke; istta kaaleththizayti ubbay makkallanchchata.

ሆሴኤ ቲንቢቴ 10:10

Tani koyza wode istta qaxxayana; Istti ooththida dakko nagara gishshas qixaatey istta bolla gakkana; kawoteththati istta bolla dendana.

ሆሴኤ ቲንቢቴ 12:2

GODAY Yuhuda deraa bolla shiishshiza mootoy dees; izi Yaaqoobe iza hanota mala qaxxayana. Iza ooso mala izas immana.

ሌሚሶ ማጻፋ 11:31

Xilloti sa7an bantta ooso waaga ekkizaa gidikko, iitatinne nagaranchchati bantta oosos ekkana waagay waani darandeeshaa!

ሂዚቄላ ቲንቢቴ 44:10

« ‹Taappe haakkida Leweti, Isra7eele asay tana aggidi wora simmiin, bantta eeqatas goynnanaas wora simmidayti bantta qixaate ekketto.

ሂዚቄላ ቲንቢቴ 44:12

Gido attiin istti kase Isra7eele asaa eeqatas goynisida gishshassinne asaa nagaran ongiza dhuphe gidida gishshas, istti bantta nagara qixaate ekkana mala tani kushe denththada caaqqadis. Tani Ubbaa Haariza GODAY hayssa yootays.

ሆሴኤ ቲንቢቴ 12:3

Yaaqoobey buro ba aayey ulon dishe ba isha toho qirphe oykkides; Asa zawa gakkidaappe guye oossara baaxetides.