ሆሴኤ ቲንቢቴ 4:14 - Geeshsha Maxaafa

¹⁴ Intte macca naytinne intte nayta machcheti laymatishin tani istta qaxxaykke; gaasoykka intte attumasati layma maccassatara suuketeettes; eeqa xoossatas laymateththa yarsho shiishshizaytara intteka izaththo yarsheeta. Hessa gishshas akeekay baynda derey dhayana.

ጋሞ ማጻፋ

¹⁴ ኢንቴ ማጫ ናይቲኔ ኢንቴ ናይታ ማቼቲ ላይማቲሺን ታኒ ኢስታ ቃጻይኬ፤ ጋሶይካ ኢንቴ ኣቱማሳቲ ላይማ ማጫሳታራ ሱኬቴቴስ፤ ኤቃ ጾሳታስ ላይማቴ ያርሾ ሺሺዛይታራ ኢንቴካ ኢዛ ያርሼታ። ሄሳ ጊሻስ ኣኬካይ ባይንዳ ዴሬይ ያና።

ሆሴኤ ቲንቢቴ 4:14 Referans Kwoze

ሆሴኤ ቲንቢቴ 4:1

Hanno biittay bolla diza asa ubbaa bolla GODAY shiishshiza mootoy dees. Hessa gishshas Isra7eele asawu! Izi inttena gizayssa siyite; «Hanno biittay bollafe ammaneteththay, siiqoynne Xoos eroy dhaydes.

Ibirawe 12:8

Nay wuri seeran dicciza mala intte diccontta aggiko intte karen yelettida naa attiin soo naa gidekketa.

ኤፌሶኔ ኣሳስ 4:18

Istta wozinay muumida gishshassinne yuushshi qoppontta gishshas istta wozina ayfey qooqides; istti Xoossa de7oppe shaakettida.

1ቆሮንቶሴ ኣሳስ 6:16

Woykko laymatizaarira aqizaadey izira issi asho gidizayssa intte erekketii? «Nam7ay issi asho gideettes» geetettides.

ኦሮሜ ኣሳስ 3:11

Yuushshi qoppizaadey baa; Xoos koyzay issaadeyka baa.

ዮሃኒሳ ሚሺራቾ 8:43

Ta yootizayssa ays yuushshi qoppeketii? Gaasoykka intte ta qaala siyana koyontta gishshassa.

ሆሴኤ ቲንቢቴ 14:9

Aadho eranchchay ha yo7ota akeekana. Akeekizaadey ha yo7ota erana; GODAA ogey suure; xilloti izan hemetteettes. Nagaranchchati gidikko izan dhuphetteettes.

ሆሴኤ ቲንቢቴ 4:17

Efreemey eeqa xoossata goynon oykettida gishshas istta gede aggaagite.

ዳኔላ ቲንቢቴ 12:10

Daroti qorettana, gacetti geeyananne istta bolla wosoy bayndayta gidana; iitati gidikko bantta iitateth gujji gujji baana; iitatappe issoyka akeekenna; gido attiin aadho eranchchati akeekana.

ኢሳያሳ ቲንቢቴ 56:11

Istti ganjama kana mala; miidi kalli erettenna. Istti akeekay baynda heenththanchchata; istti ubbay bantta oge oge beettes; issoy issoy ba go7a xalla xeellees.

ኢሳያሳ ቲንቢቴ 1:5

Makkalla bolla makkalla gujjidi intte ays zaari zaari qaxxayetteetii? Intte hu7ey mule sakettides; intte wozinaykka daaburdes.

ሌሚሶ ማጻፋ 28:5

Iita asatas suure pirday gelenna; gido attiin GODAAS goynnizayti ubbaaka ereettes.

2ካዎታ ማጻፋ 23:7

GODAA keeththa giddon goyno woga ooththidi addey addera parattiza kifiletanne maccassati Asheersi may7os suqiza kifileta laallides.

1ካዎታ ማጻፋ 15:12

Goyno woga polanaas para layma laymatizayta Aasi ba biittafe dhayssides; izappe kase de7ida kawoti ooththida eeqa xoossa misleta ubbaa dhoqqalereththi yeggides.

ዛሬ ማጻፋ 23:17

Isra7eele asaappe ooninne attuma gidiin woykko macca gidiin eeqa xoossatas goynnizayti ooththizayssa mala laymatopite.

ሆሴኤ ቲንቢቴ 5:4

Isra7eele asay ooththida mooroy istti ba Xoossaako simmontta mala diggides. Laymateththa ayanay istta wozina kumides. Hessa gishshas istti GODAA erettenna.

ኣሞጼ ቲንቢቴ 2:7

Istti manqota gudulla bolla genderisidi istta hu7e yedhetteettes; qohettidaytas geella pirdeettes; aawaynne nay issi maccassayra laymateettes; istti hessaththo ooththi ooththidi ta sunth tuniseettes.

ኣሞጼ ቲንቢቴ 7:17

Hessa gishshas amasiyaasa! Ne gishshas GODAY, ‹Ne machcheya katama giddon layma maccas gidana; nees macca naytinne attuma naytikka olan hayqqana; allagati ne biitta wodoron wadhdhi gishetti ekkana; nenikka allaga biittan hayqqana; Isra7eele asay ba biittafe di7ettidi allaga dere baana› gees» gi yootides.

ታይቦ ማጻፋ 25:3

Isra7eele asay Ba7aali-Pe7oore geetettiza eeqa xoossaas goynnida gishshas Xoossi istta bolla hanqettides.

ኢሳያሳ ቲንቢቴ 27:11

Izi xeeray melidi meqqana; maccassatikka mixi eeththana; akeekay baynda dere gidida gishshas iza medhdhiday izas qadhettenna; ooththidayssika iza maarenna.