ሆሴኤ ቲንቢቴ 2:18 - Geeshsha Maxaafa

¹⁸ He wode do7atara, kafotaranne biitta bolla gooshettiza medheteth ubbatara ta intte gishshas caaqettana. Ubbayka saron daana mala ola, tooranne, Mashsha biitta bollafe ta diggana.

ጋሞ ማጻፋ

¹⁸ ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ሆሴኤ ቲንቢቴ 2:18 Referans Kwoze

ሂዚቄላ ቲንቢቴ 34:25

« ‹Tani isttara saroteththa caaqo qaala gelana; hessafe guye tani istta wora do7atappe shempisana; isttika bazzo biittan saron de7ana; wora giddonkka woppan ichchana.

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኢሳያሳ ቲንቢቴ 2:4

Izi kawoteththata giddon pirdana; daro asata garsan diza palama izi diggana. Istti bantta giththa mashsha maarasha, bantta toorakka baaca qoxxi kessana. Derey dere bolla mashsha denththenna; hessafe guye istti ola tamaarettenna.

ዬ ማጻፋ 46:9

Izi sa7a gaxappe gaxa gakkanaas diza ola teqqees; wondafenne toora menththees; gondalleka taman xuuggees.

ኢሳያሳ ቲንቢቴ 65:25

Kana suyteynne dorsa laaqqay issife maana; gaammoy boora mala maata maana; shooshshi gudulla laaccana; ta geeshsha zumaa bolla istti qohettettenna; bashshika istta bolla yeenna» gees.

ኢዮቤ ማጻፋ 5:23

Ne goyiza gaden nena shuchchi waayisenna; do7atarakka ne saron daana.

ዛካራሳ ቲንቢቴ 14:9

He wode GODAY biitta ubbaa bolla kawotana; he wode GODAY issaa xalla; iza sunththayka issaa gidana.

ዛካራሳ ቲንቢቴ 14:4

He wode iza tohoy Yerusalaameppe arshey mokkiza baggara Dabrazayte zumaa bolla eqqana. Dabrazayte zumaykka arshey mokkizasoppe wullizaso gakkanaas nam7u kezi shaaketti wodhana; bagga zumay pudeha bagga, baggay dugeha bagga shaakettidi giddon wolqqama shoobbay medhettana.

ዛካራሳ ቲንቢቴ 3:10

Ubbaafe Wolqqama GODAY, «He wode issoy issoy ba woyne miththa garsaninne ba balase miththa garsan ba lagge diggisas xeygana» gees.

ዛካራሳ ቲንቢቴ 2:11

He gallas daro kawoteththati GODAAKKO shiiqidi iza dere gidana; izikka ne giddon de7ana; Ubbaafe Wolqqama GODAY tana neekko kiittidayssa nekka erana.

ኤርማሳ ቲንቢቴ 33:16

He wode Yuhuda asay attana; Yerusalaame asaykka saron daana; izakka, ‹GODAY Nuus Xilloteththa› gaana.

ኤርማሳ ቲንቢቴ 30:10

«Hessa gishshas ta aylle Yaaqoobe zareto yayyofte! Intteno Isra7eeleto dagammofte! Intte haahoson dishin tani inttena ashshana; intte zaretakka istti di7ettida biittafe kessa ekkana; Yaaqoobe zareti simmidi saroninne woppan uttana; istta yashissana ay miishshika deenna.

ኢሳያሳ ቲንቢቴ 26:1

He gallas ha yeththay Yuhuda biittan yexettana. Nuus mino katamay dees; Xoossi iza gimbetanne miixata atoteththas ooththides.

ኢሳያሳ ቲንቢቴ 2:17

Moodhettizaadey kawuyana; otoranchchay kundana; he gallas GODAY xalla dhoqqu dhoqqu gaana;

ኢሳያሳ ቲንቢቴ 2:11

Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.

ዬ ማጻፋ 23:2

Tana aaca qooron shempisees; xillo haaththi dizaso tana kaaleththees.

ዛካራሳ ቲንቢቴ 9:10

Para-gaareta Efreemeppe ola parata Yerusalaameppe ta ekka dhayssana. Tani ola toorata menththereththana. Saroteth kawoteththatas awajjana. Izi abbaafe abban gakkanaas haarana; Efiraaxise shaafappe sa7a gaxa gakkanaas izi ayssana.

ኢዮቤ ማጻፋ 5:22

Wolqqamata qohoynne koshay nena daganththenna; biitta do7ataska ne yayyaka.

ዬ ማጻፋ 148:10

Mehetoo, do7atoo, sa7ara gooshettiza medhetatoo! Paalliza kafotoo ubbatikka iza galatite.

ኢሳያሳ ቲንቢቴ 32:18

Ta derey saroy dizason, ammanththizason, woppay dizason woppu gi daana.

ሂዚቄላ ቲንቢቴ 39:1

«Ubbaa Haariza GODAY, ‹Haysso asa nawu! Googe bolla tinbite yoota. Mesheekessinne Tubaales waanna halaqa gidida haysso Googe ta ne bolla dendadis.

ኢሳያሳ ቲንቢቴ 54:5

Nena medhdhidayssi nees azina; iza sunththayka Ubbaafe Wolqqama GODAA. Nena wozziday Isra7eele Geeshsha; izi biitta ubbaa Xoossa geetettees.