ሆሴኤ ቲንቢቴ 13:5 - Geeshsha Maxaafa

⁵ Bazzo biittan kaththinne haaththi bayndason nena ishalsa woththadis.

ጋሞ ማጻፋ

⁵ ባዞ ቢታን ካኔ ሃ ባይንዳሶን ኔና ኢሻልሳ ዎዲስ።

ሆሴኤ ቲንቢቴ 13:5 Referans Kwoze

ዛሬ ማጻፋ 32:10

«Aykkoyka baynda bazzon carkoy punniza biittaan iza demmides; izas gondalle gidides; ba ayfe ciro mala iza naagides.

ዛሬ ማጻፋ 8:15

Marze shooshshaynne masimasoy kumida keehi hirgisiza bazzora inttena kaaleththides; izi inttes mela bazzon mino zaallafe haaththe pulttisides.

ዛሬ ማጻፋ 2:7

GODAA intte Xoossay intte ooththida ubbaa inttes keehi anjjides; intte hayssa wolqqama bazzozara kanththi biza wode ishalsi oykkides; ha oyddu tammu layth kumeththaan GODAA intte Xoossay inttenara diza gishshas aykkoyka inttes paccibeenna.

ጋላቲያ ኣሳስ 4:9

Ha7i gidikko Xoos erideta; qasseka Xoossan erettideta; histtiin qasseka guye simmidi gede go7ay baynda coo daabursiza timirteko waani simmidetii? Simmidi qasseka aylleteththa qambaran waaxettana koyeetii?

ናሆሜ ቲንቢቴ 1:7

GODAY lo7o; meto gallassika qotetti attizaso. Izan ammanettizayta naagees.

ዬ ማጻፋ 142:3

Tani daaburda wode neni ta oge eraasa; ta hemettiza ogen tana oykkanaas woximade woththida.

ዬ ማጻፋ 63:1

Abeet Xoossawu! Neni ta Xoossa; ta nena wozinappe koyays; ta ashoykka nena amottees. Haaththi baynda mela biittay haath koyza mala ta asateththay nena saamettees.

ኬሳ ማጻፋ 2:25

Hessa gishshas Xoossi Isra7eele nayta xeellidi istta hanoteth qoppides.

1ቆሮንቶሴ ኣሳስ 8:3

Xoos siiqizaadey gidikko izi Xoossa achchan erettidaade.

ኤርማሳ ቲንቢቴ 2:6

Isttika, ‹Nuna Gibxeppe kessiday, bazzon samida ogera, kundukurcco biittara, melanne dhuma biittara, asi aadhdhonttasora nuna kaaleththi ehida GODAY awan dizee?› gi oychchibeettenna.

ኤርማሳ ቲንቢቴ 2:2

«Ba! Baada waassa; Yerusalaame asaa hayththan sissa; GODAY, ‹Neni naateteththan ay keena ammanettidaakko, qasse neni buro mishiran dashe tana ay keena siiqidaakko, zereththi zerettontta bazzo biittan ne wostta kaallidaakko ta akeekays.

ዬ ማጻፋ 31:7

Ta meto neni be7ida gishshassinne ta tuggaa neni erida gishshas tani ne siiqon ufayettays.

ዬ ማጻፋ 1:6

Ays giikko GODAY xillota oge erees; gido attiin iitata ogey istta dhayon gaththees.

ሜቴ ማጻፋ 31:40

Gallas awa seelay, omars kenchchoy tana qohides; dhiskoyka ta ayfeppe dhaydes.

ሆሴኤ ቲንቢቴ 5:3

Tani Isra7eele asa ubbaa erays. Isra7eeley ta ayfeppe geemmabeekku; Efreeme, neni laymateththa goynon tunadasa.

ሆሴኤ ቲንቢቴ 9:10

GODAY, «Tani Isra7eele asaa demmida wode taas bazzo biittan woyne miththa ayfe demmida misatides. Tani kase intte aawata be7ida wode taas koyro kaxxida balase miththa ayfe be7idaa misatides. Istti Ba7aali-Pe7oore gakkida wode banttanateththa yeellachchiza eeqa xoossas dummasida. Isttika he ba siiqiza eeqa xoossaa mala tunida.