ሆሴኤ ቲንቢቴ 12:8 - Geeshsha Maxaafa

⁸ Efreemey, ‹Tani dure; ta duretadis; taas hayssi ubbay dishin ay qohoykka woykko nagaray ta bolla gakkenna› gi ceeqettees.

ጋሞ ማጻፋ

⁸ ኤፍሬሜይ፥ ‹ታኒ ዱሬ፤ ታ ዱሬታዲስ፤ ታስ ሃይሲ ኡባይ ዲሺን ኣይ ቆሆይካ ዎይኮ ናጋራይ ታ ቦላ ጋኬና› ጊ ጬቄቴስ።

ሆሴኤ ቲንቢቴ 12:8 Referans Kwoze

ዮሃኒሳ ኣጁታ 3:17

‹Tani durekko; taas daro haaroy dees; taas aykkoyka paccibeenna› gaasa shin neni gilqa; aykkoy baynda hiyeesa; manqo; qooqenne kallo dizaade gididayssa erabeekka.

ዬ ማጻፋ 62:10

Bonqqan ammanettofte; kaysi shiishshida dureteththan hidota ooththofte. Inttes dureteththi darikkoka intte wozina iza bolla woththofte.

1ጺምቶሳስ 6:5

Tumay isttafe eketti gidiin Ayana ooson wodhe demmana misatiza asatanne qofa pace asata giddon gooshettidi duuxxontta oosh eheettes.

ዛካራሳ ቲንቢቴ 11:5

Istta shammi shukkidayti qaxxayettettenna; istta bayzidayti, ‹GODAY galatetto; nu duretidos› geettes. Istta heemmizaytikka isttas qadhettettenna.

ሌሚሶ ማጻፋ 30:20

«Layma maccassaya haniza hanoykka hessa mala. Iza muussa mawus; gido attiin midaappe guyen, ba doona quccada, ‹Tani aykkoka moorabeekke› gawus.

ሌሚሶ ማጻፋ 30:12

Tuna gidi uttidi banttana geeshsha mala qoodiza asati deettes.

ዬ ማጻፋ 52:7

«Xoossa baas zemppo ooththonttaade, ba dureteththa daron ammanettizaade ba iita ooson minnizaade hayssa be7ite!» gaana.

ዬ ማጻፋ 49:6

Ba aqotan ammanettizaytassinne ba dureteththa daron ceeqettizaytas ta ays babboo?

ዛሬ ማጻፋ 8:17

Hessa gishshas, «Nuni nu wolqqaninne nu minoteththan duretidos» gi qoppofte.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

ሉቃሳ ሚሺራቾ 16:15

Yesusikka isttas, «Intte inttena asa achchan xilliseeta; gido attiin Xoossi intte wozina erees; asa achchan bonchchettidaadey Xoossa sinththan tuna» giidi yootides.

ሉቃሳ ሚሺራቾ 16:13

«Nam7u godaas issito azazettana dandayzaadey oonikka deenna; woykko issaa dosidi issaa ixxees woykko issaakko shiiqidi hankkoyssa leqqees; Xoossassinne miishshas issife gaththi haarettanaas dandayekketa» gides.

ሉቃሳ ሚሺራቾ 12:19

Ta shemppoyee! Daro wodes gidiza kath shiishshida gishshas shempa uttada ma; uya; ufayetta› gaana gides.

ሉቃሳ ሚሺራቾ 10:29

Addezi bana xillisanaas koyidi, «Histtiin ta laggey oonee?» giidi Yesusa oychchides.

ሚልካሳ ቲንቢቴ 3:13

«Intte ta bolla xalateththa qaala haasaydeta» gees Ubbaafe Wolqqama GODAA Xoossay. «Intte gidikko, ‹Ne bolla nu ay haasaydonii?› geeta.

ኢምባቆ ቲንቢቴ 1:16

Hessankka shempidi diza gishshassinne izi miza qumay modhdho gidida gishshas ba oykkida gitezas yarsho yarshees; qasseka ba shiishshizasozas exaane cuwasees.

ኤርማሳ ቲንቢቴ 2:23

Neni waanada, «Tani tunabeekke; tani Ba7aale eeqatas goynnanaas woxxabeekke» gaanaas dandayay? Neni shoobban ooththidayssa ane qoppa; neni ooththidayssa ane akeeka; neni yaanne haa woxerettiza gaamella mala gidadasa.

ኤርማሳ ቲንቢቴ 2:35

‹Tani xillo; tumappe iza hanqoy tana gakkenna› gaasa. Neni, ‹Tani nagara ooththabeekke› giza gishshas tani ne bolla pirdana.

ሚልካሳ ቲንቢቴ 2:17

Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ሂዚቄላ ቲንቢቴ 28:5

Ne zal7e ooso erateththan keeha bida gishshas, aqota bolla aqota dagasadasa; ne aqota daroteththafe dendidayssan ne wozinay otoron kumides gaada yoota.

ሆሴኤ ቲንቢቴ 4:8

Ta dereza nagaray isttas muussas kiyides; hessa gishshas derey nagara ooththizayssa keehi dosida.

ሆሴኤ ቲንቢቴ 13:6

Gido attiin ta miziin istti kallida; kallidi otorettida; hessafe guye tana balida.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሌሚሶ ማጻፋ 11:1

GODAY wordo geeddara ixxees; gido attiin suure geeddaran ufayettees.

ኤርማሳ ቲንቢቴ 5:27

Kafo keeththan kafoy kumida mala istta keeththan baleththoy kumides. Hessa gishshas istti durenne wolqqama gidida.

ኣሞጼ ቲንቢቴ 8:5

Intte, «Nuni nu kaththa bayzana mala agina xeeron bonchchiza ba7aaley ayde aadhdhaneeshaa! Nuni kath giya gelththanaas sambataykka nuus ayde aadhdhaneeshaa! He ba7aaley aadhdhiko nuni maka miishsha guuththidi al7o waagan bayzana; qasseka wordo meezaanen asaa baleththana.