ሆሴኤ ቲንቢቴ 12:11 - Geeshsha Maxaafa

¹¹ Gala7aaden iitateththi kumides; asaykka shufuro xalla. Gelgelan mirgota yarshos shiishshizoo? Istta yarshizasoy meqerettidi goshsha giddon korettida shuchcha mala gidana» gees.

ጋሞ ማጻፋ

¹¹ ጋላኣዴን ኢታቴ ኩሚዴስ፤ ኣሳይካ ሹፉሮ ጻላ። ጌልጌላን ሚርጎታ ያርሾስ ሺሺዞ? ኢስታ ያርሺዛሶይ ሜቄሬቲዲ ጎሻ ጊዶን ኮሬቲዳ ሹቻ ማላ ጊዳና» ጌስ።

ሆሴኤ ቲንቢቴ 12:11 Referans Kwoze

ሆሴኤ ቲንቢቴ 8:11

«Efreemey nagara wursanaas daro yarshosoho ooththides; gido attiin he yarshosohoti nagara ooththizaso gidida.

ሆሴኤ ቲንቢቴ 6:8

Gala7aadey suuththan moorettadus; iita asata duussaso gidadus.

ሆሴኤ ቲንቢቴ 4:15

«Intteno Isra7eele asatoo! Intte laymatikkoka Yuhuda asay laymatana mala ooththofte; hessa gishshas taas goynnanaas Gelgela woykko Beeti-Awene geetettizaso boopite; ‹De7o GODAY beyiin› giidi ta sunththan caaqqofte.

ሆሴኤ ቲንቢቴ 9:15

«Istti Gelgelan ooththida iitateththaa gaason ta istta ixxadis; istti ooththida iita ooso gishshas ta keeththafe ta istta gooddana; hayssafe guyekka ta istta dosikke; istta kaaleththizayti ubbay makkallanchchata.

ሆሴኤ ቲንቢቴ 10:1

Isra7eele asay daayida woyne miththa mala. Istti daro ayfe ayfida; ayfezi darida keena daro yarshosoho medhdhida. Istta biittaya lo7o ayfe immada istta duresida mala istti goynniza tuussata aleqessida.

ዮናሳ ቲንቢቴ 2:8

Hada eeqata kaallizayti wuri nenan GODAAN ammanettanayssa aggida.

ኣሞጼ ቲንቢቴ 5:5

Intte Bersaabehe boopite; Beeteley laalettada mulera dhayana; Gelgelan diza asay di7ettana; hessa gishshas Beetele gidiin woykko Gelgela boopite» gides.

ኣሞጼ ቲንቢቴ 4:4

GODAY, «Isra7eele derezoo! Beetele biidi nagara ooththite! Gelgelakka biidi nagara gujji ooththite! gallas gallas intte yarsho yarshite! heedzdzanththo gallas gallas intte asraata immite.

ኤርማሳ ቲንቢቴ 10:15

Istti coo qidhes medhettida miishsha. Pirday istta bolla gakkiza wode istti dhayana.

ኤርማሳ ቲንቢቴ 10:8

Hada gidida miththafe masettida eeqa xoossatappe timirte tamaarza ubbay eeyanne damma.

ኤርማሳ ቲንቢቴ 2:28

Histtiin ane intte inttes medhdhida xoossati awan dizoo? Yuhudaa, intte metotiza wode istti inttena ashshanaas dandaykko ane inttena yiidi ashshetto! Intteno Yuhuda asatoo! Intte xoossati intte katamata mala cora» gides.

ኤርማሳ ቲንቢቴ 2:20

Ubbaa Haariza GODAY, «Benippe doommada tani ne qambara menththadis; nena qachchida miishshika duuththadis. Histtiinkka, ‹Tani nees ooththike› gadasa. Histtada dhoqqa zumbullata achchan miththa garsan laymatanaas ichchadasa.

1ካዎታ ማጻፋ 17:1

Gala7aaden Tesibe geetettizasoppe yida nabe Eelaasi kawo Akaabes, «Tani izas ooththiza GODAA Isra7eele Xoossay beyiin hayssafe yaana layththatan tani yootontta dishin sa7an iray bukkenna woykko xaazaykka xaazatenna» gides.

ሆሴኤ ቲንቢቴ 10:2

Istta wozinan geney kumides; istti ba ooththida geneza waaga ekkana. GODAY istti yarsho yarshizasohota ubbaa laallana. Istti goynniza eeqa xoossa tuussatakka shoddana.

ታይቦ ማጻፋ 12:6

GODAY isttas, «Hekko ha7i ta inttena gizayssa akeeki siyite! «Intte giddon nabeti diikko, tani tana isttas ajjuutan qonccisays; agumon istta haasayssays.

2ካዎታ ማጻፋ 17:13

Gidikkoka GODAY isttas, «Intte biza iita ogeppe simmite! Kase intte aawati ooththanaas tani azazida wogaa malanne ta oosanchcha nabeta baggara ta inttes yootida wogaa mala ta azazotanne ta maarata naagite» giidi nabeta baggaranne ajjuuta be7iza asata baggara Isra7eelesinne Yuhudas minththi yooti woththides.

ሂዚቄላ ቲንቢቴ 17:2

«Haysso asa nawu! Isra7eele asaa maaleththo maaleththa; ne isttas leemison maaleththo yoota.