ሆሴኤ ቲንቢቴ 11:2 - Geeshsha Maxaafa

² Gido attiin ta istta xeygida keena istti taappe gede haakki haakki bida. Ba7aales yarsho shiishshida; iza misletasikka exaane cuwasida.

ጋሞ ማጻፋ

² ጊዶ ኣቲን ታ ኢስታ ጼይጊዳ ኬና ኢስቲ ታፔ ጌዴ ሃኪ ሃኪ ቢዳ። ባኣሌስ ያርሾ ሺሺዳ፤ ኢዛ ሚስሌታሲካ ኤጻኔ ጩዋሲዳ።

ሆሴኤ ቲንቢቴ 11:2 Referans Kwoze

ሆሴኤ ቲንቢቴ 2:13

Ba7aale geetettiza eeqa xoossas exaane cuwasanaassinne lo7o geexe woththada iza ba laggeththota kaallada tana aggida gishshas ta izo qaxxayana.

ኤርማሳ ቲንቢቴ 18:15

Ta derey gidikko tana balides; istti go7ontta xoossatas exaane cuwaseettes; bantta ogera biidi dhuphettida; beni ogeppe kare kezida; baasettontta diza kundukurcco ogera bida.

ኢሳያሳ ቲንቢቴ 65:7

Intte nagara halonne intte aawata nagara halo ta kessana. Istti zumata bolla xuugettiza yarsho shiishshida gishshas, zumbullata bolla tana cayida gishshas, istti makkida miishshan isttas zaari makettana; istti kase ooththida ooso kushe zaari ekkana» gees.

ሆሴኤ ቲንቢቴ 11:7

Ta derey taappe haakkanaas koyides; gidikkoka istti taakko Ubbaafe Wolqqama Xoossako waassiko ta istta ashshike.

ሃዋሬታ ኦሶ 7:51

«Intteno wozina muumetoo! Hayththa tulletoo! Intteka intte aawata mala ubba wode Xillo Ayanara eqetteeta.

ዮሃኒሳ ሚሺራቾ 3:19

Pirdayka hayssa mala, poo7oy ha alame yides shin asaas oosoy iita gidida gishshas asay poo7oppe keehi dhuma dosides.

ሉቃሳ ሚሺራቾ 13:34

«Hanne Yerusalaame nabeta wodhizaaree! Neekko kiitettidayta shuchchara caddizaaree! Kuttoy ba ciyeta ba qefe gars shiishshiza mala ne nayta shiishshanaas aappun wode koyadinaashin ne gidikko akkay gadasa.

ዛካራሳ ቲንቢቴ 7:11

«Istti qasse siyana koyibeettenna; zokko zaaridi ba hayth tuccida.

ኤርማሳ ቲንቢቴ 35:13

Ubbaafe Wolqqama GODAA Isra7eele Xoossay, «Baada Yuhuda asaassinne Yerusalaame asaas, ‹Ta qaala naagana mala hayssafe tamaarekketii?› ga yoota.

ናሂሚያ ማጻፋ 9:30

Daro layth ne istta dandayadasa; istta tamaarsana mala nabeta ne Ayanan isttas denththadasa; gido attiin istti lo7eththi siyibeettenna; hessa gishshas istta dere matan diza asati xoonana mala istta aaththa immadasa.

1ካዎታ ማጻፋ 18:19

Ha7i Isra7eele asaa ubbaa Qarmeloose zumaa bolla tanara gayttana mala xeyga; qasse Elzabeeli maaddafe mizayta 450 ba7aale nabetanne 400 Asheeri nabeta shiishsha» gides.

1ካዎታ ማጻፋ 12:33

Izi ba doorida osppunththa aginan tammanne ichchashanththa gallas Beetele biidi he gallas Isra7eele asaas ba7aale gidana mala awajjides; histtidi exaane cuwasanaas pude yarsho yarshizaso kezides.

ዳናታ ማጻፋ 10:6

Isra7eele asay GODAA sinththan qasseka iita miish ooththides; istti Ba7aalenne Astaroote geetettiza eeqa xoossatassinne Aaraame xoossatas, Sidoona xoossatas, Mo7aabe xoossatas, Amoone dere eeqa xoossatassinne Filisxeeme xoossatas goynnida. Istti bantta GODAAS goynnizayssa aggida.

ዳናታ ማጻፋ 3:7

Isra7eele asay GODAA sinththan iita miish ooththides; istti GODAA bantta Xoossa aggidi Ba7aalenne Asheero geetettiza eeqa xoossatas goynnida.

ዳናታ ማጻፋ 2:13

GODAAKKA aggidi Ba7aalessinne Astarootes goynnida.

ዛካራሳ ቲንቢቴ 1:4

Kase nabeti intte aawatas, ‹Intte intte iita ogeppenne intte oosoppe simmite› giidi minththi yootida; gido attiin istti qasse siyibeettennanne ta azazokka naagibeettenna; hessa mala intte intte aawata mala hanopite.

ሆሴኤ ቲንቢቴ 4:13

Zumay dizason dizason yarsho yarsheettes; zumbullata bolla, gita daashsha miththata kuwa garsan xuugettiza yarsho yarsheettes. Hessa gaason intte macca nayti layman daana; intte nayta machcheti laymatana.

ኤርማሳ ቲንቢቴ 44:5

Istti gidikko ero gi ekkibeettenna; istti ba ooththiza iita oosoppe simmibeettenna; hara eeqa xoossatas exaane cuwaseth aggibeettenna.

ሆሴኤ ቲንቢቴ 4:17

Efreemey eeqa xoossata goynon oykettida gishshas istta gede aggaagite.