ሆሴኤ ቲንቢቴ 10:8 - Geeshsha Maxaafa

⁸ Isra7eeles nagara gidida Beet-Awenen goynnizasoho zumbullazi dhayana; okkaynne ohay mokkana; He wode derey zumata, «Nuna qottite!» zumbullatakka «Nuna kammite!» gaana.

ጋሞ ማጻፋ

⁸ ኢስራኤሌስ ናጋራ ጊዲዳ ቤት-ኣዌኔን ጎይኒዛሶሆ ዙምቡላዚ ያና፤ ኦካይኔ ኦሃይ ሞካና፤ ሄ ዎዴ ዴሬይ ዙማታ፥ «ኑና ቆቲቴ!» ዙምቡላታካ «ኑና ካሚቴ!» ጋና።

ሆሴኤ ቲንቢቴ 10:8 Referans Kwoze

ሉቃሳ ሚሺራቾ 23:30

He wode asay, ‹Zumatoo! Nu bolla woddite; zumbullatikka nuna qottite!› gaana.

ዮሃኒሳ ኣጁታ 6:16

Zumatanne zaallatakka, «Nuna kammite! Algaa bolla uttidayssa sinththafe, he dorsaza hanqofe nuna qottite.

ኢሳያሳ ቲንቢቴ 2:19

GODAY hayssa biittaa qaaththanaas dendiza wode Yashissiza GODAA hanqofenne iza teemappe attanaas asay qotettanaas shuchcha garsinne ollay dizaso baqatana.

ሆሴኤ ቲንቢቴ 9:6

Istti bashshafe attanaas betikkoka Gibxey istta shiishshana; Memppisa geetettizason istta moogana; istti haarida biray wurikka sharafa may7i attana; istta duussaso ubbaa agunththi laattana.

ኣሞጼ ቲንቢቴ 8:14

Samaariya deren, ‹Ashamo› geetetta xeygettiza eeqa xoossayn caaqqizayti, ‹Daane xoossay beyiin› woykko, ‹Bersaabehe xoossay beyiin› gi caaqqizayti wurikka kundana; ba kundidasohoppe mulekka dendanaas dandayettenna» gees.

ኢሳያሳ ቲንቢቴ 32:13

Ta deraa biittaa gishshas, agunththinne kindichchoy mokkida biittaa gishshas, homboceththan isttan guppiza keeththata ubbaa gishshas, homboceththan izin guppiza katamays yeekkite.

ዮሃኒሳ ኣጁታ 9:6

He gallassatan asay hayqqana koyana shin hayqo demmettenna; hayqqanaas amottana shin hayqoy isttafe baqatana.

ሚኪያሳ ቲንቢቴ 1:13

Intteno Laakishen dizaytoo parata gaarera gaththi oyseththite. Xiyoone macca naytas koyro nagaray inttenakko. Isra7eeles qohoy intte achchafe beettides.

ሚኪያሳ ቲንቢቴ 1:5

Hessi wuri hananay Yaaqoobey ooththida mooro gishshassinne Isra7eele nayta nagara gishshassa; Isra7eele asay iita ooththanaas gaaso gididay oonee? Izis waanna katamayo Samaariya gidekkee? Yuhuda asay eeqa goynnidi nagara ooththana mala gaththiday oonee? Yerusalaame gidekkee?

ሆሴኤ ቲንቢቴ 10:5

Samaariya kataman diza derey Beeti-Awenen diza mara mislen oosettida eeqa xoossas yayyees. Izappe bonchchoy qaaretti kichchida gishshas asay yeekkees. He eeqa misleza qeesetikka waasseettes.

ሆሴኤ ቲንቢቴ 10:2

Istta wozinan geney kumides; istti ba ooththida geneza waaga ekkana. GODAY istti yarsho yarshizasohota ubbaa laallana. Istti goynniza eeqa xoossa tuussatakka shoddana.

ሆሴኤ ቲንቢቴ 5:8

Asay olas kezana mala Gibi7an zaye zayite; Eraaman xurumba punnite. Beeti-Awenen, ‹Biniyaame baggatoo! Nu inttenara doos› gishe waassite.

ሆሴኤ ቲንቢቴ 4:15

«Intteno Isra7eele asatoo! Intte laymatikkoka Yuhuda asay laymatana mala ooththofte; hessa gishshas taas goynnanaas Gelgela woykko Beeti-Awene geetettizaso boopite; ‹De7o GODAY beyiin› giidi ta sunththan caaqqofte.

ሆሴኤ ቲንቢቴ 4:13

Zumay dizason dizason yarsho yarsheettes; zumbullata bolla, gita daashsha miththata kuwa garsan xuugettiza yarsho yarsheettes. Hessa gaason intte macca nayti layman daana; intte nayta machcheti laymatana.

ኢሳያሳ ቲንቢቴ 34:13

Gimbetti yuuyida katamata, izi miixata doyoynne okkay laattana; worakanata ollanne guttota duussaso gidana.

2ታሪኬ ማጻፋ 31:1

Hayssi ubbay polettidaappe guye heen diza Isra7eele asay Yuhuda katamata yiidi goynettiza shuchchata menththereththi yeggida; Asheero geetettiza eeqa xoossay misleta qanxxereththi olida; qasseka Yuhuda biittan, Biniyaame biittan, Efreeme biittaninne Minaase biittan diza zumbullata bolla goynnizasotanne yarsho yarshizasohota dhayssida; Isra7eele asay hessa ubbaa ooththidaappe guye bantta katama katamanne banttaso banttaso simmida.

2ካዎታ ማጻፋ 23:15

Isra7eele asaa nagara oosisida Nabaaxe naa Iyorba7aamey ooththida yarshosohoza, Beetelen zumbulla bolla goynnizasohoza, yarsho yarshizasohoza iza bolla diza zumbullaa hessaththoka laallides; shuchchatakka menththereththi yeggides; dhiille malakka liiqisides; Asheeri misle tuussaaka xuuggides.

1ካዎታ ማጻፋ 14:16

Iyorba7aamey ooththida nagara gaasoninne Isra7eele asaa izi oosisida nagaraa gishshas GODAY Isra7eele yeggi aggana» gides.

1ካዎታ ማጻፋ 13:34

Hayssi ha nagaray Iyorba7aame keeththa asaa bashshassinne biitta bollafe dhayssanaas gaaso gidides.

1ካዎታ ማጻፋ 13:2

GODAY azazida qaala mala yarsho yarshizasoza eqettishe, «Haysso yarsho yarshizasozoo! GODAY nees, ‹Dawite zereththafe Iyosiyaasa geetettiza issi nay yelettana. « ‹Izi ha7i hayssa zumbullaa bolla goynnizasotan yarsho shiishshiza qeeseta ne bolla yarshana; istta meqeththaaka ne bolla xuuggana› gees» gides.

ዛሬ ማጻፋ 9:21

Tani intte medhdhida he nagaran kumida mara misleza ekkada taman xuuggadis; izakka kinchchereththa gudulla mala liiqisada zumaa bollafe duge goggiza haaththan yeggadis.

ሜቴ ማጻፋ 3:8

Omarsa wode, Edene giddon GODAA Xoossay hemettishin, iza cenggurssaa addezinne iza machcheya siyidi GODAA Xoossaafe Edene miththa giddon qotettida.

ሆሴኤ ቲንቢቴ 2:6

Hessa gishshas tani izi oge agunththara gordana; iza kezana penge demmontta mala tani gimbe yuushsha aaththa gordana.

ሆሴኤ ቲንቢቴ 10:9

GODAY, «Isra7eele asawu! Gibi7an nagara ooththoosoppe hach gakkanaas Geba7oonen nagara ooththizayta olay wursibeennee?

ኣሞጼ ቲንቢቴ 7:9

Yisaaqinne izas naaza nayti goynniza dhoqqasohoti laalettana; Isra7eele nayti goynnizasohoti laalettana; Iyorba7aame kawoteth tani mulera dhayssana» gides.

ናሆሜ ቲንቢቴ 3:11

Nenikka qasse maththottananne qotettana; morkketappe attizaso ne koyana.

ኢሳያሳ ቲንቢቴ 2:21

GODAY ha biittaa qaaththanaas dendiza wode iza yashiseththaafenne iza teemaappe dendidayssan shuchcha gongoloynne zaalla za7ay dizaso baqatana.

ሆሴኤ ቲንቢቴ 8:5

Samaariya dere asatoo! mari misatissi intte medhdhida eeqa xoossati tana shaatteettes. Ta hanqoy intte bolla tama mala eexxees; intte mooro ooson ayde gakkanaas intte gam7anee?

ኣሞጼ ቲንቢቴ 1:5

Damasqo katama pengeta ta menththereththana; Beeti-Edene dere kawozanne Awe zullaan diza asaa ta dhayssana; Aaraame dere asaykka di7ettidi gede Qiire dere baana» gees.

ኣሞጼ ቲንቢቴ 3:14

Istti ooththida nagara gishshas tani Isra7eele asaa qaxxayiza wode Beetelen diza yarsho yarshizasohota tani laallana; yarshizasohota bolla diza kaceti meqeretti kundana.