ሆሴኤ ቲንቢቴ 10:2 - Geeshsha Maxaafa

² Istta wozinan geney kumides; istti ba ooththida geneza waaga ekkana. GODAY istti yarsho yarshizasohota ubbaa laallana. Istti goynniza eeqa xoossa tuussatakka shoddana.

ጋሞ ማጻፋ

² ኢስታ ዎዚናን ጌኔይ ኩሚዴስ፤ ኢስቲ ባ ኦዳ ጌኔዛ ዋጋ ኤካና። ጎዳይ ኢስቲ ያርሾ ያርሺዛሶሆታ ኡባ ላላና። ኢስቲ ጎይኒዛ ኤቃ ጾሳ ቱሳታካ ሾዳና።

ሆሴኤ ቲንቢቴ 10:2 Referans Kwoze

ሚኪያሳ ቲንቢቴ 5:13

Masetti kezida intte eeqa misletanne intte eeqasohotakka ta intte giddofe dhayssana; hayssafe guye intte intte kushen ooththidaytas goynneketa.

1ካዎታ ማጻፋ 18:21

Eelaasi shiiqida asaakko biidi, «Intte ayde gakkanaas nam7u qofan daanee? GODAY Xoossa gidikko iza kaallite! Woykko Ba7aaley Xoossa gidikko iza kaallite» gides. Derezi gidikko issi qaalakka qaattibeenna.

ያቆቤ ኪታ 4:4

Intteno laymatizaytoo! Alamera siiqeteththi Xoossara morkketeth gididayssa erekketii? Hessa gishshas hayssa alamezara siiqeteth koyzay wurikka Xoossas morkke.

ያቆቤ ኪታ 1:8

Hessaadey nam7u qofan oykettidi ba biza oge bolla yaanne haa giza asa mala.

ሶፎናሳ ቲንቢቴ 1:5

Fooqe bolla kezidi salo medheteththatas goynnizayta, GODAAS goynnishenne iza sunththan caaqqishe simmi wodhidi qasse Milkkoome sunththan caaqqizayta,

ሉቃሳ ሚሺራቾ 16:13

«Nam7u godaas issito azazettana dandayzaadey oonikka deenna; woykko issaa dosidi issaa ixxees woykko issaakko shiiqidi hankkoyssa leqqees; Xoossassinne miishshas issife gaththi haarettanaas dandayekketa» gides.

Maatosa 6:24

«Issi asi nam7u godaas ooththana dandayenna. Issaa ixxidi nam7anththoza dosana; woykko issaa bonchchidi nam7anththoza leqqana; Xoossassinne miishshas nam7atas gaththi ooththanaas dandayettenna.

ዛካራሳ ቲንቢቴ 13:2

«Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana.

ሆሴኤ ቲንቢቴ 13:16

Samaariya asay bantta Xoossa bolla makkallida gishshas bantta qoho tookkana; mashshankka siifettana; qeeri nayti biitta bolla dinccettana; qanththara diza maccassata uloy daakettana» gees.

ሆሴኤ ቲንቢቴ 7:8

«Efreemey hara kawoteththatara walakettides; izi shirettontta attida ukeththa mala.

ኤርማሳ ቲንቢቴ 43:13

Gibxe biittan Heliyopolisa geetettiza kataman awa arshe xoos geetettiza eeqa xoossata hawulteta izi menththereththana; Gibxen eeqa xoossata keeththatakka taman xuuggana› gees gaada isttas yoota» gides.

ኢሳያሳ ቲንቢቴ 44:18

Istti aykkoka erettennanne akeekettenna; istti xeellontta mala istta ayfey goozettides; istti yuushshi qoppontta mala istta wozinay gordettides.

1ሳሜላ ማጻፋ 5:4

Qasse wonteththa gallas maaladora dendidi xeellishin Daagoney Xoossa Caaqo Qaala Taabotaa sinththan biitta bolla gufanni dees; iza hu7eynne iza kusheti penge bolla meqeretti wodhdhiin hankko attida asateththay xalla dees.

1ዮሃኒሳ ኪታ 2:15

Hayssa alameza woykko ha alamezan diza ay miishsheka dosopite; oonikka ha alameza dosikko Aawaa siiqoy izaade achchan deenna.

ሆሴኤ ቲንቢቴ 3:4

Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana.

ሆሴኤ ቲንቢቴ 12:11

Gala7aaden iitateththi kumides; asaykka shufuro xalla. Gelgelan mirgota yarshos shiishshizoo? Istta yarshizasoy meqerettidi goshsha giddon korettida shuchcha mala gidana» gees.

ኬሳ ማጻፋ 23:24

Istta eeqata sinththan hokkofte, woykko goynnofte, woykko istta hano qullofte. Intte istta dhayssanaassinne tuussa mala eqqi diza istta shuchcha eeqata menththereththanaas bessees.

ሌዌታ ማጻፋ 26:30

Dhoqqasohon diza intte goynniza eeqa xoossata tani dhayssana; intte exaane yarsho izan shiishshizasoza ta laallana; intte ahaa intte eeqata bolla ta yeggana; ta shemppiya inttena shaatettana.

ሌሚሶ ማጻፋ 11:18

Iita asi demmiza wodhey deenna; xilloteth zeriza asi gidikko suure woyto ekkana.

ሂዚቄላ ቲንቢቴ 14:5

Bantta eeqa xoossata gaason taappe shaakettida Isra7eele asaa ubbaa wozina haa taakko zaaranaas ta hessa ooththana› gees.