ሃጌ ቲንቢቴ 1:9 - Geeshsha Maxaafa

⁹ GODAY Ubbaafe Wolqqama Xoossay, «Intte daro demmana gidetashin guuth demmideta; hinnoka intteso gelththida wode ta punna dhayssadis. Hessa ta ooththiday inttes ay misatizee? Ta keeththay laaletti uttiin intte wurikka intte keeth keexxanaas woxxiza gishshassa.

ጋሞ ማጻፋ

⁹ ጎዳይ ኡባፌ ዎልቃማ ጾሳይ፥ «ኢንቴ ዳሮ ዴማና ጊዴታሺን ጉ ዴሚዴታ፤ ሂኖካ ኢንቴሶ ጌልዳ ዎዴ ታ ፑና ይሳዲስ። ሄሳ ታ ኦዳይ ኢንቴስ ኣይ ሚሳቲዜ? ታ ኬይ ላሌቲ ኡቲን ኢንቴ ዉሪካ ኢንቴ ኬ ኬጻናስ ዎጺዛ ጊሻሳ።

ሃጌ ቲንቢቴ 1:9 Referans Kwoze

ሃጌ ቲንቢቴ 1:4

«Ta keeththay laaletti dishin intte lo7o keeththan daanaas hayssi inttes bessiza wodeyee?»

ዮሃኒሳ ኣጁታ 3:19

Tani ta dosizayta wursa hanqayssinne qaxxayays; hessa gishshas neni minna; maaroteththanka gela.

ሚልካሳ ቲንቢቴ 2:2

Intte ta gizaaz siyontta ixxikonne intte intte wozina ta sunththaa bonchchanaas giigsontta aggiko ta intte bolla qanggeth yeddana; ta inttena anjjana anjjoza qanggeththan laammana; intte tana bonchchanaas intte wozina giigsontta aggida gishshas addafe ta hayssa ubbaa intte bolla ooththana» gees Ubbaafe Wolqqama GODAY.

ሃጌ ቲንቢቴ 1:6

Daro zerideta shin guuth maxi shiishshideta. Mideta shin kallibeekketa; uyideta shin alibeekketa; may7ideta shin may7oy inttena ho7ibeenna; damoza ekkideta shin intte ekkida damozay daakeththa karaxiiten woththidayssa mala» gees.

ኢሳያሳ ቲንቢቴ 40:7

GODAY ba shempo iza bollan shempishin maatay melees; ciishshika qokkees; tumappe derey maata mala.

ዮሃኒሳ ኣጁታ 2:4

Gidikkoka ta nena kadhiza issi miishshi dees; hessika neni kase ne siiqoza aggadasa.

ኢዮቤ ማጻፋ 10:2

Tani Xoossa hizgana; ta bolla nees lancey diikko taas qonccisa attiin ta bolla pirdofa!

2ካዎታ ማጻፋ 19:7

Tani iza bolla hessa mala ayana yeddana; izikka wore siyidi guye ba dere simmi baana; izi heen mashshan hayqqana mala ta iza ooththana› gi yootite» gides.

2ሳሜላ ማጻፋ 22:16

GODAA seerappenne iza siidheppe keziza hanqo cuwaappe dendidayssan, abba giddon diza zulleti beettida; sa7a yochchati qonccida.

2ሳሜላ ማጻፋ 21:1

Dawite kawoteththa wode heedzdzu layth kumeth iita koshay biitta bolla dendides; hessa gishshas Dawiti GODAA oychchides; GODAYKKA izas, «Sa7ooli Geba7oone asaa wodhi wursida gishshas iza bollanne izaso asaa bolla suuththa acoy dees» gides.

ሌሚሶ ማጻፋ 27:20

Hayqoynne Bashshi kalli erettenna; hessaththoka asa ayfey kallenna.

ኤራንቻታ ማጻፋ 1:8

Asi haasayanaas dandayzaazappe bollara yo7oti ubbay saleththizaaza; ayfey xeellidi kalli erenna; hayththika siyidi, «Taas gidides» gi erenna.

ሂዚቄላ ቲንቢቴ 21:31

Tani ta hanqo ne bolla gussana; tani ta hanqo tamaa ne bolla eeththana; iitateththan erettida menxe iita asatas ta nena aaththa immana.

ሌዌታ ማጻፋ 19:25

Ichchashanththo layththan qasse miththaa ayfeza inttes miite; intte hessaththo histtiko ayfe ayfiza intte miththay woden woden inttes immiza ayfey kaseppe gede gujetti gujetti baana; tani GODAA intte Xoossaa.

ዛሬ ማጻፋ 28:38

Ne gaden ne daro kath zerana shin booley mishin attida guuththa kath shiishshana.

ሌሚሶ ማጻፋ 11:24

Issi issi asati coo kiyateth immeettes; gido attiin isttas aqoy haa haa darees. Baggati keehi uuzetteettes; gido attiin istti manqi manqi beettes.

ኢሳያሳ ቲንቢቴ 5:10

Tammu waaxa booratan tokkida woyne ayfeppe issi oto gidiza woyne ushshi xalla ke7ana; tammu qun7a kath zeriin issi qun7a kaththi xalla ayfana» gides.

ኤርማሳ ቲንቢቴ 12:13

Istti gistte zeridi agunth cakkana; istti daro daaburanaashin aykkoka demmettenna; daro zeridi GODAA hanqo gaason intte guuth demmidi yeellatana» gides.