ሃጌ ቲንቢቴ 1:6 - Geeshsha Maxaafa

⁶ Daro zerideta shin guuth maxi shiishshideta. Mideta shin kallibeekketa; uyideta shin alibeekketa; may7ideta shin may7oy inttena ho7ibeenna; damoza ekkideta shin intte ekkida damozay daakeththa karaxiiten woththidayssa mala» gees.

ጋሞ ማጻፋ

⁶ ዳሮ ዜሪዴታ ሺን ጉ ማጺ ሺሺዴታ። ሚዴታ ሺን ካሊቤኬታ፤ ኡዪዴታ ሺን ኣሊቤኬታ፤ ማይኢዴታ ሺን ማይኦይ ኢንቴና ሆኢቤና፤ ዳሞዛ ኤኪዴታ ሺን ኢንቴ ኤኪዳ ዳሞዛይ ዳኬ ካራጺቴን ዎዳይሳ ማላ» ጌስ።

ሃጌ ቲንቢቴ 1:6 Referans Kwoze

ሃጌ ቲንቢቴ 1:9

GODAY Ubbaafe Wolqqama Xoossay, «Intte daro demmana gidetashin guuth demmideta; hinnoka intteso gelththida wode ta punna dhayssadis. Hessa ta ooththiday inttes ay misatizee? Ta keeththay laaletti uttiin intte wurikka intte keeth keexxanaas woxxiza gishshassa.

ሆሴኤ ቲንቢቴ 4:10

Ta derey tana GODAA aggida gishshas istti maanashin kallettenna; laymatanashin corattettenna» gees.

ሃጌ ቲንቢቴ 2:16

Intte nam7u konttaale kath ekkana giidi kaththa doorekko bideta shin issi konttaale xalla demmideta. Issi xeetu litiro gidiza woyne ushshu ekkanaas giidi woyne ushshu gum7izasoho bideta shin pexi oyddu tammu litiro xalla demmideta.

ሆሴኤ ቲንቢቴ 8:7

Istti carko zeridi gote shiishshana; buuxa bolla ayfey deenna; dhiilleyka beettenna; ayfikkoka allagati maana.

ሚልካሳ ቲንቢቴ 2:2

Intte ta gizaaz siyontta ixxikonne intte intte wozina ta sunththaa bonchchanaas giigsontta aggiko ta intte bolla qanggeth yeddana; ta inttena anjjana anjjoza qanggeththan laammana; intte tana bonchchanaas intte wozina giigsontta aggida gishshas addafe ta hayssa ubbaa intte bolla ooththana» gees Ubbaafe Wolqqama GODAY.

ኢሳያሳ ቲንቢቴ 5:10

Tammu waaxa booratan tokkida woyne ayfeppe issi oto gidiza woyne ushshi xalla ke7ana; tammu qun7a kath zeriin issi qun7a kaththi xalla ayfana» gides.

ዛካራሳ ቲንቢቴ 8:10

Hayssafe kase asaas damozay imetti erenna; meheskka kiray imetti erenna. Morkkey diza gishshas oonikka ba ooso wogara ooththi erenna; kase tani asay laggey lagge bolla dendana mala ooththida gishshas hessi hanides.

ዛካራሳ ቲንቢቴ 5:4

Ubbaafe Wolqqama GODAY, ‹Tani qanggeth ehana; izikka kaysota keeththinne ta sunththan wordo caaqqizayta keeth gelana; isttas heen diza keeththaa, miththaanne shuchchaa ubbaa dhayssana› gees» gides.

ኤርማሳ ቲንቢቴ 44:18

Gido attiin Salo Kawoys exaane cuwaseththinne ushsha yarsho shiisho nu aggoosoppe haa simmiin ubbaa miishshi nuus paccides; nuni mashshaninne koshan wuron doos» gida.

ኤርማሳ ቲንቢቴ 14:4

Iray bukkontta gishshas biittay melidi za7ees. Goshshanchchati yeellatidi bantta hu7e gulluntteettes.

ዬ ማጻፋ 107:34

Heen de7iza asaa iitateththaa gaason aradda biittayo aykko dolisontta maxine biitta ooththides.

ኢዮቤ ማጻፋ 20:28

Xoossas hanqo gallas iza soon diza haaroy wuri di7on qucetti dhayana.

ኢዮቤ ማጻፋ 20:22

Aykokka izi dure as gidiinkka; iza yiilloy gakkana; daro metoykka izara gayttana.

1ካዎታ ማጻፋ 17:12

Histtiin maccassaya izas, «GODAA ne Xoossay beyiin taas oton diza kuphpha dhiilleyfenne xaaron diza guuththa zayteyppe attiin haray aykkoyka deenna. Tani hayssa yiday guuththa mith mixa soo simmada hinnoka taninne ta naazi issito uukki miidi hayqqanaassa» gadus.

2ሳሜላ ማጻፋ 21:1

Dawite kawoteththa wode heedzdzu layth kumeth iita koshay biitta bolla dendides; hessa gishshas Dawiti GODAA oychchides; GODAYKKA izas, «Sa7ooli Geba7oone asaa wodhi wursida gishshas iza bollanne izaso asaa bolla suuththa acoy dees» gides.

ሌዌታ ማጻፋ 26:26

Intte kaththaa tani dhayssiza wode tammu maccassati wuri issi bashen uukkana; izokka maka miishshan geeddari geeddari ekkana; intteka miidi kalleketa.

ሌዌታ ማጻፋ 26:20

Intte wolqqay coo hada wurana; gaasoykka intte biittay kath immenna; miththatikka ayfettenna.

ናሂሚያ ማጻፋ 5:2

Istta giddofe issi issi asati, «Nuni nu naytara issi issi keeththan daro asi diza gishshas nu shemppo ashshanaas kath koyoos» gida.

ኤርማሳ ቲንቢቴ 12:13

Istti gistte zeridi agunth cakkana; istti daro daaburanaashin aykkoka demmettenna; daro zeridi GODAA hanqo gaason intte guuth demmidi yeellatana» gides.

ሃጌ ቲንቢቴ 1:5

Hessa gishshas GODAY Ubbaafe Wolqqama Xoossay inttena, «Ane intte ooththoyssa qopite.

ሃጌ ቲንቢቴ 1:7

GODAY Ubbaafe Wolqqama Xoossay, «Ane intte ooththidayssa qopite.

ሃጌ ቲንቢቴ 1:10

Hessa gishshas intte geedon saloppe puuseykka digettides; biittayka kath diggides.

ሃጌ ቲንቢቴ 2:17

Tani intte kushey ooththidaaz wursa kutul7en, qooshshaninne shachchan dhayssadis; gidikkoka intte qasse ha taakko simmibeekketa.

ዛሬ ማጻፋ 28:17

Ne kaththa gootaraynne maadday qanggettidaazi gidana.

ሌሚሶ ማጻፋ 11:24

Issi issi asati coo kiyateth immeettes; gido attiin isttas aqoy haa haa darees. Baggati keehi uuzetteettes; gido attiin istti manqi manqi beettes.