ሜቴ ማጻፋ 6:7 - Geeshsha Maxaafa

⁷ Hessa gishshas GODAY, «Tani medhdhida asaa ha biitta bollafe ubbaa dhayssana; asa, mehe, do7a, biittara gooshettiza medheteththatanne kafota dhayssana; ays giikko tani istta medhdhida gishshas mishettadis» gides.

ጋሞ ማጻፋ

⁷ ሄሳ ጊሻስ ጎዳይ፥ «ታኒ ሜዳ ኣሳ ሃ ቢታ ቦላፌ ኡባ ይሳና፤ ኣሳ፥ ሜሄ፥ ዶኣ፥ ቢታራ ጎሼቲዛ ሜቴታኔ ካፎታ ይሳና፤ ኣይስ ጊኮ ታኒ ኢስታ ሜዳ ጊሻስ ሚሼታዲስ» ጊዴስ።

ሜቴ ማጻፋ 6:7 Referans Kwoze

ሶፎናሳ ቲንቢቴ 1:3

GODAY, «Asenne medosata dhayssana; salo kafotanne abba giddon diza moleta ta dhayssana; ta asa zereth biitta bollafe dhayssiza wode iitati laalettida buura doore mala gidana» gees.

ዬ ማጻፋ 37:20

Iita asati gidikko hayqqana; GODAA morkketi bazzo ciishsha mala qokkana; cuwa malakka coo dhayana.

ሌሚሶ ማጻፋ 16:4

GODAY ubbaa miish medhdhida gaasoykka dees; makkallanchchata gidikkoka bashsha gallassas giigsi woththides.

ሌሚሶ ማጻፋ 10:27

GODAAS yashshi layth adussees; iitata barey gidikko qaanththa.

ሆሴኤ ቲንቢቴ 4:3

Hessa gaason biittay bolla koshay yees; izi bolla dizay wuri gilqees; meheti, do7ati, kafotinne Abba giddon diza moleti ubbay wureettes.»

ሜቴ ማጻፋ 6:6

GODAY as ha biitta bollan medhdhida gishshas modhettides; ba wozinan keehi seelettides.

ሜቴ ማጻፋ 7:4

Ays giikko laappun gallassafe guye tani oyddu tammu gallassinne oyddu tammu qamma biitta bollan ira bukisana; histtada tani medhdhida medheta ubbaa biitta bollafe dhayssana» gides.

ሜቴ ማጻፋ 7:21

Histtiin biitta bollan shemppora paxa qaaxxiza medheteththati wuri, kafoy, mehey, do7ay, biitta bollan woxxi qaxxizaynne asi wuri hayqqides.

ሜቴ ማጻፋ 8:21

Histtiin GODAY yarshoza peeno sawizayssa singidi ba wozinan, «Yelagateththafe doommiin asi wozinan qoppizayssi wuri iita gidikkoka tani asa gishshas gaada nam7anththo mulekka ha biitta qanggike. Qasse tani ha7i ooththida mala paxa diza medheteth ubbaa nam7anththo mulekka dhayssike.

ዛሬ ማጻፋ 28:63

GODAY inttena duresanaassinne intte qooda darsanaas dosida mala qasseka inttena guuththishenne biittafe dhayssishe izi ufayettana; intteka laattanaas biza biittayfe shodettana.

ዛሬ ማጻፋ 29:20

Hessa mala as GODAY mulekka maarenna; GODAA hanqoy izaade bolla tama mala eexxana; hayssa ha maxaafan xaafettida qanggeththi izaade bolla wodhdhana; salo garsafe iza sunththaa GODAY dhayssana.

1ሳሜላ ማጻፋ 15:11

«Tani Sa7oole kawoththida gishshas modhettadis; gaasoykka izi tana kaalo aggidi guye simmida gishshassinne ta azazo polontta aggida gishshassa» gides. Sameeli keehi ceecidi omars kumeth GODAAKKO waassides.

ኣሞጼ ቲንቢቴ 7:3

GODAYKKA isttas mishettidi, «Hayssi ne be7izayssi polettenna» giidi taas yootides.

ኣሞጼ ቲንቢቴ 7:6

GODAYKKA isttas mishettidi, «Hayssi ne be7izayssi polettenna» giidi taas yootides.

ሶፎናሳ ቲንቢቴ 1:2

GODAY, «Tani biitta bolla dizaaz ubbaa dhayssana» gees.

ሶፎናሳ ቲንቢቴ 1:18

GODAA bashsha gallas istta biraynne worqqay istta ashshanaas dandayenna. Biittay kumeth iza hanqon dhayana; iza zil7eteththa suulen biitta ubbay xuugettana; biitta bolla diza ubbaa bolla qoppontta dishin wurseth ehana» gees GODAY.

ኢሳያሳ ቲንቢቴ 27:11

Izi xeeray melidi meqqana; maccassatikka mixi eeththana; akeekay baynda dere gidida gishshas iza medhdhiday izas qadhettenna; ooththidayssika iza maarenna.