ሜቴ ማጻፋ 6:6 - Geeshsha Maxaafa

⁶ GODAY as ha biitta bollan medhdhida gishshas modhettides; ba wozinan keehi seelettides.

ጋሞ ማጻፋ

⁶ ጎዳይ ኣስ ሃ ቢታ ቦላን ሜዳ ጊሻስ ሞቲዴስ፤ ባ ዎዚናን ኬሂ ሴሌቲዴስ።

ሜቴ ማጻፋ 6:6 Referans Kwoze

ኢሳያሳ ቲንቢቴ 63:10

Istti gidikko makkallida; iza Geeshsha Ayanaakka mishisida hessa gishshas izi simmidi isttas morkke gidides; istta olides.

1ሳሜላ ማጻፋ 15:11

«Tani Sa7oole kawoththida gishshas modhettadis; gaasoykka izi tana kaalo aggidi guye simmida gishshassinne ta azazo polontta aggida gishshassa» gides. Sameeli keehi ceecidi omars kumeth GODAAKKO waassides.

ኤፌሶኔ ኣሳስ 4:30

Intte attana gallassas attamettida Xoossaa Xillo Ayana mishisopite.

Ibirawe 3:10

He wode yeletata bolla ta hanqettin istta wozinay ubba wode balettees; istti ta oge eribeettenna.

1ሳሜላ ማጻፋ 15:29

Isra7eele bonchcho gidida GODAY wordotenna; modhettenna; gaasoykka modhettanaas izi ase gidenna» gides.

2ሳሜላ ማጻፋ 24:16

GODAA kiitanchchay Yerusalaame dippi histtidi dhayssanaas ba kushe yeddiin asaa bolla gakkida qohoy GODAA qadheththides; histtiin dereza wursiza kiitanchchaza, «Gidana! Agga!» gides. He wode GODAA kiitanchchay Yaabuse dere as Orna bale achchan eqqi dees.

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

ዮናሳ ቲንቢቴ 3:10

Istti ba iita ogeppe simmidayssa Xoossay be7idi isttas qadhettidi istta bolla ehana gida pirdaa aggides.

ኢዩኤሌ ቲንቢቴ 2:13

Intte intte kayo bessanaas may7o daaketh xalla gidenna; hessafe bollara intte wozinay meqqiin maarettite; GODAA intte Xoossay kiyanne maariza Xoossa, hanqoska eesotenna; mernaa siiqon izi durenne qaxxayanaas eesotontta Xoossa; hessa gishshas intte izakko simmite.

ኬሳ ማጻፋ 32:14

Hessa gishshas GODAY ba asaa bolla iita miish ehanaas qoppidayssa aggides.

ሂዚቄላ ቲንቢቴ 33:11

Neni isttas Ubbaa Haariza GODAY, ‹Tani ta de7on caaqqays; istti ba ogeppe simmidi shemppora paxa daana mala attiin iita asata hayqon ta ufayettike; simmite! Intte iita ogeppe simmite! Isra7eele keeththa asatoo ays hayqqeetii?› gaada yoota.

ኤርማሳ ቲንቢቴ 26:19

«Histtiin, Yuhuda Kawo Hizqiyaasinne Yuhuda asay ubbay iza wodhidoo? Hizqiyaasi GODAAS yayyidi izappe maaro woossibeennee? GODAYKKA ba ehana gi qoppida qixaateza aggaagibeennee? Gido attiin nuni nurkka nu bolla pala iita miish ehana hanoos» gides.

1ታሪኬ ማጻፋ 21:15

Hessafe guye GODAY Yerusalaame dhayssanaas kiitanchcha kiittides; gido attiin kiitanchchazi Yerusalaame dhayssanaas shiiqi uttidaashin GODAY be7idi mishettides; dhayssana yida kiitanchchaa, «Agga! Istta bolla gakkida bashshay gidana» gides. He wode Godaa Xoossaa kiitanchchay Yaabuse dere as Orna bale matan eqqides.

ኢሳያሳ ቲንቢቴ 48:18

Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

1ሳሜላ ማጻፋ 15:35

Sameeli Sa7ooles yeekkikokka izi hayqqanaashe gakkanaas nam7anththo iza be7anaas bibeenna; GODAY Sa7oole Isra7eele bolla kawoththida gishshas modhettides.

ዛሬ ማጻፋ 32:36

Isttas wolqqay daaburdayssanne isttaka maaddizay bayndayssa be7idi, GODAY ba asaas pirdana; ba aylletaskka qadhettana.

ዛሬ ማጻፋ 32:29

Istti erata gididaakko hayssa istti kasetidi qoppana; bantta wurseththankka hananayssa yuushshi qoppanashin!

ዛሬ ማጻፋ 5:29

Isttassinne istta zereththatas mernaas ubbaa miishshi lo7o gidana mala istti taas yayyanaassinne ta azazota ubba wode naaganaas hayssa mala wozinay dizaakko ay mala lo7ooshaa!

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

Ibirawe 3:17

Xoossi istta bolla oyddu tammu layth hanqettidayti istti oonanttee? Nagara ooththiin istta ahay bazzo biittan kundi attidayta gidettennee?

ሚልካሳ ቲንቢቴ 3:6

«Tani laamettontta Xoossa; hessa gishshas intteno Yaaqoobe naytoo! Intte dhaybeekketa» gees GODAY.

ሆሴኤ ቲንቢቴ 11:8

«Efreemee! Ta nena wostta aggaaganee? Isra7eele ta nena wostta aaththa immanee? Ta kase Adaamaninne Xaboymen ooththidayssaththo wostta ne bolla ooththoo? Ta wozinay giddon qaaxxides; ta maaroteththay nena ashshana dendides.

ዬ ማጻፋ 119:158

Ne azazota naagontta gishshas ta ammanettonttayta beyada shaatettadis.

ዬ ማጻፋ 110:4

GODAY, «Malkexeedeqe qeeseteththa mala nenikka mernaas qeese gidana» giidi caaqqides; izi ba qofa laammenna.

ዬ ማጻፋ 95:10

He yeletaa bolla tani oyddu tammu layth hanqettadis; tanikka, ‹Istti ubba wode bantta wozinan baliza asa; istti ta oge eribeettenna› gadis.

ዬ ማጻፋ 81:13

«Ta derey tana siyidaakkoo! Isra7eele asay ta oge kaallidaakko!

ዬ ማጻፋ 78:40

Istti bazzon aappunto iza bolla makkallidoo! Mela bazzon aappunto iza lancissidoo!

ኦሮሜ ኣሳስ 11:29

Xoossi dooridaappenne ba kiyateth immidaappe guye ba ooththida miishshan simmidi modhettenna.

ሜቴ ማጻፋ 6:7

Hessa gishshas GODAY, «Tani medhdhida asaa ha biitta bollafe ubbaa dhayssana; asa, mehe, do7a, biittara gooshettiza medheteththatanne kafota dhayssana; ays giikko tani istta medhdhida gishshas mishettadis» gides.

ኤርማሳ ቲንቢቴ 18:7

Tani issi derey woykko issi kawoteththi shodettana mala, laalettana malanne dhayana mala yootikko,