ሜቴ ማጻፋ 49:8 - Geeshsha Maxaafa

⁸ «Yuhuda ne ishati nena galatana; neni ne morkketa morge naaqqa oykkana; ne aawa nayti nees hokkidi ziggana.

ጋሞ ማጻፋ

⁸ «ዩሁዳ ኔ ኢሻቲ ኔና ጋላታና፤ ኔኒ ኔ ሞርኬታ ሞርጌ ናቃ ኦይካና፤ ኔ ኣዋ ናይቲ ኔስ ሆኪዲ ዚጋና።

ሜቴ ማጻፋ 49:8 Referans Kwoze

Ibirawe 7:14

Nu Goday Yuhuda baggafe yidayssi tuma; Musey qeeseta gishshas yootishe ha zereththaa gishshas yootidayssi issi miishshika deenna.

ሜቴ ማጻፋ 27:29

Kawoteththati nees haarettetto; asi wuri nees gulbato; neni ne ishatas godaa gida; ne aayey zereththi nees gulbato; nena qanggizay qanggettidaaz gido; nena anjjizay anjjettidayssa gido» gides.

1ታሪኬ ማጻፋ 5:2

Bayrateththa maatay Yooseefe zereththatas imettikokka Yuhuday ba ishata giddon mino gidida gishshas dere ayssizaadey iza zereththafe kezides.

ኢያሶ ማጻፋ 10:24

Istti he kawota Iyaasokko ehiin Iyaasoy Isra7eele attuma asaa ubbaa baakko xeygidi banara diza ola gadawata, «Haa yiidi hayta kawota qoodhe bolla yedhdhi eqqite» gides. Isttika sinth aadhdhidi ba tohon kawota qoodhe bolla yedhdhi eqqida.

ዛሬ ማጻፋ 33:7

Yuhuda qommota gishshas Musey, «GODAWU, Yuhuda qommota waaso siya; istti ba dabbotara issifeteththan daana mala ooththa; isttas gita wolqqa imma; istti ba morkketara olettishin neni istta maadda» gides.

ሜቴ ማጻፋ 29:35

Iza qasseka qanththatada attuma naa yelada iza, «Hi7a tani GODAA galatana» gadus; hessa gishshas iza Yuhuda ga sunththadus; hessafe guye yelo essadus.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዮሃኒሳ ኣጁታ 5:5

He wode cimatappe issaadey taas, «Ne yeekkofa! Hekko Yuhuda bagga gidida Dawite zarkkefe dendida gaammoy izi kase xoonides; izi xaaththa maxaafazanne laappun maatameza doyanaas dandayees» gides.

Ibirawe 10:13

He gallassafe simmiin iza morkketi iza toho garsan yedhettana gakkanaas naagon dees.

ሂዚቄላ ቲንቢቴ 21:29

Ne gishshas be7ida wordo ajjuutay, nees yootettida muurennoy diikkoka, isttas gene xuu7ay kumishin, istta barey gakkishin siifettana bessiza iitata qoodhe bolla wodhdhana.

ኢሳያሳ ቲንቢቴ 9:7

Iza kawoteththa aakoteththaassinne iza saroteththaas zaway deenna; hachchife doommidi mernaa gakkanaas ba kawoteththaa, suure pirdaninne xilloteththan essana; lo7eththi oykkidi minththana; Dawite kawoteththa araatan izi uttana; deraa ubbaa haarana; Ubbaafe Wolqqama GODAA qanaatey hessa polana.

ዬ ማጻፋ 76:1

Xoossi Yuhudan erettides; iza sunththika Isra7eelen gita.

2ታሪኬ ማጻፋ 30:11

Gidikkoka Aaseere asatappe, Minaase asatappenne Zaabiloone asatappe guuththati banttana kawushshidi Yerusalaame yida.

2ታሪኬ ማጻፋ 17:2

Gimbetti uttida Yuhuda katamata ubbaan olanchchata woththides; qasse Yuhuda biittaninne iza aawa Aasi oli oykkida Efreeme biittaa katamatan woththides.

2ታሪኬ ማጻፋ 15:9

GODAY iza Xoossi izara de7izayssa be7ida gishshas daro asay Isra7eeleppe izakko yides; Aasi Yuhuda asaanne Biniyaame asaa ubbaa, isttara de7iza Efreeme zareta, Minaase zaretanne Simoona zareta shiishshides.

2ታሪኬ ማጻፋ 14:8

Aasas wogga gondalletanne toorata oykkiza 300,000 olanchchati Yuhuda zareppe deettes; qasse qeeri gondalleta oykkizaytinne wondafe dukkizayti 280,000 olanchchati Biniyaame zareppe deettes. Haytanti ubbayka mino olanchchata.

2ሳሜላ ማጻፋ 24:9

Iyo7aabey ola asaa qooda ubbaa kawoza erisides; Isra7eelen 800,000 Yuhudan 500,000 mashsha shoddi olettana dandayzati beettida.

2ሳሜላ ማጻፋ 22:41

Ta morkketi guye simmi baqatana mala ooththadasa; tana ixxizayta dhayssadasa.

2ሳሜላ ማጻፋ 5:3

Hessa gishshas Isra7eele asaa kaaleththizayti ubbay Kebroone yida; kawo Dawiti Kebroonen GODAA sinththan isttara caaqo qaala gelides; isttika Dawite tiydi Isra7eele bolla kawoththida.

ዳናታ ማጻፋ 20:18

Isra7eele asay Beetele biidi, «Biniyaame asaa olanaas nuuppe sinththatidi ooni kezanee?» giidi Xoossaa oychchides. GODAYKKA, «Koyro Yuhuda qommoy kezo» gides.

ታይቦ ማጻፋ 26:22

Yuhuda zarkkefe qoodettidayti 76,500 addeta.

ታይቦ ማጻፋ 10:14

Yuhuda qommota bandira garsan diza Aminadaabe naa Ne7asooney kaaleththiin ba butte tara naagidi koyro bida.

ሜቴ ማጻፋ 46:12

Yuhuda attuma nayti Eera, Oonaane, Seela, Paareesenne Zaraahe; gido attiin Eeraynne Oonaaney Kanaane biittan hayqqida. Paareese attuma nayti Hexiroomenne Hamule.

ሜቴ ማጻፋ 42:6

He wode Yooseefey he biittaa ayssizaadenne biittan diza asaa ubbaas kath bayzisizay iza gidida gishshas Yooseefe ishati gakkida mala, ba hu7e biittan gaththidi izas ziggida.

ታይቦ ማጻፋ 26:20

Hankko attida Yuhuda zarkkefe yelettidayti Seloomenne iza zereththata, Paareesenne iza zereththata, Zaraahenne iza zereththata.

1ታሪኬ ማጻፋ 28:4

Tani Isra7eele bolla mernaas kawotana mala GODAA Isra7eele Xoossay ta aawaa keeththa asaa ubbaafe tana doorides; Kaaleththana mala koyro Yuhuda qommo doorides; Yuhuda qommofe ta aawa soo asaa doorides; ta aawa nayta giddofe tana dooridi Isra7eele ubbaa bolla ta kawotana mala izas shene gidides.

ኢያሶ ማጻፋ 15:20

Yuhuda qommotas istta zarkken zarkken gishshas immida biittay hayssafe kaalli dizayssa.