ሜቴ ማጻፋ 49:10 - Geeshsha Maxaafa

¹⁰ Dere haarizaadey yaana gakkanaashe, kawoteththaa algay Yuhudappe, halaqateththa guufey iza keeththafe shaakettenna. Qasse dere asay izas azazettana.

ጋሞ ማጻፋ

¹⁰ ዴሬ ሃሪዛዴይ ያና ጋካናሼ፥ ካዎቴ ኣልጋይ ዩሁዳፔ፥ ሃላቃቴ ጉፌይ ኢዛ ኬፌ ሻኬቴና። ቃሴ ዴሬ ኣሳይ ኢዛስ ኣዛዜታና።

ሜቴ ማጻፋ 49:10 Referans Kwoze

ታይቦ ማጻፋ 24:17

Tani iza be7ays; gido attiin ha7i gidenna; ta iza xeellays; gidikkoka ha7i matan gidenna; Xoolinttey Yaaqoobeppe beettana; Kawoteththa guufey Isra7eeleppe kezana; Mo7aabe zereththaanne Seete zereththata ubbaa dippi histti dhayssana.

ኢሳያሳ ቲንቢቴ 9:6

Hekko nuus nay yelettides! Attuma naykka nuus imettides! Halaqateththi iza hashe bolla gidana; iza sunththi, «Malalisiza zoranchcha, Wolqqama Xoossa, Mernaa Aawa, Saroteththa Halaqa» geetettana.

ኢሳያሳ ቲንቢቴ 42:1

GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ዬ ማጻፋ 60:7

Gala7aadeynne Minaasey tayta; Efreemey taas hu7e qoobe; Yuhuday taas kawoteththa guufe.

ኢሳያሳ ቲንቢቴ 33:22

GODAY nuus pirdiza daanna; GODAY nuus woga immizaade; GODAY nuus kawo; nuna ashshanaykka iza.

Ibirawe 7:14

Nu Goday Yuhuda baggafe yidayssi tuma; Musey qeeseta gishshas yootishe ha zereththaa gishshas yootidayssi issi miishshika deenna.

ዛካራሳ ቲንቢቴ 10:11

Istti abba giddora waayetti aadhdhana; abba dambalay co7u gaana; ciimma abbayka wuri miccana; otoranchcha Asoore dere asay kawuyana; Gibxe Kawoteththa xam7ay meqqana.

ሂዚቄላ ቲንቢቴ 21:27

Bulasana! Bulasana! Aawateththi bessizaadey yaana gakkanaas iza beni mala hanukku; ta izas izo aaththa immana› gees.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ኦሮሜ ኣሳስ 15:12

Hessaththo Isayaasan, «Ba dere asaa bolla kawotiza Isseye nay yaana. Alame asaa ayssizaadey dendana; isttika izan ufayettana» gees.

ዮሃኒሳ ሚሺራቾ 12:32

Tani dhoqqu gaada kaqettiza wode asaa wursa taakko zaarana» gides.

ዛካራሳ ቲንቢቴ 2:11

He gallas daro kawoteththati GODAAKKO shiiqidi iza dere gidana; izikka ne giddon de7ana; Ubbaafe Wolqqama GODAY tana neekko kiittidayssa nekka erana.

ኤርማሳ ቲንቢቴ 30:21

Istta kaaleththizay istta baggafe gidana; istta ayssizay istta giddofe dendana; tani iza taakko shiishshana; izikka taakko shiiqana. Ta shiishshontta dishin xalidi taakko shiiqanay oonee?

ኢሳያሳ ቲንቢቴ 11:10

He wode Isseye zereththi kawoteththatas malaata gidi eqqana; kawoteththati izakko yaana; iza shemposoy bonchchettana.

ዮሃኒሳ ሚሺራቾ 19:15

Gido attiin istti qasse, «Gede digga! Gede digga! Kaqqa!» gishe waassida. Philaxoosikka, «Ta intte kawo kaqqoo?» gides. Qeeseta halaqati zaaridi, «Nuus Qeesaareppe hara kawoy deenna» gida.

Maatosa 1:21

Iza attuma naa yelana; izi as nagarappe ashshanaade gidida gishshas iza sunth ne, ‹Yesusa› ga sunththana» gides.

ኢሳያሳ ቲንቢቴ 62:11

Be7ite, GODAY sa7a gaxa gakkanaas, «Xiyoone macca nays, ‹Hekko nena Ashshizaadey yees; ne waagay iza kushen dees; ne qaaday izakkon dees› giite» giidi awajjides.

ሆሴኤ ቲንቢቴ 11:12

GODAY, «Efreeme wordon Isra7eeleykka genen tana giddoththides; Yuhuday Xoossas haarettonttaade; ammanettida Geeshshazara eqettizaade» gees.

ኢሳያሳ ቲንቢቴ 60:1

GODAY, «Ne poo7oy yida gishshas dendada poo7isa; GODAA bonchchoy ne bolla poo7ides.

ኢሳያሳ ቲንቢቴ 2:2

Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ዬ ማጻፋ 108:8

Gala7aadey tayssa; Minaaseykka tayssa; Efreemey ta hu7en woththiza birata qoobe; Yuhuday ta kawoteththa guufe.

ታይቦ ማጻፋ 21:18

Kawoti ba kawoteththa guufen bookkida; daannati ba guufen ziqqisida; haaththa ollaas yexxite» gida. He bazzozappe dendidi gede Mataane bida.

Maatosa 25:32

Derey wuri iza sinththi shiiqana; izikka mehe heemmizaadey deysh dorsafe qori shaakkiza mala asaa issaa issaafe qori shaakkana.

Maatosa 21:9

Izappe sinththara biza dereynne guyera kaalliza dereykka ba qaala dhoqqu histtidi, «Hoosa7inna! Dawite nay galatetto! Godaa sunththan yiday anjjettidaade! Xoossi galatetto!» gida.

Maatosa 17:5

Izi buro haasayan dishin poo7iza shaaray istta kammides; shaara gaaththara, «Tani izan ufayettiza ta dosiza ta nay hayssa; izi gizayssa siyite» giza qaala giiris Siyite.

ሃጌ ቲንቢቴ 2:7

Kawoteththata ubbaa ta qaaseththana. Kawoteththata ubbaa haaroy ha yaana mala ta ooththana. Hayssa ha keeththan ta anjjo kunththana.

ዳኔላ ቲንቢቴ 9:25

«Ne hayssa era, akeeka; Yerusalaame zaari ooththanaassinne ooraththanaas awajjay kezida gallassafe doommidi haariza tiyettidaadey yaana gakkanaas laappun saaminttanne usuppun tammanne nam7u saamintta gidana; Yerusalaame ogetinne izis dirsati zaari ooraxana; hessi polettanay meto wodenna.

ሂዚቄላ ቲንቢቴ 19:14

Izis wogga haggata issaafe tamay kezides; iza ayfida ayfeza mides; kawoteththas gidiza issi mino haggayka attibeenna; hayssi zilassa; ceece gallas milassas gidana› ga» gides.

2ቆሮንቶሴ ኣሳስ 5:10

Nuni wurikka Kirstoosa pirda wombora sinth shiiqanayssi attenna; nuuppe issoy issoy biitta bolla ba ooththiday iita gidiin woykko lo7o gidiin ba ooso mala bessiza waaga baas ekkana.

ዮሃኒሳ ሚሺራቾ 19:12

Philaxoosi hessa Yesusa haasaya siyidaappe guye iza birshi yeddana koyides shin Ayhudatas babbida gishshas istti, «Ne hayssa addeza birshiko Oroome Kawo Qeesaare bagga gidakka; gaasoykka bana barkka kawoththizaadey wuri Qeesaares morkke» gishe wurikka waassida.

ዮሃኒሳ ሚሺራቾ 18:31

Philaxoosikka, «Intte iza ekki biidi intte wogaa mala pirdite» gides. Ayhudata ayssizayti qasse zaaridi, «Nuni as wodhana mala nuus piqaadey imettibeenna» gida.

ሂዚቄላ ቲንቢቴ 19:11

Izi haggati kawoteththas bessiza mino guufeta. Cippi gida hayththata giddon, ba adussateththaninne ba cora haggatan lo7a beettadus.

ዮሃኒሳ ሚሺራቾ 9:7

«Baada Selihoomen asay xammaqettizason meecetta» gides. Selihoome guussi kiitettidayssa guussa. Addezikka biidi meecettidi xeellishe simmi yides.

ዛሬ ማጻፋ 28:57

Morkkey iza de7iza katamaa dooddidi izo un7eththida gishshassinne tuggasida gishshas izis miza miishshi haray aykkoyka deenna; Hessa gishshas iza ba yelida yidhanne do7aa ba siiqiza azinaanne ba nayta gaththontta uuzettada geeman barkka maana.

ኤርማሳ ቲንቢቴ 33:26

tani Yaaqoobe zereththatanne ta aylle Dawite zereththata aggaagana; Dawite zareppe Abrahaame, Yisaaqanne Yaaqoobe zareta bolla kawotana mala doorikke; tani isttas qadhettana; isttafe di7ettidayssaka isttas zaarana» gees.

ታይቦ ማጻፋ 24:19

Yaaqoobeppe dere ayssizaadey kezana; izi katama giddon attidayta pitti dhayssana» gides.

2ሳሜላ ማጻፋ 7:13

Ta sunththaas keeth keexxanay iza; tanikka iza kawoteththaa mernaas minththana.

2ሳሜላ ማጻፋ 7:16

Ne keeththaynne ne kawoteththi ta sinththan mernaas minni daana; ne kawoteththa araataykka mernaas minni daana» gides.

1ታሪኬ ማጻፋ 12:24

Gondallenne toora oykkidi olas giigettida Yuhuda zarkketi usuppun shiyanne osppun xeeta.

1ታሪኬ ማጻፋ 12:39

Istta dabboti isttas koshshizayssa giigsi woththida gishshas mishenne uyishe Dawitekkon heedzdzu gallas gam7ida.

ዬ ማጻፋ 60:9

Gimbettida katamaakko tana oonee efanay? Eedoome gakkanaas tana oonee kaaleththanay?

ዬ ማጻፋ 78:68

Gido attiin izi Yuhuda zarenne ba siiqiza Xiyoone zumaa doorides.

ኢሳያሳ ቲንቢቴ 55:3

Intte hayth doydi haa taakko shiiqite; intte shemppora paxa daana mala ta gizaa ezgi siyite; kase ta Dawitera caaqqida mino siiqon inttenarakka mernaa caaqo caaqettana.

ሂዚቄላ ቲንቢቴ 21:32

Neni eeso mith gidana; ne deren ne suuththi gukkana; hayssafe guye nena qofsiza miishshi deenna; tani GODAY hayssa yootadis› gees» gides.

ሚኪያሳ ቲንቢቴ 5:1

Hanne neni ola asata katamaye, ne ola asaa ziirsa. Nuna oykkanaas yuuyi aadhdhida; Isra7eele haarizayssas shagalan guufera shocana.