ሜቴ ማጻፋ 42:13 - Geeshsha Maxaafa

¹³ Gido attiin istti, «Nuni ne aylleti tammanne nam7u ishatanne Kanaane biittan diza issi aawa nayta. Wurseththa kaaloy ha7i nu aawara dees; issoy gidikko dhaydes» gida.

ጋሞ ማጻፋ

¹³ ጊዶ ኣቲን ኢስቲ፥ «ኑኒ ኔ ኣይሌቲ ታማኔ ናምኡ ኢሻታኔ ካናኔ ቢታን ዲዛ ኢሲ ኣዋ ናይታ። ዉርሴ ካሎይ ሃኢ ኑ ኣዋራ ዴስ፤ ኢሶይ ጊዲኮ ይዴስ» ጊዳ።

ሜቴ ማጻፋ 42:13 Referans Kwoze

ሜቴ ማጻፋ 37:30

Izi guye ba ishataakko biidi, «Naazi heen baawa; ha7i ta awa simma boo!» gides.

ሜቴ ማጻፋ 44:20

Nunikka, ‹Nuus cimmida aaway dees; izi cimmidi yelida kaalo naykka dees; he naaza ishay hayqqides; ba aayeeys issi iza xallay attides; aawaykka iza keehi siiqees› gi nees yootidos.

ሜቴ ማጻፋ 42:32

Nuni tammanne nam7u ishati issi aawa nayta; issoy dhaydes; wurseththa kaaloy Kanaane biittan ha7i nu aawara dees› gi yootidos.

ሜቴ ማጻፋ 43:7

Isttika izas, «He addezi nu gishshassinne nuso asaa gishshas lo7eththi oychchides. Izi nuna, ‹Intte aaway ha7ikka paxa dizee? Inttes hara ishay dizee?› gi oychchiin nuni izi oychchida oyshozas zaaro immidos. Izikka nuna, ‹Intte ishaa duge haa ekki yiite› gaanayssa nuni aazan erinoo?» gida.

Maatosa 2:16

Eranchchati iza baleththidayssa erida wode Herdoosi keehi hanqettides. Eranchchati izas kase yootida mala ba as kiittidi nam7u layththinne nam7u layth kumonttayta Beeteliheemeninne Beeteliheeme yuushon diza guuththa attuma nayta ubbaa wodhisides.

ኤርማሳ ዚላስ 5:7

Nu aawati nagara ooththida; nuni istta qixaate ekkidos.

ኤርማሳ ቲንቢቴ 31:15

GODAY, «Waasoynne camo yeehoy Eraama katamappe seetettides; izi nayti wurida gishshas Eraheela yeekkadus; minetonttaka ixxadus» gees.

ሜቴ ማጻፋ 45:26

Istti izas, «Yooseefey paxa dees! Qasseka izi Gibxe biitta ubbaa haarees» giin Yaaqoobe wozinay dagammida gishshas istta ammanibeenna.

ሜቴ ማጻፋ 44:28

Isttafe issoy taappe shaaketti biin tumu iza do7ay puuzereththi mides; hach gakkanaaska tani iza beyabeekke.

ሜቴ ማጻፋ 42:38

Gido attiin Yaaqoobey isttas, «Ta naazi inttenara duge beenna; iza ishay hayqqiin attiday iza xalla; intte efishin ogen iita miishshi iza gakkizaa gidikko intte tana yeehoranne muuzora duufon efana» gides.

ሜቴ ማጻፋ 42:36

Istta aawa Yaaqoobey isttas, «Intte tana ta naytappe mela kessideta; Yooseefey baawa, Simooni baawa; qasse intte Biniyaame efana koyeeta. Wuri taas dhuma girdi gides» gides.

ሜቴ ማጻፋ 42:11

Nu wurikka issi aawa nayta. Nuni ne aylleti ammanettiza asa» gida.

ሜቴ ማጻፋ 42:12

Histtiin Yooseefey isttas, «Gidekketa! Intte nu biittan naagoy leppiza baggay awayssako xomosi xeellana yideta» gides.

ሜቴ ማጻፋ 42:14

Yooseefey isttas, «Tani inttes yootida malakka intte biitta xomosizayta.

ሜቴ ማጻፋ 43:29

Izi ba aayey naa Biniyaame be7idi isttas, «Intte yootida intte wurseththa kaalo ishay hayssee?» gides. Qasse izi Biniyaame, «Ta naazoo Xoossi nena anjjo» gides.