ሜቴ ማጻፋ 26:14 - Geeshsha Maxaafa

¹⁴ Yisaaqas dorsi, miiza wudeynne aylleti keehi darida gishshas Filisxeeme asay iza miqqaynides.

ጋሞ ማጻፋ

¹⁴ ዪሳቃስ ዶርሲ፥ ሚዛ ዉዴይኔ ኣይሌቲ ኬሂ ዳሪዳ ጊሻስ ፊሊስጼሜ ኣሳይ ኢዛ ሚቃይኒዴስ።

ሜቴ ማጻፋ 26:14 Referans Kwoze

ሜቴ ማጻፋ 37:11

Iza ishati iza miqqaynida; gido attiin iza aaway ha yo7oza ba wozinan woththidi naagides.

ኤራንቻታ ማጻፋ 4:4

Hessaththoka asay ba amottidayssa demmanaas keehi daaburdi ooththees; gido attiin he daaburay ba lagge bolla qanaateteththan dendon gididayssa tani akeekadis. Hessika hada; carko oykkanaas yedeththiza mala.

ሌሚሶ ማጻፋ 27:4

Sheney menxe iita; hanqoy menxe iita; qanaate sinththan eqqi dandayanay oonee?

ሌሚሶ ማጻፋ 10:22

GODAA anjjoy dure kessees; izi he dureteththan meto gujjenna.

ዬ ማጻፋ 112:3

Aqotaynne dureteththi iza keeththan dees; iza xilloteththayka mernaas de7ana.

ኢዮቤ ማጻፋ 42:12

Xoossi Iyoobes wurseththa de7oza koyroyssafe aaththi anjjides. Hessa gishshas Iyoobes 14,000 dorsi, 6,000 gaamellati, 1,000 waaththa boorati, 1,000 macca hareti deettes.

ኢዮቤ ማጻፋ 5:2

Eeya as yiilloy wodhana; qanaateykka as dhayssana.

ኢዮቤ ማጻፋ 1:3

Haaro baggarakka izas 7,000 dorsati, 3,000 gaamellati, 500 waaththa booratinne 500 hareti deettes; qasseka keehi daro aylleti deettes. Arshey mokkizaso baggara iza mala durenne gita asi haray deenna.

1ሳሜላ ማጻፋ 18:9

Sa7ooli he gallassafe doommidi Dawite iita ayfen xeelo oykkides.

ሜቴ ማጻፋ 13:2

Abraamey he wode mehen, biraninne worqqan daro duretides.

ሜቴ ማጻፋ 12:16

Histtiin izi geedon kawoy Abraame lo7o ayfen xeellidi Abraames dorsatanne boorata, adde haretanne macca hareta, adde aylletanne macca aylleta, gaamellatakka immides.

ዬ ማጻፋ 112:10

Iita asi hessa be7idi yiillotees; ba achchaa garccishe coo gilqi dhayees; iitata amoy hada gidana.

ሜቴ ማጻፋ 24:35

GODAY ta godaa Abrahaame keehi anjjiin izi duretides; dors, miiz, bira, worqqa, attuma aylleta, macca aylleta, gaamellatanne, hareta izas immides.

ሜቴ ማጻፋ 25:5

Abrahaamey ba haaro ubbaa Yisaaqa laatissides.

ሜቴ ማጻፋ 30:43

Hessaththo hanidi Yaaqoobey keehi duretidi, daro mehe wude, macca aylletanne attuma aylleta, daro gaamellatanne hareta haarides.