ሜቴ ማጻፋ 26:12 - Geeshsha Maxaafa

¹² Yisaaqi he biittan kath zeriin GODAY iza anjjida gishshas he layththan xeetu kushe shiishshides.

ጋሞ ማጻፋ

¹² ዪሳቂ ሄ ቢታን ካ ዜሪን ጎዳይ ኢዛ ኣንጂዳ ጊሻስ ሄ ላይን ጼቱ ኩሼ ሺሺዴስ።

ሜቴ ማጻፋ 26:12 Referans Kwoze

ሜቴ ማጻፋ 26:3

Ha biittan guuththa wode uttaashsha; tani nenara gidana; nena anjjana; ays giikko hayssa biittaa ubbaa tani neessinne ne zereththaas immana; tani ne aawa Abrahaames caaqo gelida ufayssa qaalaa minththana.

ማርቆሳ ሚሺራቾ 4:8

Hara zereththi qasse lo7o orde biitta bolla wodhdhida gishshas caaridi diccides; ayfekka ayfides; Issoy heedzdzu tammu, issoy qasse usuppun tammu, issoy qasse xeetu ayfides.»

ኤራንቻታ ማጻፋ 11:6

Maaladora ne zereth zera; omarsika ne kushey ooso birshofo; gaasoykka hayssi woykko hessi, woykko nam7ay lo7anaakko, woykko awayssi ayfanaakko ne erakka.

ዬ ማጻፋ 67:6

Biittay kath immana; Xoossi, nu Xoossay nuna anjjana.

ሜቴ ማጻፋ 24:35

GODAY ta godaa Abrahaame keehi anjjiin izi duretides; dors, miiz, bira, worqqa, attuma aylleta, macca aylleta, gaamellatanne, hareta izas immides.

ሜቴ ማጻፋ 24:1

Abrahaamey daro cimmides; GODAY iza ubbaankka anjjides.

1ቆሮንቶሴ ኣሳስ 3:6

Ta tokkadis; Aphiloosi haaththe ushshides; dichchiday gidikko Xoossa.

ዛካራሳ ቲንቢቴ 8:12

Zereththay lo7o mokkana; woyne miththay ayfana; biittayka kath immana; saloykka ira immana; heyta wursaka haan hayssan attiza derezas xinxxo histti immana.

ኢዮቤ ማጻፋ 42:12

Xoossi Iyoobes wurseththa de7oza koyroyssafe aaththi anjjides. Hessa gishshas Iyoobes 14,000 dorsi, 6,000 gaamellati, 1,000 waaththa boorati, 1,000 macca hareti deettes.

ሜቴ ማጻፋ 30:30

Tani yaanaappe kase nees diza guuththay ha7i keehi darides; ta aadhdhida ubbason GODAY nena anjjides; gido attiin ha7i tani taso asaas ayde ooththoo?» gides.

Maatosa 13:8

Hara zereththika aradda biittan wodhdhidi ayfekka ayfides; issoy xeetu, issoy usuppun tammu, issoy heedzdzu tammu ayfe immides.

ዬ ማጻፋ 72:16

Biittan daro kaththay mokko; zumati kaththan kamettetto; Biittay Libaanoose mala kaththa biitta gido; maatay demba kumiza mala katama kumo.

Maatosa 13:23

Lo7o biittan zerettida zereththay qasse qaala siyidi yuushshi qoppizaade misatees; lo7o ayfe ayfees; issoy xeetu, issoy usuppun tammu, issoy heedzdzu tammu ayfe immides» gides.

ሜቴ ማጻፋ 26:29

Gido attiin nuni nees kiyateth xalla ooththidi nena saroteththan moyzidos; hessaththoka neni nu bolla iita miish ooththontta mala ane nenara caaqo caaqettoos; ha7i nena GODAY anjjidayssi qonccides» gida.

ሌሚሶ ማጻፋ 10:22

GODAA anjjoy dure kessees; izi he dureteththan meto gujjenna.

ሜቴ ማጻፋ 25:11

Abrahaamey hayqqidaappe guye Xoossi iza naa Yisaaqa anjjides. He wode Yisaaqi, «Tana Be7iza De7o Xoossaa Pultto» geetettiza pultto achchan dees.