ሜቴ ማጻፋ 24:17 - Geeshsha Maxaafa

¹⁷ He aylley izikko woxxi biidi izo, «Ne otozappe tana guuththa haath ushsharkkii!» gides.

ጋሞ ማጻፋ

¹⁷ ሄ ኣይሌይ ኢዚኮ ዎጺ ቢዲ ኢዞ፥ «ኔ ኦቶዛፔ ታና ጉ ሃ ኡሻርኪ!» ጊዴስ።

ሜቴ ማጻፋ 24:17 Referans Kwoze

ዮሃኒሳ ሚሺራቾ 4:7

He wode issi Samaariya dere maccas dizaara haaththe duuqqanaas he haaththaa ollaako yadus. Yesusikka izo, «Tana haaththe ushsha» gides.

ኢሳያሳ ቲንቢቴ 21:14

Saamettidaytas haath ehite; intteno Temaanen dizaytoo! Bete asatas kath ehite.

1ካዎታ ማጻፋ 17:10

Hessafe guye Eelaasi dendidi Sirafta bides; izi biidi katamaa penge gakkida mala issi am7e maccassaya mith maxizaaro demmides; Eelaasi izo xeygidi, «Zay taas uyana haath ekka yarkkii!» gi woossides.

ዮሃኒሳ ሚሺራቾ 4:9

Hinna Samaariya maccassaya Yesusa, «Ne Ayhuda as gida uttada waanada tana Samaariya maccas, ‹Haaththe ushsha› ga oychchay?» gadus; iza hessa giday Ayhuda asaassinne Samaariya asas gaagoteththi dontta gishshassa.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኢሳያሳ ቲንቢቴ 30:25

Asay wuriza wolqqama gallassan miixati laalettishin gita zumata ubbata bollafenne zumbullata ubbata bollafe duge haaththi goggana.

ሜቴ ማጻፋ 24:45

«Tani ta wozinan woossizayssa wursontta dishin Irbiqay ba oto hashen tookka ekkada puttu gadus; duge pulttaako wodhdhada haath duuqqadus; tani izo, ‹Tana haath ushsharkkii!› gadis.