ሜቴ ማጻፋ 23:4 - Geeshsha Maxaafa

⁴ «Tani intte giddon imaththa; ta machcheyo mooganaas taas intte gadeppe moogoso bayzerketii!» gides.

ጋሞ ማጻፋ

⁴ «ታኒ ኢንቴ ጊዶን ኢማ፤ ታ ማቼዮ ሞጋናስ ታስ ኢንቴ ጋዴፔ ሞጎሶ ባይዜርኬቲ!» ጊዴስ።

ሜቴ ማጻፋ 23:4 Referans Kwoze

Ibirawe 11:9

Allaga biittaan bete asa mala buro nees imettana geetettida biittaan ammanon uttides; izas imettida hidota qaalaa izara issife laattana Yisaaqa malanne Yaaqoobe mala dunkaanen de7ides.

1ታሪኬ ማጻፋ 29:15

Kase nu aawata mala nunikka ne sinththan betenne imaththata; ha sa7aa bollan nu de7o layththay hidotay baynda kuwa mala elle aadhdhees.

ሜቴ ማጻፋ 17:8

Ha7i neni bete gidada diza Kanaane derey wuri neessinne neeppe guye ne zereththas mernaas laata biitta gidana mala tani immana; qasse tani istta Xoos gidana» gides.

ዬ ማጻፋ 119:19

Tani ha sa7an imaththa; ne azazota taappe genththofa.

ሃዋሬታ ኦሶ 7:5

Haray attoshin issi tohoy eqqiza gadey izas hayssafe imettibeenna; gido attiin he wode izas issi naykka baynda dishin izinne izappe guyen iza zereththi biittayo laattana mala Xoossi izas caaqqides.

ዬ ማጻፋ 39:12

«Abeet GODAWU! Ta woosa siya; tana maaddanaas ta waasoza ezga. Ta afunththaa co7u gooppa; tani kase ta aawata ubbaa mala bete asinne imath gidada ne keeththan days.

ሌዌታ ማጻፋ 25:23

« ‹Gadey wozzettontta mala bayzanaas bessenna; gaasoykka biittay taassa attiin iza inttes gidukku; intte imaththatanne bete asata mala.

ሜቴ ማጻፋ 49:30

Hessika Kanaane biittan, Mamire achchan diza Makipheele geetettiza gongolo; hayssika Abrahaamey moogos Hiite as Efrooneppe gadaara gaththi shammida gongolo.

1ጴጽሮሳ ኪታ 2:11

Ta siiqotoo! Intte hayssa alameza bolla imaththenne bete as gidida gishshas shemppora olettiza asho amoteththatappe haakkana mala ta inttena hadara gays.

ኤራንቻታ ማጻፋ 12:7

biittay duge biittan simmontta dishin, shemppoy immida Xoossako simmontta dishin, nena Medhdhida Xoossako simma.

ኤራንቻታ ማጻፋ 12:5

pudunth kessi xooniza wode, oge buussi babisiza wode, ochcholooney ciiyiza wode, booley barkka bana goochchiza wode, asappe amoy dhayza wode asi ba mernaa keeth baana; yeekkizaytikka balen yuuyana.

ኤራንቻታ ማጻፋ 6:3

Issi asi xeetu nayta gakkanaas yeli cimmidi adussa layth de7anawu dandayees; gido attiin izi ba aqotan ufayettontta aggikonne hayqqidi wogara moogettontta aggiko izappe awucayay kiya.

ኢዮቤ ማጻፋ 30:23

Asa ubbaas qaada gidida hayqos ne tana aaththada immanayssa ta erays.

ሜቴ ማጻፋ 50:13

Iza ahaa Kanaane biitta efidi Mamire achchan diza Makipheele geetettiza gongolon, Abrahaamey Hiite as Efrooneppe moogos shammida gaden iza moogida.

ሜቴ ማጻፋ 47:9

Yaaqoobey kawozas, «Tani yuuya yuuya deyida layththay 130; ta layththay beni ta aawati yuuyi yuuyi deyida layththatappe guuththanne metoy darida layththa» gides.

ሜቴ ማጻፋ 3:19

Neni biittan simmana gakkanaas daaburan ne cawa gussa ooththada maana; neni biittafe medhettida gishshas biittan simmandasa» gides.

ሃዋሬታ ኦሶ 7:16

Istta ahaykka Seekeeme geetettizaso efiin Abrahaamey Emoore naytappe ba miishshan shammida duufon moogettides.

ሜቴ ማጻፋ 23:5

Hiiteti izas, «Godoo! Nuni nena yootizayssa siya; neni nu giddon gita asa; neni ne machchey aha nu duufoppe nena lo7idaason mooga; neni ne machchey aha mooganaas ba duufo oonikka nena diggenna» gi zaarida.

ኬሳ ማጻፋ 2:22

Xipoora adde naa yeliin Musey naaza, «Tani asa biittan bete asa» gishe Gershoome gi sunththides.