ሜቴ ማጻፋ 20:5 - Geeshsha Maxaafa

⁵ Izi, ‹Iza ta michcho› gibeennee? Qasse iza, ‹Izi ta isha› gabeekkee? Tani hayssa tumu wozinappe ooththadis» gides.

ጋሞ ማጻፋ

⁵ ኢዚ፥ ‹ኢዛ ታ ሚቾ› ጊቤኔ? ቃሴ ኢዛ፥ ‹ኢዚ ታ ኢሻ› ጋቤኬ? ታኒ ሃይሳ ቱሙ ዎዚናፔ ኦዲስ» ጊዴስ።

ሜቴ ማጻፋ 20:5 Referans Kwoze

ዬ ማጻፋ 7:8

GODAY kawoteththata bolla pirdees. Abeet GODAWU! Taas ta xilloteththa malanne ta suureteththa mala pirda.

1ካዎታ ማጻፋ 9:4

«Neni gidikko ne aawa Dawiti simerettida mala borey baynda suureteththan ta sinththan simerettiko, ta azazo ubbaa ooththikonne ta wogaanne ta maaraa ne naagikko,

1ጺምቶሳስ 1:13

Hayssafe kase ta ay mala as cayizaadenne goodeththizaade, qasse makkalla as gidikkoka hessa ta eronttanne ammanontta dashe ooththida gishshas Xoossi tana maarides.

1ታሶሎንቄ ኣሳስ 2:10

Nu inttenara ammanizaytara diza wode xilloteththaninne geeshshateththan qasseka wosoy baynda nu waani de7idaakko intteka Xoossika nuus markka.

2ቆሮንቶሴ ኣሳስ 1:12

Histtiko nu ceeqeteththi hayssa mala; ha alamezan harappeka inttessara nuussara diza gaytoteththan Xoossafe gidida geeshshateththaninne suureteththan nu de7idayssa nu wozinay nuus markkattees; hessika asa cinccateththan gidontta Xoossa kiyateththanna.

ዳኔላ ቲንቢቴ 6:22

Gaammoti tana qohontta mala Xoossi ba kiitanchcha taakko kiittidi istta doona gordides; izi hessaththo ooththiday tani iza achchan xillonne nenakka tani qohonttayssa izi eriza gishshassa» gi zaarides.

ሌሚሶ ማጻፋ 20:7

Xillo asi borey baynda de7o dees; izappe kaallidi iza naytikka anjjettidayta.

ሌሚሶ ማጻፋ 11:3

Xillota istta suureteththi kaaleththees; gido attiin wordanchchata istta wordoteththi dhayssees.

ዬ ማጻፋ 78:72

Histtiin Dawitikka istta suure wozinan heemmides; qasseka hiillan istta kaaleththides.

ዬ ማጻፋ 73:13

Histtiin tani wozina geeshshateththan naagidayssi tana ay maaddidee! Ta kushe ta xilloteththan meeccidayssi coo tana dhallibeenna.

ዬ ማጻፋ 26:6

Abeet GODAWU! Tanan qohoy bayndayssa bessanaas ta kusheza meeccays; histtada yarsho yarshizasoza yuuyays.

ዬ ማጻፋ 25:21

Ne taas hidota gidida gishshas suureteththaynne tumateththay tana naago.

ዬ ማጻፋ 24:4

Iza kushey nagarappe geeyiday, iza wozinay geeshsha gididay, eeqa xoossatas goynnonttay, wordo caaqqonttay,

ኢዮቤ ማጻፋ 33:9

Neni haasayashe, ‹Tani qohoynne borey baynda asa; tani nagara ooththonttaadenne xillo asa.

1ታሪኬ ማጻፋ 29:17

«Ta Xoossawu! Neni wozina pilgga xeellizayssanne suureteth dosizayssa tani erays; tani ta suure wozinaninne lo7o shenen hayssa ubbaa immadis; hayssan diza ne asaykka nees ba lo7o shenen immidi ufayettidayssa tani be7adis.

2ካዎታ ማጻፋ 20:3

«Abeet GODAWU! Tani ne sinththan ammaneteththan, kumeththa wozinappe hemettidayssanne nena ufayssizaaz ooththidayssa taas qoppa» giidi camo yeeho yeekkides.

ኢያሶ ማጻፋ 22:22

«GODAY Wolqqama Xoossay! GODAY Wolqqama Xoossay! Nuni hayssa ays ooththidaakko izi erees! Nuni ays ooththidaakko intteka erana mala koyoos. Nuni hayssa ooththiday makkallateththaninne GODAAS azazeteththa ixon gidikko, hach nuna maaropite.

ሜቴ ማጻፋ 12:13

Hessa gishshas istti taas ne gaason kiyana malanne qasse ne gaason ta hayqqontta attana mala neni, ‹Ta izas michcho› ga» gides.

ሜቴ ማጻፋ 20:13

Xoossi tana ta aawa keeththafe kessida wode tani izis nuni bida biittan ubbaan neni taas ooththana kiyateththi, ‹Izi taas isha› gaada yoota gadis» gides.

ሜቴ ማጻፋ 20:16

Saaraska, «Tani ne ishaas issi shii saqile bira immadis; hayssi hekko nenara dizayta ubbaa sinththan neni xillo gididayssa erisana» gides.

ዬ ማጻፋ 7:9

Qofanne wozina pilgga eriza xillo Xoossawu! Iitata geneza neni dhayssa; gido attiin xillota saron naaga.