ሜቴ ማጻፋ 2:8 - Geeshsha Maxaafa

⁸ Kase GODAY arshey mokkiza baggara Edene geetettizason lo7oso giigsidi ba medhdhida addeza heen woththides.

ጋሞ ማጻፋ

⁸ ካሴ ጎዳይ ኣርሼይ ሞኪዛ ባጋራ ኤዴኔ ጌቴቲዛሶን ሎኦሶ ጊግሲዲ ባ ሜዳ ኣዴዛ ሄን ዎዴስ።

ሜቴ ማጻፋ 2:8 Referans Kwoze

ሂዚቄላ ቲንቢቴ 28:13

Neni Edenen, Xoossa atakilte giddon de7adasa; bonchcho shuchchazi issoy issoy nena alleqissides; isttika sardiyoone, tophaaziyoonenne almaaze, margide, iyasphidenne simpere, belure, birillenne al7o inqqu; ne may7otikka xolqiza inqqunne worqqa; hayti neni medhettida gallas oosettida.

ሜቴ ማጻፋ 3:24

Iza kessidi, de7o miththaako efiza oge naagana mala, kirube geetettiza kiitanchchatanne popol7u gi aadhdhi aadhdhi wodhdhiza tama laco misatiza giththa mashsha Edeneppe arshey mokkiza baggara woththides.

ሜቴ ማጻፋ 13:10

Looxey yuuyi aadhdhi xeellidi Yordaanoose shoobbay biidi Zo7aare gakkanaas GODAA gannate woykko Gibxe biitta mala daro haaththi dizayssa be7ides. (Hessika GODAY Sodoomenne Gamoora geetettiza katamata dhayssanaappe kase.)

ኢዩኤሌ ቲንቢቴ 2:3

He booleti ba sinththan beettidaazi ubbaa tama mala maana; tama laco mala xuuggana; buro istta gakkontta biittay Edene gannate mala cilila biitta shin istti gakki aadhdhida biittay aykkoy baynda bazzo biitta gidana; booleti mishin attida miishshika beettenna.

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

2ካዎታ ማጻፋ 19:12

Kase ta aawati dhayssida kawoteththata Gozaanen, Kaaraanen, Erafaasen hessaththoka Talasaaren diza Edene asata istta eeqa xoossati istta ashshidoo?

ሜቴ ማጻፋ 4:16

Qayeeley GODAA sinththafe kezidi Edene baggafe arshey mokkiza baggara diza Noode geetettiza biittan de7ides.

ሂዚቄላ ቲንቢቴ 31:16

Duge duufon gelizaytara ta iza gelththiza wode izi kundishin siyettida giirissay kawoteththata daganththides; hessafe guye Edene miththati, dummanne doorettida Libaanoose miththati, haath kallida miththati ubbay biitta garsan dishe minettida.

ሂዚቄላ ቲንቢቴ 31:18

«Edenen miththatappe puulateththaninne adussateththan nenara ginattanay oonee? Gido attiin nenikka hessaththo Edene miththatara issife biitta gars gelana; mashshan hayqqidaytaranne ammanonttaytara issi bolla ichchana. «Paaroonenne qooday baynda iza deraa gakkanayssi hayssa; tani Ubbaa Haariza GODAY hayssa yootadis» gides.

ሂዚቄላ ቲንቢቴ 27:23

«Kaaraane, Kaane, Edene, Saaba, Asoorenne Kilmaade zal7anchchati nenara zal7etteettes.

ሜቴ ማጻፋ 3:23

Hessa gishshas izi ba medhettida biittaa ooththana mala, GODAA Xoossay Edeneppe iza kessides.