ሜቴ ማጻፋ 2:17 - Geeshsha Maxaafa

¹⁷ gido attiin lo7onne iita erisiza miththay teerappe mooppa; ays giikko neni izippe mida gallas tumu hayqqana» gi azazides.

ጋሞ ማጻፋ

¹⁷ ጊዶ ኣቲን ሎኦኔ ኢታ ኤሪሲዛ ሚይ ቴራፔ ሞፓ፤ ኣይስ ጊኮ ኔኒ ኢዚፔ ሚዳ ጋላስ ቱሙ ሃይቃና» ጊ ኣዛዚዴስ።

ሜቴ ማጻፋ 2:17 Referans Kwoze

ኦሮሜ ኣሳስ 6:23

Nagara waagay hayqo; gido attiin Xoossa imotay gidikko Godaa Yesus Kirstoosa baggara mernaa de7o.

ያቆቤ ኪታ 1:15

Amoy qanththatidi nagara yelees; nagaraykka diccidaappe guye hayqo yelees.

ሜቴ ማጻፋ 3:19

Neni biittan simmana gakkanaas daaburan ne cawa gussa ooththada maana; neni biittafe medhettida gishshas biittan simmandasa» gides.

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

ቆላሲያሴ ኣሳስ 2:13

Intte kase intte mooroninne intte asho nagara hanoteththaa inttefe diggontta aggida gishshas hayqqidaytakko shin Xoossi inttena Kirstoosa baggara paththides; intte nagaraakka ubbaa atto gides.

1ጺምቶሳስ 5:6

Ha biittaa lo7o duus xalla koyza am7eya gidikko iza paxa dashe hayqqidaaro.

ጋላቲያ ኣሳስ 3:10

«Woga naagon ammanettizayti wurikka qanggeththa garsan deettes; woga maxaafatan xaafettidayssa ubbaa ooththonttaadey izi qanggettidaade» geetetti xaafettides.

1ቆሮንቶሴ ኣሳስ 15:22

Asi wurikka Addaame baggara hayqqida mala hessaththoka asi wurikka Kirstoosa baggara hayqoppe dendana.

1ዮሃኒሳ ኪታ 5:16

Oonikka ba ishay bana hayqos gaththontta nagara ooththishin beyikko izas woosso; Xoossika hayqos gaththontta nagara ooththidaytas de7o immana; hayqos gaththiza nagaraykka dees; hayqos gaththiza nagara gishshas woosso giikke.

1ቆሮንቶሴ ኣሳስ 15:56

Hayqoy izara dukkiza wolqqay nagara; nagara wolqqay woga.

ኦሮሜ ኣሳስ 1:32

«Hessa ooththizayti wurikka hayqqanaas bessees» giza Xoossa wogaa istti erishe heytantta baas ooso xalala gidontta hessaththo ooththizaytakka minththeththeettes.

ሂዚቄላ ቲንቢቴ 18:32

Oonikka hayqqanayssa ta koykke gees Ubbaa Haariza GODAY; taakko haa simmidi shemppora paxa diite» gides.

ሜቴ ማጻፋ 3:17

Addaamekka GODAA Xoossay, «Neni ne machchey qaala siyida gishshas tani nena, ‹He miththaa ayfe mooppa› gaada azazida miththaa ayfeppe neni mida gishshas, «Ne geedon biittay qanggettidaaz gido! Neni ne de7o layth ubbaan gita daaburan biitta ooththada maana.

ሜቴ ማጻፋ 3:11

GODAA Xoossay iza, «Neni kallo daasa giidi nees yootiday oonee? Tani nena, ‹Mooppa› gaada azazida miththaa ayfeppe madii?» gi oychchides.

ኤፌሶኔ ኣሳስ 5:14

Gaasoykka ubbaa bessizay poo7o; hessa gishshas, «Nenoo, dhiskizaysso beegga! Hayqoppe denda! Kirstoosi nees poo7isana» geetettides.

ኦሮሜ ኣሳስ 6:16

Intte inttena aylle mala shiishshiza wode intte azazettizaades aylle gididayssa ereeta; hessaththoka gede hayqokko efiza nagaras woykko xilloteththako gaththiza azazeteththas intte aylle gididayssa erekketii?

ሂዚቄላ ቲንቢቴ 33:8

Tani iitaza, ‹Haysso iitazoo, neni tumappe hayqqana› tani gida wode, izi ba ogeppe simmana mala ne ooththontta aggiko he iita addezi ba nagaran hayqqana; neni gidikko iza suuththaa gishshas oyshettana.

ሂዚቄላ ቲንቢቴ 18:4

Be7ite asa ubbaa shemppoy taassa; yelidayta shemppoy taas gidida mala istta nayta shemppoyka taassa; nagara ooththida shemppoya hayqqana.

ዮሃኒሳ ኣጁታ 20:14

Hayqoynne Duufoy tama abba giddo yegettida; he tama abbazi nam7anththo hayqo.

ኦሮሜ ኣሳስ 8:2

Gaasoykka de7o Ayana wogay Yesus Kirstoosa baggara nagarappe istta geeshshida gishshassa.

ዮሃኒሳ ኣጁታ 2:11

«Ayanay Woosa Keeththatas gizayssa hayththi dizay siyo! xoonidaadey nam7anththo hayqon qohettenna» gaada xaafa gides.

ሂዚቄላ ቲንቢቴ 33:14

Qasse iita as ne tumappe hayqqana giikko, izi ba nagarappe simmidi suurenne likke gidida miish ooththiko,

ዛሬ ማጻፋ 30:19

Tani intte sinththan de7onne hayqo, anjjonne qanggeth woththidayssas hach salonne sa7aa intte bolla markkasays; hessa gishshas intteninne intte zareti de7on de7ana mala de7o doorite.

ዛሬ ማጻፋ 30:15

Neni doorana mala tani hach nees de7onne lo7eteth, woykko hayqonne bash ne sinththan woththadis.

ሂዚቄላ ቲንቢቴ 18:13

dichchas tal7iko, buute daro dich ekkiko, hessa mala asi shemppora paxa daanee? Mulekka deenna! Izi hayta harassiza miishshata ooththida gishshas izi tumukka hayqqana; ba suuththan barkka oyshettana; tumukka hayqqana.

1ካዎታ ማጻፋ 2:42

Shim7e xeygisi shiishshidi, « ‹Yerusalaameppe kezada haraso bizaa gidikko ne hayqqana› gaada GODAA sunththan caaqeththada nees minththa yootabeekkinaa? He wode neni, ‹Ne gizayssi lo7o; eeno, ta azazettana› gadasa.

1ሳሜላ ማጻፋ 14:39

Isra7eele ashshida de7o GODAY be7iin ta naa Yoonataaney qoho ooththidaa gidikkoka hayqqana bessees» gides. Gido attiin deraa giddofe izas zaaro immiday issaadeyka deenna.

ዛሬ ማጻፋ 27:26

«Hayta ha woga qaalata naagontta ubbay qanggettidaade gido!» Derezi wurikka, «Amiin!» go.

ታይቦ ማጻፋ 26:65

Hessi hessaththo haniday GODAY kase isttas, «Istti wurikka bazzo biittan hayqqana!» gida gishshassa; gido attiin Yoofine naa Kaalebeynne Nawe naa Iyaasoy attaafe ubbayka hayqqida.

ሜቴ ማጻፋ 20:7

Ha7i hanno maccassayo izi azinaas zaara; gaasoykka izi nabe gidida gishshas izi nees Xoossaa woossiko neni paxana; gido attiin ne izo zaarontta ixxiko neninne nees dizaazi wuri hayqqanayssa tumappe ne era» gides.

ሜቴ ማጻፋ 2:9

GODAY xeellanaas lo7iza, maanaaska mal7iza dumma dumma qommo mith biittafe mokisides; Edene giddon de7o immiza miththi dees; hessaththoka lo7onne iita erisiza mith woththides.

ዮሃኒሳ ኣጁታ 20:6

Koyro denththan dizayti heyti anjjettidaytanne geeshshata. Istta bolla nam7anththo hayqos wolqqay deenna; istti Xoossa qeesetanne Kirstoosa qeeseta gidana; istti Kirstoosara shii layth kawotana.

ኤርማሳ ቲንቢቴ 26:8

Gido attiin Ermaasi derezas yootana mala GODAY izas yootidayssa derezas yooti wursida mala qeeseti, nabetinne derezi wuri iza oykkidi, «Nena wodhanaas bessees!

1ሳሜላ ማጻፋ 22:16

Kawozi zaaridi izas, «Ahimelekee! Neninne ne aawa soo asay ubbay hayqqandeta!» gides.

1ሳሜላ ማጻፋ 20:31

Isseye nay shemppora paxa diza woden aydekka neninne ne kawoteththay minneketa. Izi hayqqana bessiza gishshas as yeddada taas haa ekka ya!» gides.

1ሳሜላ ማጻፋ 14:44

Sa7oolikka, «Iita miish ta bolla ehida Yoonataanee! Neni hayqqontta aggiko GODAY ta bolla pirdo» gides.

1ካዎታ ማጻፋ 2:37

Neni katamaappe kezada Qediroone shoobbaa pinnida gallas hayqqanayssa era; ne suuththa gomey nena oykkana» gides.

ዳናታ ማጻፋ 3:2

Izi hessa ooththiday hayssafe kase ola oletti erontta Isra7eele yeletaa ola tamaarsanaassa.