ሜቴ ማጻፋ 16:8 - Geeshsha Maxaafa

⁸ Izikka Aggaaro, «Hanne Soora aylle Aggaaree! Awappe yadii? Qasse awa bay?» gi oychchides. Iza, «Tani ta godatteyo Soorappe bete bays» gadus.

ጋሞ ማጻፋ

⁸ ኢዚካ ኣጋሮ፥ «ሃኔ ሶራ ኣይሌ ኣጋሬ! ኣዋፔ ያዲ? ቃሴ ኣዋ ባይ?» ጊ ኦይቺዴስ። ኢዛ፥ «ታኒ ታ ጎዳቴዮ ሶራፔ ቤቴ ባይስ» ጋዱስ።

ሜቴ ማጻፋ 16:8 Referans Kwoze

ሜቴ ማጻፋ 3:9

Gido attiin GODAA Xoossay addeza xeygidi, «Addaame awan day?» gides.

ሜቴ ማጻፋ 4:10

GODAY Qayeele, «Hessa ays ooththadii? Beya; ne ishaa suuththi biittafe pude taakko waassees.

ኤራንቻታ ማጻፋ 10:4

Ne goday ne bolla hanqettiko ne soho yeddofa; gaasoykka dandayay gita hanqo co7u histtees.

1ሳሜላ ማጻፋ 26:19

Ha7ikka ta godaa kawoy, ba aylleza cenggurs ezgi siyo; GODAY nena ta bolla denththeththidaa gidikko izi yarsho mo; gido attiin hayssa asi ooththidaa gidikko GODAA achchan qanggettidayta gidetto; gaasoykka, ‹Ba, baada hara eeqatas goynna› giidi GODAA achchan xinxxoy dontta mala hach yedeththida.

ሜቴ ማጻፋ 16:4

Abraameykka Aggaaro ekkiin iza qanththatadus; iza baas shaaray attidayssa erida wode ba godatteyo leqqadus.

ሜቴ ማጻፋ 16:1

Abraame machcheya Sooray izas ha7ikka naa yelabeekku; gido attiin izis Gibxeppe yida Aggaaro geetettiza issi aylleya dawus.

ሜቴ ማጻፋ 16:9

GODAA kiitanchchayka izis, «Neni ne godatteyko guye simma baada izis haaretta» gides

1ካዎታ ማጻፋ 19:9

Heen diza gongolo giddo gelidi aqides. GODAA qaalay izakko yiidi, «Eelaasaa! Hayssan ay ooththay?» gides.

1ካዎታ ማጻፋ 19:13

Eelaasi hessa siyidi ba may7ida hashe may7on ba ayfeso kammides. Histtidi kare kezi gongoloza pengen eqqides. Hessafe guye, «Eelaasaa! Hayssan ay ooththay?» giza cenggurs siyides.

ሜቴ ማጻፋ 21:17

Xoossi naaza waaso siyides; saloppe Xoossa kiitanchchay Aggaaro xeygidi, «Aggaaree! Waanadii? Xoossi naazi ichchidason yeekkizayssa siyida gishshas babbofa;

ዳናታ ማጻፋ 19:17

Cima addezikka he katamaan diza dembaan uttida addeza be7idi, «Ne awappe yida asee? Awa bay?» giidi oychchides.

2ካዎታ ማጻፋ 5:25

Hessafe guye Giyaazey gelidi ba godaa Elssa7e sinththan aadhdhi eqqides. Elssa7ikka iza, «Giyaaze ne awa badii?» giidi oychchides. Giyaazeykka izas, «Ta ne aylley awakka babeekke» gi zaarides.